Connect with us

Hi, what are you looking for?

LuduNwayOo

နိုင်ငံတကာ

အစိုးရသစ် ဖွဲ့စည်းဖို့ အစ္စရေး အတိုက်အခံ ပါတီတွေ သဘောတူညီမှုရရှိ

အစ္စရေး အတိုက်အခံ ပါတီတွေ စုပေါင်းပြီး အစိုးရသစ်တစ်ရပ် ဖွဲ့စည်းဖို့ သဘောတူညီမှု တည်ဆောက်နိုင်ခဲ့ကြောင်း သိရပါတယ်။

လက်ရှိ ဝန်ကြီးချုပ် ဘင်ဂျမင် နေတန်ညာဟု ဦးဆောင်တဲ့ လီကွတ် ပါတီဟာ ပြီးခဲ့တဲ့ ရွေးကောက်ပွဲမှာ မဲအများဆုံး ရခဲ့ပေမယ့် အစိုးရ ဖွဲ့စည်းဖို့ လုံလောက်တဲ့ လွှတ်တော်အမတ် နေရာထိတော့ မပိုင်ဆိုင်ခဲ့ပါဘူး။ လီကွတ်ပါတီက ညွန့်ပေါင်း အစိုးရ ဖွဲ့စည်းဖို့ ညှိနှိုင်းမှုတွေ အဆင်မပြေခဲ့တဲ့ အခြေအနေမှာ အတိုက်အခံတွေ အင်အားစုပြီး အစိုးရ ဖွဲ့ဖို့ လုံလောက်တဲ့ အနေအထားမျိုး ရောက်လာခဲ့တာပါ။

ဒါကြောင့် အစ္စရေး နိုင်ငံသမိုင်းမှာ သက်တမ်းအရှည်ဆုံး ဝန်ကြီးချုပ်အဖြစ် မှတ်တမ်းဝင်ခဲ့တဲ့ နေတန်ညာဟုရဲ့ ခေတ်ကို အဆုံးသတ်တော့မယ့် သဘောပါပဲ။ နေတန်ညာဟုဟာ လက်ရှိ ဝန်ကြီးချုပ်သက်တမ်း ၁၂ နှစ်ဆက်တိုက် အပါအဝင် ဒီရာထူးမှာ စုစုပေါင်း ၁၅ နှစ် တာဝန်ယူဖူးပါတယ်။

ညှိနှိုင်း သဘောတူညီမှုတွေအရ အစိုးရသစ်မှာ ဝန်ကြီးချုပ် ရာထူးကို အလှည့်ကျ ရယူမှာဖြစ်ပြီး လက်ယာယိမ်း ယာမီနာပါတီ ခေါင်းဆောင် နက်ဖ်တာလီ ဘန်းနက်က ပထမဆုံး ဝန်ကြီးချုပ် ဖြစ်လာမယ်လို့ သိရပါတယ်။ နောက်ပိုင်းမှာတော့ ယက်ရှ်အတစ်ဒ် ပါတီ အကြီးအကဲ ယဲရ်လာပစ်ဒ်ဆီ ရာထူး လွှဲအပ်ပေးရမှာပါ။ အဲဒီ အစိုးရ အဖွဲ့မှာ နိုင်ငံရေး အင်အားစု ၈ ခု ပါဝင် ပေါင်းစည်းထားကြပါတယ်။

လုပ်ထုံးလုပ်နည်းတွေအရ အစိုးရသစ် ကျမ်းသစ္စာ မကျိန်ဆိုခင် လွှတ်တော်ရဲ့ မဲခွဲ အတည်ပြု ထောက်ခံမှုကိုတော့ လိုအပ်နေဆဲပါ။ လာပစ်ဒ်က သူတို့ရဲ့ အစိုးရသစ်ဟာ အစ္စရေး ပြည်သူတွေအတွက် တာဝန် အကျေဆုံး အမှုထမ်းဖို့ စိတ်ပိုင်းဖြတ်ထားကြောင်း ပြောပါတယ်။

အမတ်နေရာ ၁၂၀ နဲ့ ဖွဲ့စည်းထားတဲ့ အစ္စရေး လွှတ်တော်မှာ ဒီအစိုးရ အဖွဲ့သစ်အပေါ် လုံလောက်တဲ့ ထောက်ခံမှုမျိုး မရှိခဲ့ဘူး ဆိုရင်တော့ အစ္စရေးမှာ ၂ နှစ်အတွင်း ပဉ္စမ အကြိမ်မြောက် ရွေးကောက်ပွဲနဲ့ ထပ်ပြီး ကြုံလာရဖွယ် ရှိနေကြောင်းလည်း သိရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

ခုံရုံးရဲ့ နောက်ဆုံး အဆုံးအဖြတ်အတွက် တရားသူကြီး ၉ ဦးက မဲပေးခဲ့ကြပြီး ၆-၃ ဆိုတဲ့ မဲရလဒ် ထွက်ပေါ်ခဲ့ပါတယ်။ ဒါကြောင့် ပယာရွတ်သ်ဟာ စစ်အစိုးရလက်ထက် ဝန်ကြီးချုပ်အဖြစ် တာဝန်ယူခဲ့တဲ့ သက်တမ်းတွေကို ဖယ်နုတ်ပြီး ၂၀၂၅ ခုနှစ်ထိ ထိုင်ခုံမြဲနေဦးမယ့် သဘောပါပဲ။

နိုင်ငံတကာ

“ရိုဟင်ဂျာတွေ ဘင်္ဂလားဒေ့ရှ်မှာ အကြာကြီး လာရောက် အခြေချ နေထိုင်နေခြင်းဟာ ကျွန်မတို့ နိုင်ငံရဲ့ စီးပွားရေး၊ သဘာဝ ပတ်ဝန်းကျင်၊ လုံခြုံရေးနဲ့ လူမှုနိုင်ငံရေးဆိုင်ရာ တည်ငြိမ်မှု ကဏ္ဍ အားလုံးကို ပျက်ပြားစေပါတယ်”လို့ ဟာဆီနာက ပြောပါတယ်။

ဗီဒီယို

အာဏာရ ကွန်ဆာဗေးတစ် ပါတီရဲ့ ခေါင်းဆောင်သစ်အဖြစ် စက်တင်ဘာ ၅ ရက်မှာ ရွေးကောက်တင်မြှောက် ခံလိုက်ရတဲ့နောက် လက်ရှိ နိုင်ငံခြားရေး ဝန်ကြီးဖြစ်သူ ထရက်စ်ဟာ နိုင်ငံခေါင်းဆောင် အရိုက်အရာကို ပြောင်းလဲ ဆက်ခံခွင့် ရတော့မှာပါ။

နိုင်ငံတကာ

အာဏာရ ကွန်ဆာဗေးတစ် ပါတီရဲ့ ခေါင်းဆောင်သစ်အဖြစ် စက်တင်ဘာ ၅ ရက်မှာ ရွေးကောက်တင်မြှောက် ခံလိုက်ရတဲ့နောက် လက်ရှိ နိုင်ငံခြားရေး ဝန်ကြီးဖြစ်သူ ထရက်စ်ဟာ နိုင်ငံခေါင်းဆောင် အရိုက်အရာကို ပြောင်းလဲ ဆက်ခံခွင့် ရတော့မှာပါ။