ဧပြီ – ၂ ၊၂၀၂၆ ၊ ဆိုင်းမင်း/People’s Spring
မန္တလေးမြို့ရဲ့မြောက်ဘက် ၁၀ မိုင်ခန့်အကွာ က ကြာနီကန်ရွာမှာရှိတဲ့ စည်ပင်အမှိုက်ပုံ မီးလောင်ပြီး ညလုံးပေါက် မီးငြိမ်းသတ်ခဲ့ရတယ်လို့ လူမှုကူညီရေးအဖွဲ့ဝင်ဆီကသိရပါတယ်။
ပုသိမ်ကြီးမြို့နယ် ၊ ကြာနီကန်ရွာက မန္တလေးစည်ပင် ရဲ့ အမှိုက်ပုံဟာ မနေ့ (ဧပြီလ ၁ရက်) ည ၇ နာရီဝန်းကျင်ခန့်က မီးစလောင်တာပါ။
အဲဒီမီးကို ဒီမနက်ပိုင်း ၇ နာရီအချိန်မှာအပြီးသတ် မီးငြိမ်းနိုင်ခဲ့တာလို့ မီးသတ်က လည်းထုတ်ပြန်ပါတယ်။မီးသတ်ယာဉ်ငါးစီး အပြင် လူမှုကူညီရေးအသင်းတွေရဲ့ရေသယ်ယာဉ်တွေပါ သုံးခဲ့ရတယ်လို့သိရပါတယ်။
Public Service Announcement
“အမှိုက်ပုံဆိုတော့ အတွင်းထဲလှိုက်လောင်တာလည်းရှိတော့ မီးငြိမ်းတာ အခက်အခဲလေးတွေ ရှိတာပေါ့ “ လို့ လူမှုကူညီရေး အဖွဲ့ဝင်တစ်ဦးကပြောပါတယ်။
ကြာနီကန်အမှိုက်ပုံဟာ မန္တလေးမြို့ရဲ့ မြောက်ဖက်မှာရှိပြီး မြို့နဲ့ ၁၀ မိုင်ကျော်လောက် ဝေးပါတယ်။ မန္တလေးမြို့က ထွက်ရတဲ့ အမှိုက်တွေကို စုပုံတဲ့နေရာလည်းဖြစ်ပါတယ်။
ဓာတ်ပုံ – Than Htay/FB
