ခင်ဦးမြို့နယ်၊ငါးတင်းကြီးရွာကျောင်းနဲ့ ဆေးခန်းကို စစ်တပ်ဗုံးကြဲ၊ ပြည်သူ၆ဦးဒဏ်ရာရ

ဇူလိုင်-၁၄၊၂၀၂၆။ကတ်သတင်းရင်းနှင်း/ People’s Spring

စစ်ကိုင်းတိုင်း၊ခင်ဦးမြို့နယ်၊ငါးတင်းကြီးရွာက စာသင်ကျောင်းနဲ့ ဆေးခန်းကို စစ်တပ်က ဗုံးကြဲခဲ့တာ​ကြောင့် ပြည်သူ ၆ဦးဒဏ်ရာရပြီးနေအိမ်၆လုံးမီး‌​လောင်ခဲ့တယ်လို့ ဒေသခံတွေက ပြောပါတယ်။

ဇူလိုင်လ၁၃ရက်၊ညနေ၃နာရီခွဲခန့်မှာ တံတားဦး လေတပ်ကတက်လာတဲ့ဂျက်ဖိုက်တာ၂စီးနဲ့ ငါးတင်းကြီးရွာ စာသင် ကျောင်းကိုဗုံးကြဲခဲ့တာလို့ ​ဒေသခံအချို့က​ပြောပါတယ်။

ကလေးတွေ ကျောင်းဆင်းချိန်ဖြစ်တာမို့အထိ ခိုက်မရှိခဲ့ပေမယ့်ကျောင်းဆောင်တွေကတော့ ပျက်စီးခဲ့တယ်လို့ဒေသခံတဦးကပြောပါတယ်။

Public Service Announcement

အဲဒီနောက် ဆေးခန်းကို ထပ်မံဗုံးကြဲခဲ့တာ မှာဆေးခန်းနဲ့ ဘေးပတ်ဝန်းကျင်က နေအိမ် ၆လုံးပါ မီး လောင်ပျက်ဆီးခဲ့ပါတယ်။ဒါအပြင် ပြည်သူ ၆ ဦး၊ ဆေးဝါး​တွေ၊ကား၂စီး၊ဆိုင်ကယ်၆စီးပါမီးလောင်ခဲ့တယ်လို့သိရပါတယ်။

“ဆေးခန်းက အဆောင်၂ ဆောင်လုံးပျက်စီးသွားတယ်။ဒဏ်ရာရပြည်သူ တွေကတော့ နည်းနည်းထိတာ၂ ယောက်ပေါ့။အသေးအဖွဲအစမှန်တာ လေးတွေလည်းရှိတာပေါ့။အကုန်မစိုးရိမ်ရပါဘူး”လို့ ဒေသခံတဦးက ပြောပါတယ်။

တိုက်ပွဲမရှိဘဲ စစ်တပ်က လေကြောင်းက​နေဗုံးကြဲခဲ့တာဖြစ်တယ်လို့​ဒေသခံ​တွေက​ပြောပါတယ်။ငါးတင်းကြီးရွာ ဆေးခန်းဟာ တော်လှန်ရေးတပ် တွေရဲ့ ဆေးခန်းမဟုတ်ဘဲ ဒေသခံ ပြည်သူ တွေ အားထားရတဲ့ ကျေး လက်ဆေးခန်းတခုဖြစ်တယ်လို့ ​ဒေသခံ​တွေက​ပြောပါတယ်။

ခင်ဦး မြို့နယ်ကို စစ်တပ်က မကြာခဏလေ ကြောင်းတိုက်ခိုက်နေပြီး ဇူလိုင်လ၉ ရက်နေ့ကလည်း သာဝတ္ထိရွာကို စစ်တပ်ကအသေခံဒရုန်းနဲ့ ဗုံးကြဲတိုက်ခိုက်ခဲ့တာမို့ ဒေသခံပြည်သူ ငါးဦးထိခိုက်ဒဏ်ရာရခဲ့ပါတယ်။