Connect with us

Hi, what are you looking for?

LuduNwayOo

နိုင်ငံတကာ

တရုတ်က မိုးမျှော်တိုက်ကြီးတစ်လုံး လှုပ်ရှား ယိမ်းထိုးလာလို့ လူတွေ အထိတ်တလန့် ထွက်ပြေး

တရုတ်နိုင်ငံမှာ အထပ်မြင့် မိုးမျှော်တိုက်ကြီးတစ်လုံး ယိမ်းထိုး လှုပ်ရှားလာတာကြောင့် အထဲမှာ ရှိနေသူတွေ ထိတ်လန့်တကြား ထွက်ပြေးခဲ့ကြရပါတယ်။

မေလ ၁၈ ရက်က ရှန်ဇန်းမြို့မှာရှိတဲ့ SEG Plaza တိုက်ကြီးဟာ စတင် လှုပ်ရမ်းလာတာလို့ မျက်မြင်တွေက ပြောပါတယ်။ မူမမှန်တဲ့ အခြေအနေကို စတင် ခံစားမိလာတဲ့နောက် တိုက်ထဲမှာ ရှိနေတဲ့ စျေးဝယ်သူတွေ၊ စျေးဆိုင် ရောင်းချသူတွေနဲ့ တခြား ဝန်ထမ်းတွေ ထိတ်လန့်တကြား ထွက်ပြေးခဲ့ကြပါတယ်။

ဒီတိုက်ကြီးဟာ အထပ်ပေါင်း ၇၀ ကျော်နဲ့ ဖွဲ့စည်းထားပြီး မီတာ ၃၀၀ လောက် မြင့်ပါတယ်။ တိုက်ကြီး လှုပ်ရမ်းခဲ့တဲ့ အကြောင်းရင်းကို လောလောဆယ် မသိရသေးဘဲ အာဏာပိုင်တွေက စုံစမ်း စစ်ဆေးနေဆဲ ဖြစ်ပါတယ်။ အခင်းဖြစ်ချိန်က တရုတ်တောင်ပိုင်းနဲ့ ရှန်ဇန်းမြို့ တဝိုက်မှာ ငလျင် လှုပ်ခတ်တာမျိုးလည်း မရှိခဲ့ပါဘူး။

ရှန်ဇန်းဟာ တရုတ်မှာ အလျင်အမြန် ဖွံ့ဖြိုး တိုးတက်လာနေတဲ့ မြို့ကြီးတစ်ခု ဖြစ်ပါတယ်။ လူဦးရေ ၁၂ သန်းလောက် နေထိုင်ပြီး စျေးဝယ်စင်တာတွေ၊ နည်းပညာ စင်တာတွေနဲ့ စည်ကားနေတဲ့ နေရာတစ်ခုပါ။ ရှန်ဇန်း မြို့ထဲက မိုးမျှော်တိုက်ကြီး လှုပ်ရှား ယိမ်းထိုးခဲ့တာနဲ့ ပတ်သက်လို့ စုံစမ်းစစ်ဆေးမှုတွေ အရေးတကြီး ဆောင်ရွက်နေပြီး တိုက်ထဲမှာ နေထိုင်သူ အားလုံးကို ရွှေ့ပြောင်းထားစေပြီး ဖြစ်တယ်လို့ မြို့အုပ်ချုပ်ရေး ကောင်စီက ပြောပါတယ်။

ဒီတိုက်ကြီးကို ၂၀၀၀ ပြည့်နှစ်မှာ တည်ဆောက် ပြီးစီးခဲ့ပြီး တရုတ်ရဲ့ ၁၀၄ ခုမြောက် အမြင့်ဆုံး၊ ကမ္ဘာပေါ်မှာ ၂၁၂ ခုမြောက် အမြင့်ဆုံး မိုးမျှော်တိုက်အဖြစ် သတ်မှတ် ခံထားရပါတယ်။ တရုတ်မှာ ဆောက်လုပ်ရေး စံနှုန်း အားနည်းချက်တွေ အပါအဝင် အကြောင်းကြောင်းကြောင့် အဆောက်အအုံတွေ ပြိုကျတာမျိုး အရင်ကလည်း ဖြစ်ဖူးပါတယ်။ မနှစ်က မေလတုန်းက Covid-19 ရောဂါသည်တွေအတွက် Quarantine စင်တာအဖြစ် ထားရှိတဲ့ ဟိုတယ်တစ်လုံး ပြိုကျတာကြောင့် လူ ၂၉ ဦး သေဆုံးခဲ့ဖူးပါတယ်။

You May Also Like

သတင်း

AviChinaဟာ ၂၀၂၁ ခုနှစ်၊ ဒီဇင်ဘာလတုန်းက မြန်မာစစ်တပ်အတွက် အပေါ့စားလေယာဉ်တွေ ပို့ဆောင်ပေးခဲ့ပြီး Bharat Electronicsကတော့ ၂၀၂၁ ခုနှစ်၊ ဇူလိုင်လတုန်းကမြန်မာနိုင်ငံမှာအဝေးထိန်းလက်နက်ရုံတစ်ခုတည်ဆောက်ပေးခဲ့တယ်လို့သိရပါတယ်။

နိုင်ငံတကာ

တရုတ်နှစ်သစ်ကူးကို အကြောင်းပြုပြီး ဒေသတချို့မှာ ရောဂါ ဖြစ်ပွားနှုန်း တိုးလာတာမျိုး ကြုံကောင်း ကြုံရနိုင်ကြောင်း၊ ဒါပေမဲ့ နောက်တစ်ကြိမ် ကိုဗစ်ကူးစက်မှုလှိုင်း အကြီးအကျယ် ရိုက်ခတ်တာမျိုးကတော့ လာမယ့် လပိုင်းတွေအတွင်း မဖြစ်နိုင်လောက်တော့ကြောင်း ဝူက မှတ်ချက် ပေးခဲ့ပါတယ်။

သတင်း

ရန်ကုန်မှာမနေ့က တရုတ်သံရုံးက ပြုလုပ်တဲ့ တရုတ်နှစ်ကူးပွဲ ကိုတက်ရောက်ခဲ့တဲ့ စစ်ကောင်စီ ခေါင်းဆောင်က တရုတ်နိုင်ငံကိုအသိပေးလိုက်တာလည်းဖြစ်ပါတယ်။

နိုင်ငံတကာ

ဒီဇင်ဘာလတုန်းက အိန္ဒိယမှာ အလုပ်လက်မဲ့ဦးရေ ၈.၃ ရာခိုင်နှုန်း ရှိတယ်လို့ အိန္ဒိယ စီးပွားရေး စောင့်ကြည့်မှု စင်တာ (CMIE)က ထုတ်ပြန်ပါတယ်။ မနှစ်က နှစ်ကုန်ပိုင်းမှာ အမေရိကန်ရဲ့ အလုပ်လက်မဲ့ အချိုးအစားဟာ ၃.၅ ရာခိုင်နှုန်းပါ။