မတ်-၁၆၊၂၀၂၆။ရှိန်း/People’s Spring
စစ်ကိုင်းတိုင်း၊တန့်ဆည်မြို့နယ်က ရေရှင်ရွာနဲ့ကြောင်ဆင်းအိုင်ကျေးရွာကြားက စစ်ဘေးရှောင်တွေနေထိုင်ရာနေရာကို စစ်တပ်က လေကြောင်းကနေ ဗုံးကြဲတိုက်ခိုက်ခဲ့လို့ စစ်ရှောင်အမျိုးသမီးတစ်ဦး သေဆုံးကာ သုံးဦးခန့် ဒဏ်ရာရခဲ့တယ်လို့ တန့်ဆည်မြို့နယ်ပြည်သူ့အုပ်ချုပ်ရေးအဖွဲ့(ပအဖ)က ပြောပါတယ်။
မတ်လ၁၆ရက် ဒီနေ့မနက် ၁၀နာရီ ၊မိနစ်၂၀ခန့်က ရေရှင်ရွာနဲ့ ကြောင်ဆင်းအိုင်ကျေူရွာကြားရှိ စစ်ဘေး ရှောင်တဲကို စစ်တပ်က ဂျက်ဖိုက်တာနဲ့ ဗုံးကြဲတိုက်ခိုက်ခဲ့လို့ (၅၁)နှစ်အရွယ် ဒေါ်မာနွယ် သေဆုံးခဲ့တာလို့ သိရပါတယ်။
“ ဘာစစ်ရေးမှကိုမရှိတာဗျ။ကျွန်တော်တို့လည်းကြဲသွားမှသိတာ။စစ်ရှောင်တွေ ထိတာပါ့။ဒဏ်ရာရတဲ့သူတော့ စိစစ်ဆဲပါ။ သုံးယောက်လောက်ရှိမယ်။အမျိုးသမီးတဦးက တော့ပွဲချင်းပြီး သေသွားတယ်” လို့ မြို့နယ်ပအဖတာဝန်ရှိသူတစ်ဦးက ပြောပါတယ်။
Public Service Announcement
အဲဒီစစ်ဘေးရှောင်တွေဟာ တန့်ဆည်မြို့ပေါ်ကဖြစ်တယ်လို့ သိရပါတယ်။
တန့်ဆည်မြို့ပေါ်မှာတိုက်ပွဲတွေဖြစ်ပြီး ဒေသခံတွေရှောင်တိမ်းခဲ့ရတာ ၂နှစ်ကျော်ရှိပြီး ယနေ့အထိ မြို့ထဲ ပြန်မဝင်နိုင်သေးဘူးလို့ သိရပါတယ်။
