'/%3E%3C/svg%3E){kind=small}
ဇွန်-၂၁၊ ၂၀၂၆။ ထားမြတ်/People’s Spring
ကရင်အမျိုးသားအစည်းအရုံး(KNU)ညောင်လေးပင်ခရိုင်၊လယ်ဒို(ကျောက်ကြီး)မြို့နယ်မှာ စစ်ကောင်စီတပ်သား ၁၆ ဦး အလင်းဝင်လာကြောင်း KNUက ထုတ်ပြန်ပါတယ်။
ဇွန်လ ၉ရက်နဲ့ ၁၅ ရက်မှာ စစ်ကောင်စီတပ်သားတွေ အဖွဲ့လိုက် အလင်းဝင်လာတာ ဖြစ်ကြောင်း အသိပေးထားပါတယ်။
ဇွန်လ ၉ရက် အလင်းဝင်လာသူတွေက ကော့သောင်းမြို့ ခလရ(၅၉၅)တပ်ရင်းက တပ်သား ၅ဦး ဖြစ်ပြီး ဇွန်လ ၁၅ရက်မှာတော့ ပေါက်ခေါင်းမြို့ ခမရ (၅၃)တပ်ရင်းက တပ်သား ၁၁ဦးဟာ KNU တပ်မဟာ(၃) နယ်မြေက ကရင်အမျိုးသားကာကွယ်ရေးတပ်မတော်(KNDO) တပ်ရင်း(၃)ထံ အလင်းဝင်ဘက်ပြောင်းလာတာလို့ ဖော်ပြထားပါတယ်။
Public Service Announcement
အလင်းဝင်လာသူတွေမှာ လက်နက်ခဲယမ်း ပါမပါ ဖော်ပြမထားပါဘူး။အရင်ကလည်း စစ်ကောင်စီတပ်သားတွေ KNUထံ လက်နက်နဲ့အတူ အလင်းဝင်ရောက်မှု ဖြစ်စဉ်တွေရှိခဲ့ပါတယ်။
အလင်းဝင်ဘက်ပြောင်းခိုလှုံလာတဲ့ ပြည်သူ့စစ်မှုထမ်း တပ်သားတွေဟာ မိမိဆန္ဒမပါဘဲ အတင်းအဓမ္မစစ်မှုထမ်းစေခိုင်းခံရကာ ရှေ့တန်းနယ်မြေများသို့ ပို့ဆောင်ခံရသောတပ်သားများတယ်လို့ အသိပေးပါတယ်။
စစ်တပ်အတွင်း ဆန္ဒမပါဘဲ အတင်းအဓမ္မ ခိုင်းစေခံရတဲ့ တပ်သားတွေ နီးစပ်ရာ တော်လှန်ရေးတပ်တွေနဲ့ ပူးပေါင်းဖို့လည်း KNUက ထပ်မံ တိုက်တွန်းထားပါတယ်။
