Connect with us

Hi, what are you looking for?

LuduNwayOo

နိုင်ငံတကာ

ဂါဇာမှာ အစ္စရေးရဲ့ လေကြောင်း တိုက်ခိုက်မှုတွေကြောင့် သေဆုံးသူ ၃၅ ဦးထက်မနည်း ရှိလာ

ဂါဇာ ကမ်းမြှောင်ဒေသမှာ အစ္စရေးရဲ့ လေကြောင်း တိုက်ခိုက်မှုတွေကြောင့် သေဆုံးသူ ၃၅ ဦးထက်မနည်း ရှိလာခဲ့ကြောင်း သိရပါတယ်။

အခု သီတင်းပတ် အစောပိုင်းက အစ္စရေး ထိန်းချုပ်ထားရာ ဂျေရုဆလင်မြို့မှာ ဘာသာရေးကို အခြေခံပြီး ပါလက်စတိုင်းတွေနဲ့ အစ္စရေး လုံခြုံရေး တပ်ဖွဲ့တွေကြား ထိပ်တိုက် ရင်ဆိုင် ပဋိပက္ခတွေ ဖြစ်ပွားခဲ့ပါတယ်။ အဲဒီနောက် ဂါဇာ အခြေစိုက် ပါလက်စတိုင်း လက်နက်ကိုင် အဖွဲ့ဖြစ်တဲ့ ဟားမားစ်တွေက ဂျေရုဆလင်ကို ဒုံးကျည်တွေနဲ့ လှမ်းပစ်ခဲ့ပါတယ်။ မေလ ၁၀ ရက် ညပိုင်းကစပြီး အစ္စရေးက ဂါဇာမှာရှိတဲ့ ဟားမားစ် စစ်ရေး ပစ်မှတ်တွေကို လက်တုံ့ပြန် ဗုံးကြဲ တိုက်ခိုက်ခဲ့ပါတယ်။

နှစ်ဖက် တင်းမာမှုတွေဟာ အရှိန်လျော့ကျသွားမယ့် အနေအထား လုံးဝ မရှိသေးသလို အစ္စရေး လေတပ်ရဲ့ တိုက်ခိုက်မှုကြောင့် ဟားမားစ် အဖွဲ့သားတွေ အပါအဝင် ဂါဇာ ဒေသခံ ၃၅ ဦးထက်မနည်း သေဆုံးခဲ့ပြီးပြီလို့ ဂါဇာ လခြမ်းနီ အသင်းက ပြောပါတယ်။ မေလ ၁၁ ရက် ညပိုင်းထိ ဒဏ်ရာရသူတွေ အရေအတွက်ကတော့ ၂၂၀ ကျော်ထိ များပြားလာပါတယ်။

ဟားမားစ်တွေဟာ အစ္စရေးရဲ့ တဲလ်အဗစ်ဗ် မြို့ကိုလည်း ဒုံးကျည်တွေနဲ့ ပစ်ခတ်ခဲ့ပြီး ထိခိုက်မှု အတိုင်းအတာ ဘယ်လောက် ရှိသလဲ ဆိုတာကိုတော့ တိတိကျကျ မသိရပါဘူး။ အစ္စရေးပိုင် မြို့တစ်မြို့ဖြစ်တဲ့ လော့ဒ်မှာတော့ အရေးပေါ် အခြေအနေ ထုတ်ပြန် ကြေညာထားရပါတယ်။ အက်ရှ်ကယ်လ်တန်ဆိုတဲ့ မြို့လေးမှာတော့ ဒုံးကျည် ထိမှန်ပြီး လူ ၂ ဦး သေဆုံးကြောင်း အစ္စရေး စစ်ဘက်က ပြောပါတယ်။

ဂါဇာမှာတော့ အစ္စရေး တိုက်လေယာဉ်တွေ ပစ်ခတ်မှုကြောင့် ဟာနာဒီ တာဝါဆိုတဲ့ ၁၃ ထပ်တိုက်ကြီး ပြိုကျသွားပါတယ်။ အစ္စရေး စစ်တပ်က စစ်ဆင်ရေးတွေအတွင်းမှာ ဟားမားစ် တပ်ဖွဲ့ဝင် ၁၅ ဦးထက်မနည်း သေဆုံးခဲ့ကြောင်း ထုတ်ပြန်ထားပါတယ်။ အစ္စရေးဟာ မေလ ၁၁ ရက် တစ်နေ့တည်းမှာတင် ဂါဇာက စစ်ရေးပစ်မှတ်တွေကို အကြိမ်ပေါင်း ၁၅၀ ကျော် ထိုးစစ်ဆင် တိုက်ခိုက်ခဲ့တယ်လို့လည်း ကြေညာပါတယ်။

ပါလက်စတိုင်းနဲ့ တင်းမာမှုတွေ မြင့်တက်နေတဲ့ အခြေအနေမှာ အစ္စရေးဟာ အရန်တပ်ဖွဲ့ဝင် ၅၀၀၀ ကိုလည်း အချိန်မရွေး စစ်မှုထမ်းနိုင်ဖို့အတွက် တပ်လှန့်ထားကြောင်း သိရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

ကရင်အမျိုးသားအစည်းအရုံး(KNU) တပ်မဟာ (၆)နယ်မြေ မြ၀တီ - ဝေါ်လေလမ်း အနီးတဝိုက် တွင် ကော်ဘရာ စစ်ကြောင်းနှင့် စစ်ကောင်စီတပ်တို့ တိုက်ပွဲများ မကြာခဏ ဖြစ်ပွားလျက်ရှိသည်။

သတင်း

မနေ့ စက်တင်ဘာ(၉)ရက်နေ့ မနက်ပိုင်းကလည်း မြ၀တီ-ဝေါ်လေ လမ်းအတိုင်းကျူးကျော်လာတဲ့ စစ်ကောင်စီရဲ့ တပ်မ(၄၄)လက်အောက်ခံ ခမရ(၁၀၂)က ဗိုလ်ကြီးအဆင့်ရှိသူတစ်ဦးအပါအဝင် ခြောက်ဦးကို လက်နက်ခဲယမ်းနဲ့တကွ လူခို့အနီးမှာ KNLA တပ်ရင်း(၂၇)နဲ့ ကော်ဘရာစစ်ကြောင်းအဖွဲ့က ဖမ်းဆီးရမိခဲ့တာဖြစ်ပါတယ်။

သတင်း

ဒီလိုစစ်ကောင်စီက လေယာဉ်နဲ့ အလစ်အငိုက်တိုက်ခိုက်မှုတွေ လုပ်ဆောင်ခဲ့ပေမယ့် ကော်ဘရာစစ်သည်တော်တွေဘက်က ထိခိုက်မှုလုံးဝမရှိဘးလို့ ထုတ်ပြန်ချက်မှာဖော်ပြထားပါတယ်။

သတင်း

ရခိုင်ပြည်နယ်အတွင်း AAနှင့် စစ်ကောင်စီတပ်ကြား စစ်ရေးတင်းမာနေချိန်တွင် ကရင်ပြည်နယ် KNU တပ်မဟာ(၅)နယ်မြေရှိ AAတပ်စခန်းကို စစ်ကောင်စီတပ်က ဗုံးကြဲတိုက်ခိုက်လာခြင်းဖြစ်သည်။