'/%3E%3C/svg%3E){kind=small}
စက်တင်ဘာ – ၁ ၊၂၀၂၆
စစ်ကိုင်းတိုင်း၊ ချောင်းဦးမြို့နယ်၊ ရွှေဒါးကျကျေးရွာကို ပြီးခဲ့တဲ့ ရက်ပိုင်းမှာ အာဏာသိမ်းစစ်တပ် စစ်ကြောင်းဝင်ရောက်လာပြီးနောက် နေအိမ်တွေကိုမီးရှို့တာတွေပြုလုပ် နေတယ်လို့ သတင်းရင်းမြစ်အချို့ဆီကသိရပါတယ်။
ချောင်းဦးမြို့ရဲ့အနောက်ဘက်မှာရှိတဲ့ ရွှေဒါးကျရွာထဲကို သြဂုတ်လ ၃၀ ရက် မှာစစ်တပ်စစ်ကြောင်း ဝင်ရောက်လာတာဖြစ်ပြီး သြဂုတ်လ ၃၁ ရက် ညနေပိုင်းနဲ့ ဒီနေ့ စက်တင်ဘာလ ၁ ရက်မနက်ပိုင်းတို့မှာ မီးရှို့တာပါ။
ရွာမှာပဲ စစ်တပ် ရှိနေဆဲ ဖြစ်တာကြောင့် ပြန်ဝင်မရတဲ့အတွက် နေအိမ် ဘယ်နှစ်လုံး မီးလောင်သွားတယ်ဆိုတာကို အသေးစိတ်မသိရသေးဘူးလို့ သတင်းရင်းမြစ်က ဆိုပါတယ်။
Public Service Announcement
အင်အားရာဂဏန်းပါတဲ့ စစ်တပ်စစ်ကြောင်းဟာစစ်ကိုင်းတိုင်းမြို့တော် မုံရွာကတဆင့် မုံရွာနဲ့ချောင်းဦးအကြားက ရွာတွေကို စစ်ကြောင်းထိုးနေတာပါ။
ပြီးခဲ့တဲ့ ဩဂုတ်လ ၂၅ ရက်နေ့မှာ ချောင်းဦးမြို့နယ် ပြည်သူ့လုံခြုံရေးအဖွဲ့ (ပ.လ.ဖ) က စစ်တပ် သတင်းပေး စွပ်စွဲချက်နဲ့ ရွှေဒါးကျရွာက ဘုန်းကြီးကို ဖမ်းဆီးစစ်ဆေးခဲ့ပါတယ်။
စစ်ဆေးတဲ့ကာလအတွင်း ရွှေဒါးကျကျေးရွာရဲ့ဘုန်းကြီး ပျံလွန်တော်မူပြီးနောက် စစ်တပ်က ရွှေဒါးကျရွာဆီစစ်ကြောင်းထိုးလာတာလည်းဖြစ်ပါတယ်။
