Connect with us

Hi, what are you looking for?

LuduNwayOo

နိုင်ငံတကာ

တရုတ်က ထုတ်လုပ်တဲ့ Covid-19 ကာကွယ်ဆေး တစ်မျိုးကို WHO ပထမဆုံးအကြိမ် အသိအမှတ်ပြု

တရုတ်နိုင်ငံက ထုတ်လုပ်တဲ့ Covid-19 ကာကွယ်ဆေး တစ်မျိုးကို ကမ္ဘာ့ကျန်းမာရေး အဖွဲ့ကြီး (WHO)က အရေးပေါ် အသုံးပြု ဆေးဝါးအဖြစ် အသိအမှတ် ပြုလိုက်ပါတယ်။

Sinopharm ကုမ္ပဏီက ထုတ်လုပ်တဲ့ ကာကွယ်ဆေးဟာ အရင်ကတည်းက လက်တွေ့ အသုံးချ ထိုးနှံမှုတွေ ရှိနေခဲ့ပြီးသားပါ။ ဒါပေမဲ့ WHOက အသိအမှတ် ပြုလိုက်တဲ့အခါ နိုင်ငံတကာကို ဖြန့်ဝေဖို့၊ အရည်အသွေး စိစစ်မှု လုပ်ငန်းစဉ်တွေကို ကျော်ဖြတ်ဖို့ ပိုပြီး လွယ်ကူသွားမှာ ဖြစ်ပါတယ်။

Sinopharmရဲ့ ကာကွယ်ဆေးဟာ အနောက်နိုင်ငံတွေက ထုတ်လုပ်တာ မဟုတ်ဘဲ WHOရဲ့ အသိအမှတ် ပြုမှုကို ခံရတဲ့ ပထမဆုံး Covid-19 ကာကွယ်ဆေး အနေနဲ့လည်း မှတ်တမ်း ဝင်ခဲ့ပါတယ်။ ဒီဆေးကို တရုတ်နဲ့ တခြားနိုင်ငံ တချို့မှာ လူပေါင်း သန်းနဲ့ချီ လက်တွေ့ ထိုးနှံထားပြီးပါပြီ။

အရင်က WHOဟာ Pfizer၊ AstraZeneca၊ Johnson & Johnsonနဲ့ Moderna ကုမ္ပဏီတွေက ထုတ်လုပ်တဲ့ ကာကွယ်ဆေးတွေကိုသာ အသိအမှတ် ပြုထားခဲ့ပါတယ်။ တရုတ်မှာ Sinopharmနဲ့ Sinovacတို့လို ကုမ္ပဏီတွေက ကာကွယ်ဆေးတွေ ထုတ်လုပ်ထားပြီး အာဖရိက၊ လက်တင် အမေရိကနဲ့ အာရှနိုင်ငံ တချို့က အရေးပေါ် အသုံးပြုမှုတွေ ရှိနှင့်နေခဲ့ပြီးသားပါ။

တရုတ် ကာကွယ်ဆေးတွေနဲ့ ပတ်သက်လို့ အချက်အလက် ထုတ်ပြန်မှု နည်းပါးတာကြောင့် ဆေးအာနိသင်နဲ့ ပတ်သက်လို့ မရေရာမှုတွေ ကြုံခဲ့ပါတယ်။ ဒါပေမဲ့ မေလ ၇ ရက်မှာတော့ WHOက Sinopharmရဲ့ ကာကွယ်ဆေးဟာ ဘေးကင်းလုံခြုံပြီး အရည်အသွေး ကောင်းမွန်တယ်လို့ ထောက်ခံ ကြေညာသွားခဲ့ပါတယ်။

Sinopharmရဲ့ ဆေးကို အသက် ၁၈ နှစ်အထက် အရွယ်တွေမှာသာ ထိုးနှံဖို့ ထောက်ခံချက် ပေးထားပြီး နှစ်ကြိမ်ထိုးဖို့ လိုအပ်ပါတယ်။ WHOဟာ တရုတ်ရဲ့ Sinovacက ထုတ်လုပ်တဲ့ ကာကွယ်ဆေး၊ ရုရှားရဲ့ Sputnik V ကာကွယ်ဆေးတွေကိုလည်း စိစစ်လေ့လာနေဆဲလို့ သိရပါတယ်။

You May Also Like

နိုင်ငံတကာ

လောလောဆယ်မှာ ကိုဗစ်ရောဂါရဲ့ သဘောသဘာဝဟာ စပ်ကူးမတ်ကူး ကာလမျိုးကို ဖြတ်သန်း ဝင်ရောက်နေဆဲဖြစ်ပြီး အလေးထား စောင့်ကြည့်မှုတွေ ဆက်လက် လိုအပ်နေတယ်လို့ ကော်မတီက မှတ်ချက် ပေးခဲ့ပါတယ်။

သတင်း

AviChinaဟာ ၂၀၂၁ ခုနှစ်၊ ဒီဇင်ဘာလတုန်းက မြန်မာစစ်တပ်အတွက် အပေါ့စားလေယာဉ်တွေ ပို့ဆောင်ပေးခဲ့ပြီး Bharat Electronicsကတော့ ၂၀၂၁ ခုနှစ်၊ ဇူလိုင်လတုန်းကမြန်မာနိုင်ငံမှာအဝေးထိန်းလက်နက်ရုံတစ်ခုတည်ဆောက်ပေးခဲ့တယ်လို့သိရပါတယ်။

ဗီဒီယို

WHOက ဒီဖြစ်စဉ်နဲ့ ပတ်သက်လို့ စုံစမ်းစစ်ဆေးမှုတွေ ပြုလုပ်သွားမှာ ဖြစ်သလို အလားတူ အခြေအနေတွေ ပေါ်ပေါက်မလာအောင် နိုင်ငံ အသီးသီးရဲ့ အစိုးရတွေက နိုးနိုးကြားကြား ပြင်ဆင်ထားဖို့လည်း ဆော်ဩခဲ့ပါတယ်။

နိုင်ငံတကာ

တရုတ်နှစ်သစ်ကူးကို အကြောင်းပြုပြီး ဒေသတချို့မှာ ရောဂါ ဖြစ်ပွားနှုန်း တိုးလာတာမျိုး ကြုံကောင်း ကြုံရနိုင်ကြောင်း၊ ဒါပေမဲ့ နောက်တစ်ကြိမ် ကိုဗစ်ကူးစက်မှုလှိုင်း အကြီးအကျယ် ရိုက်ခတ်တာမျိုးကတော့ လာမယ့် လပိုင်းတွေအတွင်း မဖြစ်နိုင်လောက်တော့ကြောင်း ဝူက မှတ်ချက် ပေးခဲ့ပါတယ်။