ဇွန်-၁၂၊ ၂၀၂၆။ထားမြတ်/People’s Spring
ချင်းပြည်နယ်၊ မင်းတပ်မြို့က ဒေသခံပြည်သူတွေရဲ့ နေအိမ်တွေကို အာဏာသိမ်းစစ်တပ်က လေကြောင်းကနေ ဗုံးကြဲ ဖျက်ဆီးနေကြောင်း ဒေသခံ သတင်းရင်းမြစ်က အသိပေးပါတယ်။
ချင်းညီနောင်/ချင်းပြည်သူ့အစည်းအရုံး(CB/CPU)တပ်တွေ ထိန်းချုပ်ထားတဲ့ မင်းတပ်မြို့ ပြန်ထိန်းချုပ်ဖို့ စစ်တပ်က မေလကုန်ပိုင်းက စတင်ထိုးစစ်ဆင်လာရာ တိုက်ပွဲတွေ ပြင်းထန်နေပြီး တိုက်ပွဲဖြစ်ပွားရာ နေရာတွေကိုသာမက တိုက်ပွဲမရှိတဲ့ နေရာက နေအိမ်တွေကိုလည်း ဗုံးကြဲနေကြောင်း သတင်းရင်းမြစ်က ပြောပါတယ်။
စစ်တပ် ဗုံးကြဲဖျက်ဆီးမှုကြောင့် မင်းတပ်ဒေသခံတွေရဲ့ နေအိမ်တွေ ပျက်စီးနေတာကို တွေ့ရစဉ်။ ဓာတ်ပုံ – Hkl-Mindat စစ်တပ် ဗုံးကြဲဖျက်ဆီးမှုကြောင့် မင်းတပ်ဒေသခံတွေရဲ့ နေအိမ်တွေ ပျက်စီးနေတာကို တွေ့ရစဉ်။ ဓာတ်ပုံ – Hkl-Mindat စစ်တပ် ဗုံးကြဲဖျက်ဆီးမှုကြောင့် မင်းတပ်ဒေသခံတွေရဲ့ နေအိမ်တွေ ပျက်စီးနေတာကို တွေ့ရစဉ်။ ဓာတ်ပုံ – Hkl-Mindat
ဇွန်လ ၁၂ရက်မနက် ၆နာရီခန့်က စစ်တပ်တိုက်လေယာဉ်ဟာ မင်းတပ်မြို့ပေါ်ကို ဖျက်အားပြင်း ပေါင် ၅၀၀ ဗုံးလို့ ယူဆရတဲ့ ဗုံး ၂လုံး ကြဲချတိုက်ခိုက်ခဲ့လို့ ပြည်သူလူထုနေအိမ်တွေ ထပ်မံ ပျက်စီးခဲ့ရဟု ဒေသခံက အသိပေးပါတယ်။
Public Service Announcement
“ ဘာမှ မရှိဘူး ပြည်သူ့နေအိမ်တွေကို ပစ်နေတာ” လို့ ဒေသခံက စစ်တပ်က စစ်ရေးပစ်မှတ်မရှိတဲ့ နေအိမ်တွေကို ဗုံးကြဲနေတဲ့ အခြေအနေကို ပြောပါတယ်။
စစ်တပ်ဟာ အခု ဇွန်လထဲမှာ မင်းတပ်မြို့နဲ့ အနီးတ၀ိုက်ကို လေကြောင်းဗုံးကြဲတိုက်ခိုက်မှု ဆက်တိုက်ကျူးလွန်နေတာဖြစ်ပါတယ်။
ဇွန်လ ၁၀ရက်ညနေကလည်း စစ်တပ်က မင်းတပ်မြို့ပေါ် နေရာ ၂ခုကို လေကြောင်းဗုံးကြဲခဲ့ရာ နေအိမ်များစွာ ပျက်စီးခဲ့ရပါတယ်။ ဇွန်လ ၁၀ရက်မနက်ကလည်း မင်းတပ်မြို့ အရှေ့ခြမ်းတနေရာကို စစ်တပ်က လေကြောင်း တိုက်ခိုက်မှု ၄ကြိမ်ပြုလုပ်ခဲ့ပါတယ်။
စစ်တပ်ဟာ ဇွန်လ ဒုတိယပတ်အတွင်းမှာ မင်းတပ်မြို့နယ်ကို လေကြောင်းဗုံးကြဲမှု အကြိမ်ပေါင်း ၃၀ ကျော် ပြုလုပ်ခဲ့ပါတယ်။
စစ်တပ်ဟာ ၂၀၂၄ နှစ်ကုန်ပိုင်းက ချင်းတော်လှန်ရေးတပ်တွေက မင်းတပ်မြို့ သိမ်းဖော်ဆောင်စဉ်ကလည်း မြို့ပေါ် နေရာအများအပြားကို လေကြောင်းဗုံးကြဲတိုက်ခိုက်ခဲ့ရာ ပြည်သူလူထု နေအိမ်များစွာ ပျက်စီးခဲ့ရပါတယ်။
