Connect with us

Hi, what are you looking for?

LuduNwayOo

နိုင်ငံတကာ

သတို့သား နှစ်အလီ မရလို့ မင်္ဂလာပွဲ ဖျက်ခဲ့တဲ့ သတို့သမီး

သတို့သားက နှစ်အလီ မဆိုတတ်တဲ့အတွက် အိန္ဒိယ သတို့သမီး တစ်ဦးက မင်္ဂလာပွဲ ဖျက်လိုက်ကြောင်း သိရပါတယ်။

မေလ ၁ ရက်က ယူတာပရာဒက်ရှ်မှာ ပွဲပျက်ခဲ့တဲ့ မင်္ဂလာဆောင် သတင်းဟာ အခု ရက်ပိုင်းအတွင်း အိန္ဒိယ လူမှုကွန်ရက် မီဒီယာတွေပေါ်မှာ လူပြောများလာခဲ့ပါတယ်။ သတို့သားနဲ့ သတို့သမီးတို့ဟာ အောင်သွယ်ရဲ့ စေ့စပ်ပေးမှုနဲ့ မင်္ဂလာဆောင်ခဲ့ကြတာလို့ ဆိုပါတယ်။

ဒါပေမဲ့ သတို့သားဖက်က သူ့ရဲ့ ပညာအရည်အချင်း နောက်ခံကို ရှင်းရှင်းလင်းလင်း အသိမပေးခဲ့ပါဘူး။ ဒီကိစ္စအပေါ် သံသယ ရှိလာတဲ့ သတို့သမီးက မင်္ဂလာဆောင်မှာပဲ သတို့သားကို ပညာစမ်းဖို့ ဆုံးဖြတ်ခဲ့ပါတယ်။ သတို့သမီးက နှစ်အလီ ဆိုခိုင်းတဲ့အခါ သတို့သားလောင်းက အထစ်အထစ် ဖြစ်နေပြီး အဖြေနှစ်ခု မှားသွားပါတယ်။ အဲဒီတော့ သတို့သမီးက မင်္ဂလာပွဲကို ဖျက်ပြီး အခမ်းအနားကနေ ထွက်ခွာသွားခဲ့ပါတယ်။

သတို့သမီးရဲ့ ဝမ်းကွဲ ညီအစ်မ တစ်ယောက်ကတော့ အခြေခံ သင်္ချာလောက်တောင် မတတ်တဲ့သူနဲ့ သူ့အနာဂတ်ကို မဖြတ်သန်းဖို့ သတို့သမီးက ဆုံးဖြတ်ခဲ့တာလို့ ပြောပါတယ်။ ဒီဆုံးဖြတ်ချက်အတွက်လည်း သတို့သမီးကို ချီးကျူးရမယ်လို့ သူက ဆိုပါတယ်။

အောင်သွယ်ကနေတဆင့် နားဖောက် ကြောင်းလမ်းချိန်က သတို့သားဟာ ပညာတတ် တစ်ယောက်လို့ သူ့မိသားစုက လိမ်လည်ခဲ့တယ်လို့လည်း သတို့သမီးဖက်က စွပ်စွဲခဲ့ပါတယ်။ မင်္ဂလာပွဲ ပျက်သွားတဲ့နောက် နှစ်ဖက် မိသားစုက လက်ခံထားတဲ့ လက်ဆောင် ပစ္စည်းတွေကို လက်ဖွဲ့သူတွေဆီ ပြန်လည် ပို့ဆောင်ခဲ့တယ်လို့လည်း သိရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

နယ်စပ်မှာ တပ်တွေ လျှော့ချနေကြောင်း အိန္ဒိယဖက်က ကြေညာပေမယ့် နယူးဒေလီ အခြေစိုက် တရုတ်သံရုံးကတော့ ဒီကိစ္စအပေါ် ဘာမှတ်ချက်မပေးသေးပါဘူး။ အိန္ဒိယနဲ့ တရုတ်တို့ဟာ ကီလိုမိတာ ၃၈၀၀ လောက် ရှည်လျားတဲ့ နယ်စပ်ကို မျှဝေထားပါတယ်။

နိုင်ငံတကာ

ဓာတ်ငွေ့ တာဘိုင် ၄ လုံးနဲ့ လည်ပတ်တဲ့ သင်္ဘောကြီးဟာ အမြင့်ဆုံးမြန်နှုန်း တစ်နာရီ ၃၂ မိုင်နှုန်းနဲ့ တစ်ကြိမ် လောင်စာဖြည့်ပြီးတိုင် မိုင်ပေါင်း ၈၆၀၀ လောက်ထိ ခရီးပေါက်အောင် ခုတ်မောင်းနိုင်မယ်လို့ ယုံကြည်ရပါတယ်။

ဗီဒီယို

အုပ်စုဖွဲ့ မုဒိမ်းကျင့်သူတွေကို ပြန်လွှတ်ပေးမယ့် လုပ်ရပ်ကို မကျေနပ်တဲ့အတွက် ဩဂုတ် ၂၇ ရက်က ဒေလီမြို့တော်မှာ လူတွေ ရာနဲ့ချီ စုဝေးပြီး ဆန္ဒပြခဲ့ကြပါတယ်။ အိန္ဒိယက တခြားပြည်နယ် တချို့မှာလည်း အလားတူ စုဝေးပြီး ဆန္ဒပြတာတွေ ဖြစ်လာကြပါတယ်။

နိုင်ငံတကာ

မတ်လတုန်းက အိန္ဒိယ ဒုံးကျည်တစ်စင်းဟာ ပါကစ္စတန် ပိုင်နက်ထဲ ကျရောက်ခဲ့ပါတယ်။ အိန္ဒိယက ဒါဟာ ရည်ရွယ်ချက် မပါတဲ့ အမှားသက်သက်ဖြစ်ကြောင်း ဝန်ခံခဲ့ပြီး အသေးစိတ် စုံစမ်း စစ်ဆေးမှုတွေ ပြုလုပ်သွားမယ်လို့ ချက်ချင်း ကြေညာခဲ့ပါတယ်။