ဖေဖော်ဝါရီ-၇၊၂၀၂၆။ဟာနာဆန်/People’s Spring
အသက်မပြည့်သေးဘဲစစ်မှုထမ်းအထည့်ခံလိုက်ရတဲ့ စစ်ကောင်စီတပ်သားတစ်ဦး ရေစကြိုပကဖထံ လက်နက်ခဲယမ်းတွေနဲ့ အလင်းဝင်လာခဲ့ပါတယ်။
ဒီကနေ့ ဖေဖော်ဝါရီ ၇ ရက် မနက် ၁၁ နာရီခန့်က မြိုင်မြို့နယ်၊ လင်းကတောနယ်မြေရဲစခန်းမှာ တာဝန်ကျနေတဲ့ အသက် ၁၈ နှစ်အရွယ် စစ်ကောင်စီတပ်သား မျိုးမင်းသန့်ဟာရေစကြိုပကဖထံဆက်သွယ်ပြီး အလင်းဝင်လိုကြောင်း ဆက်သွယ်လာခဲ့တယ်လို့ ရေစကြိုပကဖအဖွဲ့ရဲ့ ပြန်ကြားရေးတာဝန်ခံက ပြောပါတယ်။
အဲဒီနောက် မနက် ၁၁ နာရီခွဲခန့်မှာ ၎င်းတပ်သားကို လင်းကတောရဲစခန်းကနေ ဘေးကင်းစွာခေါ်ဆောင်နိုင်ခဲ့ပြီး ၎င်းကိုင်ဆောင်တဲ့ MA1 ၁ လက်၊ကျည်ဘောက် ၄ ဘောက်၊ ၅.၅၆ကျည် ၁၀၀ တောင့်ကို အပ်နှံလာလို့ ၂၅ သိိန်း ဆုချီးမြှင့်ခဲ့တယ်လို့ ရေစကြိုပကဖအဖွဲ့ရဲ့ ပြန်ကြားရေးတာဝန်ခံက ပြောပါတယ်။
Public Service Announcement
“ သူက ဧရာဝတီတိုင်းက ရွာတစ်ရွာမှာ ဥက္ကဌက သူ့ကို စစ်မှုထမ်းအတွက် စာကျပါတယ်ဆိုပြီး လိမ်လည်ပြီး ရဲလက်ကိုအပ်လိုက်တာ။ အဲတုန်းကသူ့အသက် ၁၇ ရှိသေးတယ်။ အဲကနေ စစ်မှုထမ်းစုဆောင်းရေးထဲပါသွားတာ။” လို့ ၎င်းက ပြောပါတယ်။
အဲဒီနောက် ၎င်းဟာ ရေစကြိုမြို့နယ်၊ လင်းကတောနယ်မြေရဲစခန်းမှာ တစ်နှစ်ကျော် တာဝန်ကျပြီးနောက် ဒီမနက်မှာ ရေစကြိုပကဖထံ ဖုန်းဆက်ကာ အလင်းဝင်လာတာဖြစ်ကြောင်း ရေစကြိုပကဖအဖွဲ့ရဲ့ ပြန်ကြားရေးတာဝန်ခံက ပြောပါတယ်။
အဲဒီ အလင်းဝင်တပ်သားကို လက်တလော လုံခြုံတဲ့နေရာမှာ ထားပေးထားတယ်လို့ ၎င်းတာဝန်ခံက ဆိုပါတယ်။
လင်းကတောနယ်မြေရဲစခန်းဟာ ရေစကြို-မြိုင် သွားတဲ့လမ်းပေါ်မှာတည်ရှိပြီး မကြာခဏလည်းတိုက်ခိုက်ခံရဖူးပါတယ်။
