စစ်တပ်လွှတ်တော်မှာ အောင်ဇမ္ဗူ သွားက

ဇူလိုင်-၁၄၊၀၂၆။ဟာနာဆန်/People’s Spring

စစ်တပ်ရဲ့ပြည်သူ့လွှတ်တော်သဘင်ဆောင်မှာ ဇာတ်မင်းသားအောင်ဇမ္ဗူ ဇတ်အဖွဲ့သွား​ရောက်ကပြဖျော်ဖြေခဲ့ပါတယ်။

အာဏာသိမ်းစစ်တပ်ထိန်းချုပ်ထားတဲ့ ပြည်သူ့လွှတ်တော် သဘင်ဆောင်မှာ အောင်ဇဗ္ဗူဇာတ်သဘင် ၂ ညတာ ဖျော်ဖြေကပြခဲ့ပြီး လွှတ်တော်ကိုယ်စားလှယ်တွေ၊ ဝန်ထမ်းတွေနဲ့ မိသားစုဝင်တွေ အတူတက်ရောက်ကြည့်ရှုအားပေးခဲ့တယ်လို့ စစ်ကောင်စီရဲ့ ပြည်သူ့လွှတ်တော်ဥက္ကဋ္ဌနေရာယူထားတဲ့ ဦးခင်ရီက သူ့ Facebook ကနေ ရေးသားထားပါတယ်။

အာဏာသိမ်းစစ်တပ်က ​ပြည်သူ​တွေကိုဖေစ်ဘွခ် နဲ့ VPN အသုံးပြုတာကိုတားမြစ်ထားပြီး အသုံးပြုတာနဲ့ ဖမ်းဆီး ​အ​ရေးယူနိုင်တဲ့ ပုဒ်မ​တွေ ချမှတ်ထား​ပေမယ့် စစ်တပ်ခန့် လွှတ်​တော် ဥက္ကဌက​တော့ ​ဖေစ်ဘွခ်က​နေ ဝါဒဖြန့်သတင်း​တွေ ပုံမှန်တင်​နေတာဖြစ်ပါတယ်။

Public Service Announcement

“ပြည်သူတွေက ဆင်းရဲငတ်ပြတ်နေပြီ အဘရဲ့ ။ အဘတို့က ပွဲလမ်းသဘင်အပျော်

အပါးတွေနဲ့ …ယားနေတာလား ပြည်သူ့လွှတ်တော်ထဲ ဘယ်ပြည်သူတွေကများ ရွေးထည့်ထားလိုက် တာလဲ ဟင် အဘ” လို့ သူ့ပိုစ်​အောက်မှာ ပြည်သူ တဦးကမှတ်ချက်ပြုပါတယ်။

အခြားပြည်သူတဦးကလည်း

“မဲပေးရကြိုးနပ်တဲ့သူတောင်းစားများ မှတ်ပလားဘောမတွေ မင်းတို့တွေကုန်စျေးနူံးကြီးတဲ့ဒဏ်အလူးအလဲခံနေရလဲ မင်းတို့ပထွေးကပွဲကြည့်မပျက်ဘူး”လို့​ရေးသားထားပါတယ်။

စစ်တပ်​ရွေး​ကောက်ပွဲအပြီးမှာစစ်တပ်လွှတ်​တော်အစည်းအ​ဝေး​တွေ လုပ်​နေ​ပေမယ့် ပြည်သူ​တွေက စိတ်ဝင်စားမှု မရှိကြပါဘူး။ အဲလိုအ​ခြေအ​နေမှာ စစ်တပ်အသိုင်းနဲ့ နီးစပ်တဲ့ ​အောင်ဇမ္ဗူ ကို​ခေါ် ကခိုင်းတာဖြစ်ပါတယ်။

ပွဲမကျင်းပမီ ဇူလိုင် ၁၁ ရက်နေ့ကလည်း ဦးခင်ရီနဲ့ အောင်ဇမ္ဗူတို့ အကြိုတွေ့ဆုံခဲ့ကြပါသေးတယ်။ အဲဒီတွေ့ဆုံပွဲမှာ စစ်​ခေါင်းဆောင်ရဲ့သမီး ခင်သီရိသက်မွန်ရဲ့ လုပ်ငန်းတွေ ဦးစီးလုပ်ကိုင်ပေးနေတဲ့ ကိုရွှေမန်း(ခ) ဝေမင်းမောင်လည်း ပါဝင်ခဲ့တာ တွေ့ရပါတယ်။ အောင်ဇမ္ဗူရဲ့ ပထမဆုံး ရုပ်ရှင် အငြှိုးအတေးဆိုတဲ့ ဇာတ်ကားကိုလည်း ဝေမင်းမောင်အမျိုးသမီးရဲ့ ဖူးဖူးရုပ်ရှင်ထုတ်လုပ်ရေးအမည်နဲ့ ထုတ်လုပ်ခဲ့တာဖြစ်ပါတယ်။