Connect with us

Hi, what are you looking for?

LuduNwayOo

နိုင်ငံတကာ

အမေရိကန် ရေတပ် ဗုံးဖောက်ခွဲမှုကြောင့် ရေအောက် ငလျင်လှုပ်ခတ်

အမေရိကန် ရေတပ်က အင်အားပြင်း ရေမြှုပ်ဗုံး ဖောက်ခွဲမှုကြောင့် ရေအောက် ငလျင်တစ်ခု လှုပ်ခတ်သွားခဲ့ကြောင်း သိရပါတယ်။

ပြီးခဲ့တဲ့ သီတင်းပတ်ကုန်မှာ အမေရိကန် ရေတပ်က ပင်လယ်ထဲမှာ ပေါင် ၄ သောင်း ဗုံးတစ်လုံးကို ဖောက်ခွဲခဲ့ပါတယ်။ ရေအောက်မှာ ဗုံးကွဲတဲ့အချိန် ရေမျက်နှာပြင်ပေါ်မှာ USS Gerald Ford လေယာဉ်တင် သင်္ဘောကြီးကို ထားရှိပြီး ရေယာဉ်ရဲ့ ခံနိုင်ဝန်ကို စမ်းသပ်ခဲ့ကြောင်း ရေတပ်က ကြေညာပါတယ်။

အဲဒီ ဗုံးပေါက်ကွဲမှုကြောင့် ဖလော်ရီဒါ ပြည်နယ်၊ ဒေတိုနာ ကမ်းခြေနားမှာ ရစ်ချ်တာစကေး ၃.၉ အဆင့် မြေအောက်ငလျင် တစ်ခု လှုပ်ခတ်သွားတာကို တိုင်းတာ ရရှိခဲ့ပါတယ်။ ဗုံးပေါက်ကွဲမှုဟာ မိုင် ၁၀၀ လောက် အကွာမှာ ရေအောက်ငလျင် ဖြစ်ပေါ်အောင် ဆင့်ကဲ သက်ရောက်သွားခဲ့တာ ဖြစ်ပါတယ်။

အမေရိကန် ရေတပ်ဟာ ဗုံးဖောက်ခွဲ စမ်းသပ်မှု ဗီဒီယိုကို Twitterပေါ်မှာ မျှဝေထားခဲ့ပါတယ်။ ရေအောက်မှာ ဗုံးစမ်းသပ်မှုနဲ့ ပတ်သက်လို့ ဝေဖန်မှုတွေ ရှိခဲ့ပေမယ့် ရေတပ်ကတော့ လုံခြုံမှု အစီအမံတွေ စိတ်ချရအောင် ကြိုတင် ပြင်ဆင်ထားခဲ့ကြောင်း ပြောကြားထားပါတယ်။

အခုစမ်းသပ်မှုဟာ အမေရိကန် ရေတပ်ရဲ့ အကြီးဆုံး စစ်ရေယာဉ် ဖြစ်လာတဲ့ လေယာဉ်တင် သင်္ဘောကြီးရဲ့ ကြံ့ခိုင်မှုကို ဆန်းစစ် မှတ်တမ်းယူတဲ့ ရည်ရွယ်ထားတာလည်း ဖြစ်ပါတယ်။ USS Gerald Fordကို ၂၀၁၇ မှာ ရေတပ်အတွက် စတင် အသုံးပြုပြီး ကမ္ဘာပေါ်မှာ အကြီးဆုံး လေယာဉ်တင် သင်္ဘော၊ စစ်ဘက်သုံး သင်္ဘောအဖြစ် မှတ်တမ်းဝင်ခဲ့ပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

အမေရိကန်ဟာ မြောက်ကိုရီးယားအပေါ် ရန်လိုမှုတွေကို ပိုပြီး ထင်ထင်ပေါ်ပေါ် ပြသလေလေ၊ အခြေအနေတွေက ပိုပြီး အန္တရာယ် ကြီးလာလာလေလေ ဆိုတာကို အရှိအတိုင်း နားလည်သင့်ကြောင်း သံအမတ်ကြီး ကင်မ်က ပြောပါတယ်။

ဗီဒီယို

လောလောဆယ်မှာတော့ ကိုရီးယားကျွန်းဆွယ် ကမ်းလွန်ရေပြင်မှာ အမေရိကန်နဲ့ တောင်ကိုရီးယား ရေတပ်သင်္ဘော စုစုပေါင်း အစီး ၂၀ လောက် ဖြန့်ကျက်ပြီး စစ်ရေး လေ့ကျင့်မှုတွေ လုပ်ဆောင်နေပါတယ်။

နိုင်ငံတကာ

ယွန်ဟာ ကုလသမဂ္ဂ အထွေထွေ ညီလာခံမှာ အမေရိကန် သမ္မတ ဂျိုးဘိုင်ဒန်နဲ့ ခဏတာ တွေ့ဆုံပြီး မကြာခင်မှာ အမေရိကန် လွှတ်တော် အမတ်တွေကို ဆဲရေးတဲ့ သဘောမျိုး ပြောဆိုနေကြောင်း အငြင်းပွားစရာ အခြေအနေတွေ ကြုံလာရတာပါ။

သတင်း

IIMM သည် ၂၀၁၁ မှစပြီး မြန်မာနိုင်ငံတွင် ဖြစ်ပွားခဲ့သော အကြီးလေးဆုံး နိုင်ငံတကာရာဇဝတ်မှုများ၏ သက်သေအထောက်အထားများကို စုံစမ်းစစ်ဆေးရန်၊ စုဆောင်းရန်၊ ထိန်းသိမ်းရန်နှင့် စီစစ်သုံးသပ်ရန် ဆောင်ရွက်နေသည်။