'/%3E%3C/svg%3E){kind=small}
ဧပြီ-၈၊၂၀၂၆။ တေဇ/People’s Spring
စစ်ခေါင်းဆောင် မင်းအောင်လှိုင်ရဲ့ချွေးမဖြစ်သူ မျိုးရတနာထိုက်ကို နိုင်ငံတကာအစိုးရတွေအနေနဲ့ဒဏ်ခတ်ပိတ်ဆို့မှုတွေပြုလုပ်ဖို့ Justice For Myanmar -JFM က တောင်းဆိုလိုက်ပါတယ်။
“အမေရိကန်ပြည်ထောင်စု၊ ယူကေ၊ အီးယူ၊ ကနေဒါနှင့် ဩစတြေးလျနိုင်ငံများအနေဖြင့် မျိုးရတနာထိုက်အား အရေးယူပိတ်ဆို့ခြင်းဖြင့် ဒဏ်ခတ်ပိတ်ဆို့မှုဟာကွက်များကို ပိတ်ပင်သင့်သည်။ ” လို့ တောင်းဆိုထားပါတယ်။
၂၀၂၁ မှာ အာဏာသိမ်းခဲ့တဲ့ စစ်ခေါင်းဆောင် မင်းအောင်လှိုင်နဲ့ သား၊ သမီးတွေဟာ နိုင်ငံတကာကနေ ဒဏ်ခတ်ပိတ်ဆို့မှုတွေခံခဲ့ရပေမယ့် ချွေးမဖြစ်တဲ့ မျိုးရတနာထိုက်ကို လက်ရှိအချိန်အထိ ဘယ်နိုင်ငံကမှ ဒဏ်ခတ်ပိတ်ဆို့တာတွေ မပြုလုပ်သေးတာပါ။
Public Service Announcement
ဒါကြောင့်လည်း မင်းအောင်လှိုင်မိသားစုက မတရားသဖြင့် ရထားတဲ့ ငွေတွေကို ဥပဒေဟာကွက်အနေနဲ့ မျိုးရတနာထိုက်နာမည်သုံးပြီး ပြည်ပနိုင်ငံတွေမှာရင်းနှီးမြှုပ်နှံတာတွေ ကွန်ဒိုဝယ်တာတွေ ပြုလုပ်ခဲ့ပါတယ်။
၂၀၂၂ မှာ မျိုးရတနာထိုက်ရဲ့ နာမည်နဲ့ ဘတ် ၉၈ သန်း (အမေရိကန်ဒေါ်လာ ၃ သန်းနီးပါး)တန်ဖိုးရှိတဲ့ ဇိမ်ခံအိမ်ယာကြီးကိုဝယ် ယူခဲ့တယ်လို့ JFM က ပြီးခဲ့တဲ့ရက်က ဖော်ထုတ်ထားပါတယ်။
မျိုးရတနာထိုက်က အာဏာမသိမ်းခင်ကာလမှာ Steller Seven ကုမ္ပဏီကိုတည်ထောင်ထားပြီးနိုင်ငံတကာအလှမယ်ရွေးချယ်ပွဲအပါအဝင် ဖျော်ဖြေရေးကဏ္ဍတွေမှာလုပ်ဆောင်ခဲ့ပါတယ်။
