ဇွန်-၇၊ ၂၀၂၆။ ဟာနာဆန်/People’s Spring
ပဲခူးတိုင်း၊ ရေတာရှည်မြို့နယ်မှာ စိတ် ကျန်းမာရေးမကောင်းသူတစ်ဦး စစ်တပ် ပစ်ခတ်တဲ့ လက်နက်ကြီးထိလို့ ကျောရိုးထိခိုက်သွားပြီး အကူ အညီလိုအပ်နေကြောင်း ဒေသတွင်း လူမှုကယ်ဆယ်ရေးအသင်းက အသိပေးပါတယ်။
မနေ့က ဇွန်လ ၆ရက်က ပဲခူးတိုင်း၊ ရေတာရှည်မြို့နယ်၊ နားကျပ်ရွာမှာ လက်နက်ကြီးကျရောက်ပေါက်ကွဲလို့ ၎င်းကျေးရွာနေ စိတ်ကျန်းမာရေးမကောင်းသူ အသက် ၄၇ နှစ်အရွယ် ဦးချစ်ဖွယ်ဆိုသူ ကျောရိုးထိခိုက်သွားကြောင်း ဒေသတွင်း လူမှုကယ်ဆယ်ရေးအသင်းက အသိပေးပါတယ်။
“အောက်ပိုင်း အာရုံကြောထိခိုက်ပြီး အကြောသေသွားပါတယ်။ အာရုံကြောကုသဖို့ နေပြည်တော် ကိုလွှဲထားပါတယ်။ လူနာက နွမ်းပါးသူမို့ ပိုက်ဆံလုံးဝမပါပါဘူး။”လို့ ၎င်း လူမှုကယ်ဆယ်ရေးအသင်းက ရေးသားထားပါတယ်။
Public Service Announcement
၎င်းလူနာရဲ့ လက်ရှိ ဆေးဖိုး၊ စားစရိတ်နဲ့ နေပြည်တော်အသွားအပြန်လူနာတင်ကားစရိတ်တွေကို အသင်းက ကူညီပေးထားပြီး အောက်ပိုင်းမသေဖို့နဲ့ လက်ရှိထိခိုက်ဒဏ်ရာ ကုသနိုင်ဖို့ ဆေးကုသစရိတ် အကူအညီလိုအပ်နေကြောင်း သိရပါတယ်။
ပဲခူးတိုင်း၊ ရေတာရှည်မြို့နယ်က ကျေးရွာတွေကို အာဏာသိမ်းစစ်တပ်က ဇွန်လ ၃ ရက် ကတည်းက စစ်တပ်က စစ်ကြောင်းထိုးနေပြီး လေကြောင်းတိုက်ခိုက်မှုတွေပါ ပြုလုပ်နေလို့ ပြည်သူ ၂ ဦးသေဆုံးခဲ့ကာ ကျေးရွာအများအပြား တိမ်းရှောင်နေရကြောင်း သတင်းရရှိပါတယ်။
