မတ်- ၁၀၊၂၀၂၆။သုည/People’s Spring
စစ်ကိုင်းတိုင်းမှာ သပိတ်အဖွဲ့တွေ၊ ဒေသခံပြည်သူတွေဟာ စစ်အာဏာရှင်ဆန့်ကျင်ရေးနဲ့ နိုင်ငံရေးအကျဥ်းသားတွေလွှတ်ပေးရေး တောင်းဆိုလှုပ်ရှားမှုတွေ ဒီကနေ့ (မတ်လ ၁၀)မှာ ပြုလုပ်ခဲ့ပါတယ်။
ကလေးမြို့နယ်မှာ လူထုတိုက်ပွဲဦးဆောင်ကော်မတီက ဒေသခံပြည်သူတွေနဲ့အတူ ပူးပေါင်းပြီး “စစ်အာဏာရှင်အပါအဝင် အာဏာရှင်စနစ်မှန်သမျှကျဆုံးရေး” အလံမလိပ် အသံမတိတ် လှုပ်ရှားမှု ပြုလုပ်ခဲ့ပါတယ်။
ရွှေဘိုမြို့နယ်မှာလည်း စစ်တပ်ရဲ့ ဖမ်းဆီး အကျဉ်းချခံနေရသော အကျဉ်းထောင်တွင်းမှ အမျိုးသမီးတွေက အာဏာရှင်ကို တော်လှန်နေသော အမျိုးသမီးထုကို လေးစားဂုဏ်ပြုသောအားဖြင့် “သတ္တိအပြည့်နဲ့အမျိုးသမီးများ သံတိုင်ကြားက လက်ထောင်ထား” စာသားနဲ့ အမျိုးသမီးမဟာမိတ်အင်အားစုမှ လှုပ်ရှားမှုတစ်ခု ပြုလုပ်ခဲ့ပါတယ်။
Public Service Announcement
ယင်းမာပင်မြို့နယ်မှာလည်း အောင်လံလွှင့်မည်ရွှေရေကြည်လူထုသပိတ်က ဒေသခံပြည်သူတွေနဲ့အတူ စစ်အာဏာရှင်ဆန့်ကျင်ရေး ကြွေးကြော်သံတွေနဲ့ ချီတက်ဆန္ဒပြခဲ့ပါတယ်။
စစ်ကိုင်းတိုင်းအတွင်း ဒေသခံတော်လှန်ပြည်သူတွေဟာ နယ်မြေမငြိမ်သက်မှုကြားထဲကနေပဲ စစ်အာဏာရှင်ဆန့်ကျင်ရေး ဆန္ဒပြသပိတ်တွေကို နေ့စဉ်ပြုလုပ်နေကြပါတယ်။
