မိုးကုတ်မြို့အနောက်ဘက်မှာတိုက်ပွဲ​တွေဆက်ဖြစ်

ဖေဖော်ဝါရီ-၂၇၊‌‌၂၀၂၆။ရှိန်း/People’s Spring

စစ်ကောင်စီတပ်ကမိုးကုတ်မြို့ကိုငြိမ်းချမ်းနေသယောင်ဝါဒဖြန့် နေပေမယ့် မြို့အနောက်ပိုင်းတမိုင်ခန့်အကွာမှာ နေ့စဉ်နီးပါးတိုက်ပွဲဖြစ်နေတယ်လို့ တော်လှန်ရေးတပ်တွေကပြောပါတယ်။

စစ်တပ်ကမိုးကုတ်မြို့ကို၂၀၂၅နှစ်ကုန်ပိုင်းမှာပြန်ဝင်ရောက်လာပြီးကတည်းကမြို့အနီးဝန်းကျင်မှာ​PDF​တွေ ဦး​ဆောင်တဲ့​တော်လှန်​ရေးတပ်​တွေနဲ့တိုက်ပွဲတွေခပ်စိတ်စိတ်ဖြစ်​နေတာပါ။ ဒီရက်ပိုင်းမှာတော့မြို့အရှေ့ခြမ်းကငြိမ်နေ​ပေမယ့် အနောက်ခြမ်းက မြို့နဲ့ထိစပ် နေတဲ့ ကျေးရွာတွေမှာတိုက်ပွဲ​တွေဖြစ်နေတာလို့ စစ်​ရေးသတင်းရင်းမြစ်အချို့က​ပြောပါတယ်။

မြို့အနီးဝန်းကျင်မှာဖြစ်တဲ့တိုက်ပွဲ​တွေနဲ့ပတ်သက်ပြီး​တော့ “နှစ်ဖက်အထိခိုက်အကျဆုံးတွေရှိတယ်။စစ်ကောင်စီဘက်ကတော်တော်လေးအထိနာတဲ့တိုက်ပွဲတွေအထိရှိထားပါတယ်”လို့ တော်လှန်ရေး တပ်ဖွဲ့ဝင်တဦးက ပြောပါတယ်။

Public Service Announcement

လက်ရှိမိုးကုတ်မြို့အတွင်းနေထိုင်သူတဦးကလည်း တခါတရံ ပစ် ခတ်သံတချို့ကြားရတယ်လို့ဆိုပါတယ်။

“အရင်ကထပ်တော့ ငြိမ်တယ်ပြောရမှာပေါ့။ ရှော့တိုက်ဒုံးတွေ၊ဒရုန်းနဲ့ ဗုံးကြဲတာတွေမြို့တွင်း တော့အသံသိပ်မကြားရတော့ဘူး။မြို့ပြင်ကတော့ အနောက်ခြမ်းမှာအသံတော်တော်ကြားရတယ် “လို့ ​ဒေသခံအမျိုးသမီးတဦးကပြောပါတယ်။

တရုတ်အစိုးရကြားဝင်မှုနဲ့ မိုးကုတ်မြို့ ၊မိုးမိတ်မြို့ကိုTNLAတပ်ကစစ်တပ်နဲ့ သဘောတူညီချက်အရ ၂၀၂၅ခုနှစ် နိုဝင်ဘာလ ၂၉ ရက်နေ့ကပြန်ဆုတ်ပေးခဲ့တာပါ။ဒါ​​ပေမယ့်နိုဝင်ဘာလ၃၀ ရက်နေ့ကစတင်ပြီး မြို့ပတ်ဝန်းကျင်မှာPDF ၊ပကဖ နဲ့မဟာမိတ်ပူး​ပေါင်းတပ်​တွေနဲ့ တိုက်ပွဲတွေနေတာပါ။