ဩဂုတ်-၇၊၂၀၂၆။ လီယို/People’s Spring
မန္တလေးမြို့၊ အမရပူရမြို့နယ်မှာ ပိုးထည်ဆိုင်ဖွင့်ပွဲပြီး ဇာတ်မင်းသား စမ်းရေမိုးတက်မယ်ဆိုပြီး စစ်ကိုင်း-မန္တလေးလမ်းကို စစ်တပ်က နာရီပိုင်းကြာအောင် ပိတ်ထားလိုက်တာကြောင့် ခရီးသွားပြည်သူတွေ ဒုက္ခရောက်ခဲ့ကြောင်း ဒေသခံတွေက ပြောပါတယ်။
ဒီကနေ့ သြဂုတ် ၇ ရက် မနက်ပိုင်းက အမရပူရမြို့နယ်၊ စစ်ကိုင်း-မန္တလေးလမ်းပေါ်မှာရှိတဲ့ ရွှေယမင်းပိုးထည်တိုက်ဟာ ဇာတ်မင်းသားစမ်းရေမိုးကိုဖိတ်ပြီး ဆိုင်ဖွင့်ပွဲ ပြုလုပ်ခဲ့ကြောင်း မြို့ခံအချို့က ပြောပါတယ်။
အဲဒီဆိုင်ဖွင့်ပွဲရှိလို့ဆိုပြီး လက်နက်ကိုင် ပြည်သူ့စစ်တွေက အဓိကလမ်းမကြီးဖြစ်တဲ့ စစ်ကိုင်း-မန္တလေးလမ်းကို အင်အားအပြည့်နဲ့ လုံခြုံရေးယူကာ ယာဥ်ဖြတ်သန်းခွင့်မပြုတော့ဘဲ ပိတ်ဆို့လိုက်တာကြောင့် ခရီးသွားတွေ အခက်အခဲ ဖြစ်ခဲ့ကြောင်း ဒေသခံတွေက ပြောပါတယ်။
Public Service Announcement
“လူကြီးလမ်းကြောင်းရှိလို့ ပိတ်တယ်ထင်နေတာ။ ကားတွေကော ဆိုင်ကယ်တွေရော အကုန်ပြန်ကွေ့ခိုင်းတယ်။ ရပ်ကွက်ကြိုရပ်ကွက်ကြားတွေက အကုန်ပတ်သွားရတယ်”လို့ ဒေသခံတစ်ဦးက ပြောပါတယ်။
စစ်ကိုင်း-မန္တလေးလမ်းဟာ စစ်ကိုင်းတိုင်းနဲ့ မန္တလေးမြို့ကို ကူးသန်းသွားလာသူတွေအတွက် အဓိက ကျတဲ့ လမ်းမကြီးတစ်ခုဖြစ်ပြီး မနက်ခင်း အလုပ်သွားချိန်ဖြစ်တာကြောင့် ယာဥ်ကြောပိတ်ဆို့မှုတွေ ဖြစ်ပွားခဲ့ကြောင်း သိရပါတယ်။
