သြဂုတ် – ၁၄ ၊၂၀၂၆ /People’s Spring
စစ်ကိုင်းတိုင်း၊ရွှေဘိုအကျဉ်းထောင်မှာဖမ်းဆီးခံထားရတဲ့နိုင်ငံရေး အကျဉ်းသူတစ်ဦးထောင်တွင်းလုံလောက်တဲ့ဆေးဝါးကုသမှုမရခဲ့တာကြောင့်မနေ့ (ဩဂုတ်လ ၁၃ ရက်)မှာကျဆုံးသွားတယ်လို့နိုင်ငံရေးအကျဉ်းသူများအဖွဲ့ (WOPP)ကထုတ်ပြန်အသိပေးထားပါတယ်။
အသက် ၈၂ နှစ်အရွယ်ရှိသက်ကြီးပိုင်းနိုင်ငံရေးအကျဉ်းသူဟာအစာအိမ်ကင်ဆာရောဂါခံစားနေရတာကြောင့်ဆေးဝါးကုသခွင့်ရဖို့အကြိမ်ကြိမ်တောင်းဆိုခဲ့ပေမယ့်အကျဉ်းထောင်ဘက်က ဆောလျင်စွာခွင့်ပြုမပေးခဲ့ဘူးလို့ သိရပါတယ်။
နိုင်ငံရေးအကျဉ်းသူရဲ့ရောဂါအခြေအနေဆိုးရွားလာချိန်ပြီးခဲ့တဲ့မေလ လောက်မှသာပြင်ပဆေးရုံမှာဆေးကုသခွင့်ရခဲ့ပေမယ့် ရောဂါ ကျွမ်းပြီး ကျဆုံးခဲ့ရတာလို့ WOPP အဖွဲ့က ထုတ်ပြန်ထားပါတယ်။
Public Service Announcement
အဲဒိီနိုင်ငံရေးအကျဉ်းသူကိုပြီးခဲ့တဲ့ ၂၀၂၃ ခုနှစ်အတွင်းမှာ အကြမ်းဖက်မှုတိုက်ဖျက်ရေး ဥပဒေပုဒ်မ ၅၂(က) နဲ့ ထောင်ဒဏ် ခုနှစ် နှစ်ချခဲ့တာဖြစ်ပြီး ချုပ်နှောင်မခံရခင်ကတည်းကဗိုက်အောင့်ဝေဒနာ ခံစားနေရသူပါ။
စစ်အာဏာသိမ်းပြီးနောက်နိုင်ငံတဝန်းရှိအကျဉ်းထောင် ၃၂ ခုမှာ နိုင်ငံရေးအကျဉ်းသား စုစုပေါင်း ၂၈၃ ဦး သေဆုံးခဲ့ပြီး၊ အဲဒီထဲက ၁၄၈ ဦးဟာဆိုရင်အချိန်မီဆေးကုသခွင့်မရတာ၊ထောင်တွင်းဆေးဝါးကုသမှုမလုံလောက်တာတွေကြောင့်သေဆုံးခဲ့ရတာလို့မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM) အချက်အလက်တွေအရ သိရပါတယ်။
အဲဒီစာရင်းက၂ဝ၂၁ ခုနှစ် ဇူလိုင်လကနေ ၂ဝ၂၆ ခုနှစ် မေလအထိ ငါးနှစ်နီးပါးအတွင်း ကောက်ယူထားတာပါ။
