ဇွန် – ၁၉ ၊ ၂၀၂၆ ၊ နိုင်ပကောင်း/People’s Spring
ကရင်ပြည်နယ်၊မြ၀တီမြို့ကနေအိမ်တစ်လုံးမှာဒီနေ့ (ဇွန်လ၁၉ ရက်) နေ့ခင်းပိုင်းကမီးလောင်မှုဖြစ်ရာကလေးနှစ်ဦးသေဆုံးသွားပြီးသက်ကြီးပိုင်းအမျိုးသားတစ်ဦးဒဏ်ရာရရှိခဲ့တယ်လို့ မြ၀တီမီးသတ်ကသတင်းထုတ်ပြန်ပါတယ်။
မြ၀တီမြို့၊အမှတ်(၅)ရပ်ကွက်၊ ခေါက်မလိလမ်းရှိနေအိမ်တစ်လုံးမှာ ဒီနေ့ နေ့ခင်းပိုင်း ၃ နာရီ ၂၀ မိနစ်အချိန်မှာ မီးလောင်မှုဖြစ်ပွားခဲ့တာပါ။
တစ်နာရီခန့်ကြာမြင့်တဲ့အဲဒီမီးလောင်မှုကဂက်စ်အိုးနဲ့ ထမင်းအိုးတည်ရာကနေအနီးနားရှိဓာတ်ဆီပုံးမီးကူးစက်တာကစတင်တာလို့မီးသတ်က ထုတ်ပြန်ပါတယ်။
Public Service Announcement
မီးလောင်မှုကြောင့်အသက်တစ်နှစ်အရွယ်ယောကျ်ားလေးတစ်ဦး၊အသက် ၁၄ နှစ်အရွယ်မိန်းကလေးတစ်ဦးသေဆုံးသွားခဲ့ပြီးအသက် ၇၅ နှစ်အရွယ် အမျိုးသားကြီးကတော့ ဝဲလက်၊ ကျောပြင်နဲ့ ခြေထောက်မှာ မီးဟက်ခံရတဲ့ဒဏ်ရာရရှိခဲ့တယ်လို့ သိရပါတယ်။
