ရွှေဘိုမှာ စစ်​ရှောင်​တွေ​နေတဲ့ဘုန်းကြီး​ကျောင်းဗုံးကြဲခံရ သံဃာတပါး အပါအဝင် ၂ဦးသေဆုံးပြီး ၈ ဦးဒဏ်ရာရ

■က​လေးငယ်​တွေကို ဗုံးခိုကျင်းထဲဝင်ခိုင်းပြီးချိန်မှာ ဗုံးကြဲခံရပြီး​တော့ ဆရာ​တော်ပျံလွန်

ဧပြီ၇၊၂၀၂၆၊ရှိန်း/ People’s Spring

စစ်ကိုင်းတိုင်း၊ ရွှေဘိုမြို့နယ်၊ဆင်အင်းရွာက စစ်‌ ​ဘေး​ရှောင်ပြည်သူတွေနေတဲ့ ဘုန်းကြီးကျောင်းနဲ့ စာသင်ဆောင်ဗုံးကြဲခံရပြီး သံဃာတပါးနဲ့ အမျိုး
သမီးတဦး သေဆုံးကာ ၈ဦးခန့် ထိခိုက်ဒဏ်ရာ ရခဲ့တယ်လို့ ဒေသခံ တွေက ပြောပါတယ်။

ဧပြီလ၆ရက်၊ မနက် ၁၁နာရီမှာ ရွှေဘိုမြို့နယ်အ
နောက်ခြမ်း ဆင်အင်းရွာဘုန်းကြီး ကျောင်းကို စစ်တပ်က လေကြောင်းက​နေ ဗုံးကြဲခဲ့တာပါ။

Public Service Announcement

လေကြောင်းတိုက်ခံရမှုမှာ ကလေးတွေကို စာသင် ပေး နေတဲ့ ဦးဇင်းတပါး နေရာမှာတင် ပျံလွန်ခဲ့ပြီး ခြေထောက်ကိုထိမှန်ခဲ့တဲ့ အမျိုးသမီးဟာ ဆေးကု သနေစဉ်မှာပဲ သေဆုံးခဲ့တယ်လို့ဒေသခံ​တွေက​ပြောပါတယ်။

“ ဦးဇင်းက ကလေး တွေကိုဗုံးခိုကျင်းထဲ ဝင်ခိုင်းပြီး သူက ဗုံးကျင်းထိပ်မှာ ရောက်တဲ့အချိန် အကြဲခံလိုက်ရပြီးကျသွားတာပါ။အမျိုးသမီးက တော့ပထမ ခြေထောက်ဖျက်လိုက်ရတယ်။ ဆေးကုသ နေချိန်မှာပဲကျသွားတာ။ထိတာက တော့ စစ်ရှောင် တွေ ရော ၈ ယောက် လောက်ထိတယ်” လို့ ဒေသခံတဦးက ပြောပါတယ်။

စစ်ရှောင် တွေနေတဲ့ နေရာနဲ့ စာသင် ကျောင်းနှစ်ခုစလုံးကိုစစ်တပ်ကဗုံးကြဲသွားတာဖြစ်ပြီး အ
ဆောက်အဦး ပျက်စီးမှုလည်းရှိတယ်လို့ သိရပါတယ်။

စစ်တပ်ဟာ မြို့တွေ ပေါ်မှာ သင်္ကြန်ပွဲကို စည်ကားအောင်လုပ်ဖို့ အကြီးကျယ်ပြင်ဆင်နေ​ပေမယ့် ​တော်လှန်​ရေးအား​ကောင်းတဲ့​ဒေသ​တွေက ကျေး
ရွာ တွေဘက်ကို​တော့ ​လေ​ကြောင်းက​နေ ဗုံးကြဲသတ်ဖြတ်မှု​တွေကို ဆက်တိုက်ပြုလုပ်နေတာဖြစ်ပါတယ်။ ဒါအပြင် ဒီ​နောက်ပိုင်း လေကြောင်းတိုက်ခိုက်မှု​တွေမှာ အနည်းဆုံး လေယာဉ်၂စီးက နေ ၇စီးအထိ အသုံးပြု ပြီး​တော့ အုပ်စုဖွဲ့လေကြောင်းတိုက်ခိုက်တာတွေ ဆက်တိုက်ပြုလုပ် နေတယ်လို့ ​တော်လှန်​ရေးအဖွဲ့​တွေနဲ့ ​ဒေသခံ​တွေက​ပြောပါတယ်။