မြဝတီမှာတံတားဘောင်ကိုပစ်ကပ်ကားဝင်တိုက်မိလို့ လူနှစ်ဦးသေဆုံး

နိုဝင်ဘာ – ၁၂ ၊၂၀၂၆ ၊နိုင်ပကောင်း/People’s Spring

ကရင်ပြည်နယ်၊ မြ၀တီမြို့မှာ မနေ့ (နိုဝင်ဘာ ၁၁ ရက်) ညပိုင်းကအာရှလမ်းပိုင်းရှိတံတားဘောင်ကိုပစ်ကပ်ကားဝင်တိုက်မိပြီးလူနှစ်ဦးသေဆုံးသွားခဲ့တယ်လို့ လူမှုကယ်ဆယ်ရေးအဖွဲ့နဲ့ မြို့ခံတွေကနေ သိရပါတယ်။

မနေ့ညပိုင်း၉ နာရီကျော်အချိန်ကမြ၀တီမြို့၊ အမှတ်(၄)ရပ်ကွက်၊ အာရှလမ်း၊ AAA ကားဝင်းအရှေ့မှာတံတားဘောင်ကို ကားက ဝင်တိုက်မိရာမှာ ကားပေါ်ကအမျိုးသားနှစ်ဦးသေဆုံးခဲ့တာပါ။

ကားပေါ်မှာလူခြောက်ဦးလိုက်ပါလာတာဖြစ်ပြီး နှစ်ဦးသေဆုံးခဲ့တာပါ။

Public Service Announcement

သေဆုံးသူက ယာဉ်မောင်းအမျိုးသားနဲ့ အမျိုးသမီးတစ်ဦးဖြစ်ပါတယ်။ ကားခေါင်းခန်းထဲမှာ ညှပ်နေတဲ့အမျိုးသားကို ကယ်ဆယ်ရေးအဖွဲ့က ဆွဲထုတ်ကယ်ဆယ်ခဲ့ပေမယ့် အသက်ဆုံးပါးခဲဲ့ပါတယ်။

ဒဏ်ရာရတဲ့ အမျိုးသမီးကိုတော့ မြဝတီဆေးရုံကို ပို့ဆောင်ခဲ့ပြီးဆေးရုံအရောက်မှာပဲသေဆုံးခဲ့တယ်လို့မြဝတီမြို့ခံဆီကသိရပါတယ်။

အခုဖြစ်စဉ်ဖြစ်ပွားတဲ့ AAA ကားဝင်းအရှေ့ကတံတားမှာ ယာဉ်တိုက်မှုဖြစ်စဉ်တွေမကြာခဏဖြစ်နေပြီး လမ်းက ကျယ်ပေမယ့် တံတားအဝင်မှာ လမ်းကျဉ်းသွားတာကြောင့် တံတားဘောင်ကိုဝင်တိုက်မိတာလို့ မြို့ခံအချို့က ယူဆနေကြပါတယ်။

တံတားမရောက်ခင်မှာ လမ်းကျဉ်းရှိတယ်ဆိုတဲ့ သတိပေး ဆိုင်းဘုတ် စိုက်ထူထားသင့်တယ်လို့လည်း မြို့ခံအချို့က အကြံပြုကြပါတယ်။