ထီးချိုင့်ကစစ်ကြောင်းကသာမြို့ရောက်၊အင်းတော်မြို့ကိုစစ်​ကြောင်းထပ်ထိုးနိုင်

ဧပြီ၂၁၊၂၀၂၆။ရှိန်း/People’s Spring

စစ်ကိုင်းတိုင်း၊ထီးချိုင့်မြို့ကနေသွားတဲ့ စစ်တပ်စစ်ကြောင်းတစ်ကြောင်းဟာ ကသာမြို့ကို စစ်ကား၂၂စီးနဲ့ ရောက်သွားပြီး အင်းတော်မြို့ကို စစ်​ကြောင်းဦးတည်ထားတယ်လို့ ဒေသခံတော်လှန်ရေးအင်အားစုတွေကပြောပါတယ်။

သင်္ကြန်အပြီးမှာ ထီးချိုင့်မြို့က နေစစ်ကြောင်းတကြောင်း ကသာမြို့ကို ထွက်ခဲ့ပြီး မြစ်အရှေ့ခြမ်း၊မြတောင်ရွာကနေလည်း ကမ်းနီရွာကို စစ်ကြောင်းတကြောင်း ထွက်ခဲ့တယ်လို့သိရပါတယ်။

ထီးချိုင့်မြို့ကထွက်တဲ့ စစ်ကြောင်းဟာကသာမြို့ကို ရောက်ရှိသွားပြီး ကသာမြို့က အမှတ်(၃၀၉)ခြေမြန်တပ်ရင်း (ခမရ-၃၀၉)တပ်နဲ့ ပူးပေါင်းထားတယ်လို့ သိရပါတယ်။

Public Service Announcement

“ထီးချိုင့်ကနေခြေလျင်စစ်ကြောင်းနဲ့ထွက်သွားတာ။ကသာကထွက်ကြိုတာဖြစ်မယ်။စစ်ကား၂၂စီးနဲ့ ဝင်လာတယ်လို့သိရတယ်။မြတောင်ကထွက်တဲ့ စစ်ကြောင်းက ကမ်းနီရွာမှာပဲရှိတယ်”လို့ တော်လှန်ရေး တပ်ဖွဲ့ဝင်တဦးက ပြောပါတယ်။

ဒါ့အပြင်ဒီရက်ပိုင်းမှာပဲ စစ်တပ်က အင်းတော် မြို့ကို စစ်ကြောင်းထိုးလာနိုင်တယ်လို့လည်း​တော်လှန်​ရေးတပ်​တွေကခန့်မှန်းပါတယ်။

အင်းတော်တော်လှန်ရေး (Indaw Revolution-IR)ကလည်း “အင်းတော်မြို့ကို စစ်ကြောင်းတွေ ထိုးဖို့အတွက် သေချာသ လောက် တော့ ရှိနေပါပြီ။ဒီရက်ပိုင်းအတွင်း စစ်ကြောင်းထိုးမယ်လို့သတင်း‌ တွေထွက် နေပါတယ်။စစ်ကြောင်းထိုးတဲ့ အချိန် တော်လှန်ရေးတပ် တွေနဲ့ ထိတွေ့တိုက်ပွဲ တွေဖြစ် ပေါ်လာနိုင်သလို လေကြောင်းတိုက်ခိုက်မှုတွေလည်းအပြင်းအထန်ပြုလုပ်လာနိုင်ပါတယ်။ဒါ့ကြောင့်မိဘပြည်သူများအရေးပေါ်ဆေးဝါး၊ရိ
က္ခာနဲ့ လိုအပ်တဲ့ အရေးကြီးပစ္စည်းများ ထုတ်ပိုးပြင်ဆင်ထားသင့်ပါတယ်”လို့ ထုတ်ပြန်ထားပါတယ်။

ဧပြီ ၂၂ ရက်ညပိုင်းအထိ ရတဲ့သတင်းအရတော့ စစ်တပ်က အင်အားဖွဲ့စည်းမှုတချို့လုပ် နေတာရှိပြီး စစ်ကြောင်း တွေကတော့ ကသာမြို့ထဲမှာပဲရှိနေ သေးတယ်လို့ စုံစမ်းသိရပါတယ်။

အင်းတော် မြို့ကို တော်လှန်ရေး ပူး ပေါင်းတပ် တွေက ၂၀၂၅ခုနှစ် ဧပြီလမှာသိမ်းပိုက်ထိန်းချုပ်ခဲ့တာဖြစ်ပါတယ်။ စစ်တပ်ရဲ့ ​ရှေ့တန်းတပ်မဌာနချုပ်ဖြစ်တဲ့ တပ်မ ၇၇ ကို ​ချေမှူန်းပြီးတပ်မ ၇၇ တပ်မမှူးကိုပါ ​တော်လှန်​ရေးတပ်တွေကဖမ်းဆီးနိုင်ခဲ့တာဖြစ်ပါတယ်။ အင်း​တော်မြို့သိမ်းတိုက်ပွဲမှာ အမှတ် (၁)စစ်​ဒေသလက်​အောက်ထံ PDF တပ်ရင်း​တွေ ၊ ABSDF ၊ KIA နဲ့မဟာပူး​ပေါင်းတပ်​တွေက ခုနှစ်လကြာထိုးစစ်ဆင်ပြီးသိမ်းပိုက်ခဲ့တာဖြစ်ပါတယ် ။