မိုးဗြဲမြို့အနီး စစ်တပ်တပ်စွဲရာ​နေရာ​တွေ ဒရုန်းနဲ့တိုက်ခိုက်ခံရ

ဇူလိုင် -၈ ၊၂၀၂၆။ဇော်၀င်း/People’s Spring

ရှမ်း-ကရင်နီ ပြည်နယ်အစပ် မိုးဗြဲမြို့အနီးက စစ်တပ်တပ်စွဲထားတဲ့နေရာ​တွေကို ဒရုန်းနဲ့ တိုက်ခိုက်ခဲ့ပြီး ထိခိုက်သေဆုံးသူတွေရှိတယ်လို့ ရှမ်းတောင်စစ်ဒေသ ဗျူဟာ ၁၄ တာ၀န်ရှိသူက လူထုနွေဦးကို ပြောပါတယ်။

မိုးဗြဲမြို့ အနောက်တောင်ဘက်က လွယ်ယင်း မဂ်လာကျေးရွာမှာ တပ်စွဲထားတဲ့ စစ်တပ်ကို ဇူလိုင်လ ၂ ရက်နေ့က ဒရုန်းနဲ့ တိုက်ခိုက်ခဲ့တာဖြစ်ပါတယ်။ တိုက်ခိုက်မှု​ကြောင့်စစ်သားတဦးသေဆုံးပြီး သုံးဦး ဒဏ်ရာရခဲ့တယ်လို့သူကဆက်​ပြောပါတယ်။

ရုပ်သံမှတ်တမ်းတွေအရ စစ်သားတွေရှိတဲ့အဆောက်အဦးတစ်လုံးပေါ် ဒရုန်းဗုံးသီးတစ်လုံးကျရောက်ပေါက်ကွဲပြီးနောက် ထိမှန်သူကို ဆွဲထုတ်ပြီး ဆိုင်ကယ်နဲ့ တင်ဆောင်သွားတာ တွေ့ရပါတယ်။

Public Service Announcement

“မိုးဗြဲမြို့ လွယ်ယင်းမဂ်လာကျေးရွာထဲက ပြည်သူ့နေအိမ်တချို့နဲ့လက်ဝါးကားတိုင်တောင် calvaryတောင်မှာ အထိုင်ချတပ်စွဲထားပါတယ်။ အဲ့တောင်မှာ ပွိုင့်ဖိုက်တင်ထားပြီး အဲ့ကပစ်အားနဲ့ ရှေ့တိုးနေတာ”လို့ရှမ်းတောင်စစ်ဒေသ ဗျူဟာ ၁၄ တာ၀န်ရှိသူက လက်ရှိ စစ်ရေး အခြေအနေကို ပြောပါတယ်။

စစ်ဆင်​ရေးကို ​တော်လှန်​ရေးတပ်​တွေပူးပေါင်း​ဆောင်ရွက်ခဲ့ပြီး ရှေ့ဆက်လုပ်ငန်းစဥ်တွေအတွက် ပိုမိုအားကောင်းထိရောက်မယ့် နည်းပညာမြှင့်တင်ရေးဆိုင်ရာ လုပ်ငန်းစဥ်တွေကိုဖော်ဆောင်ဖို့ ဒရုန်းတပ်ဖွဲ့က ကြိုးစားလုပ် ဆောင်နေတယ်လို့ အသိပေးပါတယ်။

ဇွန်လ ၂၈ ရက်နေ့ကလည်း လွိုင်ကော်- မိုးဗြဲမြို့ ကြားက စစ်တပ်ကာကင်းစခန်းတွေကို ကရင်နီ JOC တော်လှန် ရေးတပ်ပေါင်းစုက ထိုးစစ်ဆင်ခဲ့ပြီး လက်နက်ခဲယမ်းအချို့ကိုရရှိခဲ့ပါတယ်။အဲဒီကာကင်းစခန်းတွေဟာ ဒီးမော့ဆိုမြို့နယ်၊နန်းမယ်ခုံမြို့ကို ထိုးစစ်ဆင်ဖို့ စစ်တပ်က ပြင်ဆင်စုဖွဲ့ထားတဲ့နေရာတွေလို့ သိရပါတယ်။

ဒါ့အပြင် မိုးဗြဲမြို့မှာရှိတဲ့ တော်လှန်ရေးတပ် တွေရဲ့ ရှေ့တန်းကင်းစခန်းနေရာကို ထိုးစစ်ဆင်လာတဲ့ စစ်တပ်နဲ့ မေလ ၁၃ ရက်နဲ့ ဇွန်လ ၁၉ ရက် တွေမှာ တိုက်ပွဲတွေ ဖြစ်ခဲ့တယ်လို့ အမှတ် (၁) စစ်ဒေသ – အယ်လ်ဖာဇုန် (မိုးဗြဲဇုန်)က ထုတ်ပြန်ထားပါတယ်။

အဲဒီ တိုက်ပွဲတွေမှာလည်း စစ်သား ၁၉ ဦး ၀န်းကျင်သေဆုံးပြီး လက် နက်ကြီး၊ လက်နက်ငယ်တွေ အပါအဝင် ခဲယမ်းတွေနဲ့ စစ်အသုံးအဆောင်ပစ္စည်းတချို့သိမ်းဆည်းရရှိခဲ့တယ်လို့ သိရပါတယ်။

ရုပ်သံ-​ပေးပို့