ဇွန် – ၉ ၊၂၀၂၆ /People’s Spring
ကချင်ပြည်နယ်၊မြစ်ကြီးနား-ဆွမ်ပရာဘွမ်-ပူတာအိုလမ်းပိုင်းမှာသွားလာနေတဲ့ခရီးသွားကားတွေအနေနဲ့အာဏာသိမ်းစစ်တပ်ရဲ့ရိက္ခာနဲ့ဝန်ထမ်းတွေကိုသယ်ယူပို့ဆောင်တာတွေမလုပ်ဆောင်ကြဖို့ ပူတာအို PDF က တားမြစ်ချက်ထုတ်ပြန်လိုက်ပါတယ်။
မြစ်ကြီးနား-ဆွမ်ပရာဘွမ်-ပူတာအိုလမ်းပိုင်းမှာအရပ်ဘက်ကားတွေကို အကာအကွယ်ယူပြီးစစ်တပ်က သွားလာတာတွေပြုလုပ်နေတာကြောင့် အခုလို တားမြစ်တာလို့ ပူတာအို PDF က ဆိုပါတယ်။
စစ်တပ်ကလူအင်အားပို့ဆောင်တာ၊ ရိက္ခာဖြည့်ဆည်းတာတွေ လုပ်ဆောင်ရာမှာအရပ်သားကားတွေကိုအသုံးပြုနေတာလို့ ပူတာအို PDF က အသိ ပေးပါတယ်။
Public Service Announcement
ဒါကြောင့်ဇွန်လ ၅ ရက်ကစပြီး မြစ်ကြီးနား – ဆွမ်ပရာဘွမ် – ပူတာအို လမ်းပိုင်းကိုအသုံးပြုမယ့်ကားတွေဟာစစ်တပ်နဲ့အတူသွားလာတာတွေမလုပ်ဖို့၊ဌာနဆိုင်ရာဝန်ထမ်းတွေကိုမတင်ကြဖို့ ၊ စစ်တပ်ရဲ့ ရိက္ခာနဲ့ ပစ္စည်းတွေ မသယ်ဆောင်ကြဖို့ ပူတာအို PDF က တားမြစ်ပါတယ်။
လက်ရှိမှာစစ်တပ်ဟာမြစ်ကြီးနားမြို့ဆီလူအင်အား၊ခဲယမ်းနဲ့စားနပ်ရိက္ခာကိုစစ်ယာဉ်တန်း နဲ့ ဖြည့်ဆည်းထားပါတယ်။
ပူတာအိုမြို့ဟာကချင်ပြည်နယ်မြို့တော်မြစ်ကြီးနားမြို့ရဲ့အထက်ပိုင်း မှာရှိပြီး၂၁၈ မိုင်ခန့်ဝေးပါတယ်။ အဲဒီလမ်းကြောင်းမှာရှ်ိတဲ့ ဆွမ်ပရာဘွမ်မြို့ကိုကချင်လွတ်လပ်ရေးတပ်မတော်(KIA) က ထိန်းချုပ်ထားပါတယ်။
ပူတာအိုမြို့ပေါ်ကိုစိုးမိုးထားတဲ့ အာဏာသိမ်းစစ်တပ်ဟာ ပြီးခဲ့တဲ့ ၂၀၂၅ ခုနှစ်နှစ်ကုန်ပိုင်းမှာကျင်းပတဲ့ရွေးကောက်ပွဲမှာပူတာအိုကိုပါထည့်သွင်း ကျင်းပခဲ့ပါတယ်။
