ပျူတွေကြီးစိုးတဲ့ ပြည်ကြီးတံခွန်ကကမ္ဘောဇဘဏ်ဓားပြတိုက်ခံရပြန်

မတ်-၁၃၊၂၀၂၆။ဥဩ/People Spring’s

စစ်တပ်လက်​အောက်ခံ ပျူစောထီးတွေကြီးစိုးတဲ့မန္တလေးမြို့၊ပြည်ကြီး‌‌တံခွန်မြို့နယ်က ကမ္ဘောဇဘဏ် နေ့ခင်းကြောင် တောင်ဓားပြတိုက်ခံပြီး ကျပ်သိန်းနှစ်ထောင် ကျော်ပါသွားတယ်လို့မြို့ခံ တွေကပြောပါတယ်။

မတ်လ၁၃ရက် နေ့၊ညနေ၃နာရီ ကျော်မှာ ပြည်ကြီးတံခွန်မြို့နယ်၊၇၈လမ်း(ရန်ကုန်- မန္တ လေးလမ်း)၊၁၃၄လမ်းနဲ့ ၁၃၅လမ်းကြား၊(ဇ)ရပ်ကွက် ၊အမှတ်၄၂ (စက်မှုပန်းခြံ)ဘဏ်ခွဲကို လူနှစ်ဦးထဲနဲ့ လာရောက်ဓားပြတိုက်သွားတာလို့ စုံစမ်းသိရပါတယ်။

“ဆိုင်ကယ်နဲ့လာတာ။သေနတ်နှစ်လက်နဲ့ ။ဆာလာအိတ်၂လုံးနဲ့ပိုက်ဆံတွေယူပြီးပြန်ထွက်သွားတယ်”လို့ မြို့ခံတဦးက ပြောပါတယ်။

Public Service Announcement

ဘဏ်ဓားပြတိုက်ခံရပြီးနောက် စစ်သားနဲ့ရဲ တွေရောက်လာပြီး ပြည်ကြီးတံခွန်မြို့နယ်ထဲကို ကင်းပတ်တာ တွေလည်းရှိပါတယ်။

ဒီဘဏ်ရဲ့ တောင်ဘက်မှာစစ်သား​တွေအများအပြားရှိတဲ့ကြားက ဓါးပြတိုက်သွားတာဖြစ်ပါတယ်။

ဒါ့အပြင်ဒီဘဏ်ဟာ ၂၀၂၂ခုနှစ်၊ဇူလိုင်လ၁၅ရက်နေ့ကလည်း ဓားပြတိုက်ခံခဲ့ရပြီး ကျပ်သိန်း၁၅၀၀ခန့် ပါသွားသလိုတရားခံမမိ သေးဘူးလို့ သိရပါတယ်။

ပြည်ကြီးတံခွန်မြို့နယ်မှာ စစ်တပ်ရဲ့ အရပ်ဘက်၊စစ်ဘက်၊ပျူလုံခြုံ ရေးအင်အားအများအပြားရှိတဲ့မြို့နယ်ဖြစ်တယ်လို့​ဒေသခံ​တွေက​ပြောပါတယ်။

ဒါ့အပြင် ပေါက်ကိုယ်တော်ရဲ့ တပည့်ပျူတွေနဲ့ အုပ်ချုပ်​ရေးမှူး​တွေ နဲ့ လူမိုက်အဖွဲ့ တခုကြီးစိုးတဲ့ နေရာဖြစ်ပါတယ် ။ ဒီမြို့နယ်မှာ လုယက်မှု၊သတ်ဖြတ်မှု၊ဓားပြတိုက်မှုနဲ့မြေမှုတွေအများအပြားဖြစ်​လေ့ရှိတယ်လို့ မြို့ခံတွေကဆိုပါတယ်။