ဇူလိုင် ၆၊၂၀၂၆။People’s Spring
မနက်ဖြန် ဇူလိုင် ၇ ရက်မှာ ကျရောက်မယ့် ဆဲဗင်းဇူလိုင် ကျောင်းသားအရေးတော်ပုံ နှစ်ပတ်လည်နေ့ အကြိုအဖြစ် ရွှေဘိုမြို့နယ်အတွင်းမှာ ရွှေဘိုမြို့နယ်သပိတ်အင်အားစု ရဲဘော်တွေနဲ့ ကျောင်းသား ကျောင်းသူ လူငယ်တွေ ပူးပေါင်းကာ အရေးတော်ပုံံမှာ ပါဝင်ခဲ့ကြတဲ့ ကျောင်းသား ကျောင်းသူတွေကိုဂုဏ်ပြု လှုပ်ရှားမှု ပြုလုပ်ခဲ့ပါတယ်။
၁၉၆၂ ဇူလိုင် ၇ ရက်က အာဏာသိမ်းစစ်တပ်ဟာ ရန်ကုန်တက္ကသိုလ်က ကျောင်းသား ၅,၀၀၀ ခန့် တက်ရောက်တဲ့ ကျောင်းသားဆန္ဒပြပွဲကို အကြမ်းဖက်နှိမ်နင်းခဲ့ပါတယ်။ ကျောင်းသား ၁၀၀ကျော် သေဆုံးပြီး ၆,၀၀၀ ကျော် ဖမ်းဆီးခံခဲ့ရတယ်လို့ သတင်းတွေထွက်ခဲ့ပြီး စစ်တပ်ကတော့သေဆုံးသူ ၁၅ ဦးလို့ပဲ ထုတ်ပြန်ခဲ့ပါတယ်။ နောက်တစ်နေ့ မနက်အစောပိုင်းမှာတော့ စစ်တပ်ဟာ သမိုင်းဝင် ရန်ကုန်တက္ကသိုလ် ကျောင်းသားသမဂ္ဂ (RUSU) အဆောက်အအုံကို မိုင်းခွဲ ဖျက်ဆီးပစ်ခဲ့ပါတယ်။
ဓါတ်ပုံ-ရွှေဘိုမြို့နယ်သပိတ်အင်အားစု
Public Service Announcement
