Connect with us

Hi, what are you looking for?

LuduNwayOo

နိုင်ငံတကာ

တရုတ်ရဲ့ မြို့ပြ ဧရိယာ ထက်ဝက်နီးပါး တဖြည်းဖြည်း မြေကျွံနိမ့်ကျနေ

ဒီဖြစ်ရပ်ရဲ့ အဓိက အကြောင်းတရား နှစ်ခုက မြေအောက်ရေတွေ အလွန်အကျွံ ထုတ်ယူ အသုံးပြုမှုကြောင့် မြေသားတောင့်ခံနိုင်မှု အားနည်းလာခြင်းနဲ့ အဆောက်အအုံတွေ ဆောက်လုပ်တဲ့ ထုထည် ပိုမိုကြီးမား လေးလံလာခြင်းတွေ ဖြစ်တယ်လို့ ပညာရှင်တွေက သုံးသပ်ထားပါတယ်။

တရုတ်ရဲ့ မြို့ပြ ဧရိယာ ထက်ဝက်နီးပါး တဖြည်းဖြည်း မြေကျွံနိမ့်ကျနေ
တရုတ်ရဲ့ မြို့ပြ ဧရိယာ ထက်ဝက်နီးပါး တဖြည်းဖြည်း မြေကျွံနိမ့်ကျနေ

တရုတ်နိုင်ငံထဲက အဓိက မြို့ကြီးတွေ အားလုံးရဲ့ ထက်ဝက်နီးပါးလောက်ဟာ တအိအိ မြေကျွံ နိမ့်ကျလာမှုဒဏ်ကို ခံစားနေရကြောင်း သိရှိရပါတယ်။

ကမ္ဘာ့ ပင်လယ်ရေမျက်နှာပြင် မြင့်တက်လာနေတဲ့ မျက်မှောက် ကာလမျိုးမှာ အဲဒီ အခြေအနေဟာ လူသန်းပေါင်းများစွာကို ရေကြီးမှုဒဏ် ခံစားရစေနိုင်တဲ့ ခြိမ်းခြောက်မှုမျိုးဆီ ဦးတည်သွားစေတယ်လို့ သုတေသီတွေက ပြောပါတယ်။

ဧပြီ ၁၉ ရက်က ထုတ်ပြန်တဲ့ လေ့လာမှု စစ်တမ်းကို Science ဂျာနယ်နဲ့ တရုတ်က သုတေသီတွေ ပူးပေါင်း ပြုစုခဲ့တာ ဖြစ်ပါတယ်။ အခုဆိုရင် တရုတ်ရဲ့ မြို့ကြီးပြကြီး ဧရိယာတွေရဲ့ ၄၅ ရာခိုင်နှုန်းဟာ ပျမ်းမျှ တစ်နှစ်ကို ၃ မီလီမီတာလောက် ဖြည်းဖြည်းချင်းဆီ ကျွံဝင် နစ်မြုပ်နေတယ်လို့ ဆိုပါတယ်။ အဲဒီထဲက ၁၆ ရာခိုင်နှုန်းလောက်ဟာ ပျမ်းမျှ တစ်နှစ်ကို ၁၀ မီလီမီတာလောက် မြေအောက်ထဲ နိမ့်ဆင်း နစ်ဝင်လာနေတယ်လို့လည်း တွေ့ရှိခဲ့ပါတယ်။

ဒီဖြစ်ရပ်ရဲ့ အဓိက အကြောင်းတရား နှစ်ခုက မြေအောက်ရေတွေ အလွန်အကျွံ ထုတ်ယူ အသုံးပြုမှုကြောင့် မြေသားတောင့်ခံနိုင်မှု အားနည်းလာခြင်းနဲ့ အဆောက်အအုံတွေ ဆောက်လုပ်တဲ့ ထုထည် ပိုမိုကြီးမား လေးလံလာခြင်းတွေ ဖြစ်တယ်လို့ ပညာရှင်တွေက သုံးသပ်ထားပါတယ်။

Public Service Announcement

Public Service Announcement

တရုတ်မှာ မြို့ပြနေ လူဦးရေက သန်း ၉၀၀ ကျော်ရှိပြီး မြို့ပြ ဧရိယာ အနည်းအကျဉ်းလောက် ရေမြုပ်ခြင်းကတော့ လူပေါင်းများစွာရဲ့ နေထိုင်မှု စနစ်နဲ့ အသက်အန္တရာယ်တွေကို ခြိမ်းခြောက်တဲ့သဘော ဖြစ်လာနိုင်တယ်လို့ စစ်တမ်းအတွက် ဦးဆောင်ခဲ့တဲ့ သုတေသီ အိုကျူရူက ပြောပါတယ်။

ဒီပြဿနာဟာ တရုတ်မှာ တစ်နေရာ၊ နှစ်နေရာစာလောက် ကြုံနေတာ မဟုတ်ဘဲ တစ်နိုင်ငံလုံး အတိုင်းအတာထိ သက်ဆိုင်တဲ့ စိန်ခေါ်မှုကြီး ဖြစ်တယ်လို့ အရှေ့ အန်ဂလီယာ တက္ကသိုလ်ရဲ့ ကမ္ဘာ့ရာသီဥတု ပြောင်းလဲမှုဆိုင်ရာ သုတေသန ဌာန ပါမောက္ခ ရောဘတ် နစ်ကိုလက်စ်ကလည်း သတိပေးခဲ့ပါတယ်။

တရုတ်နိုင်ငံ မြောက်ပိုင်းမှာ တည်ရှိပြီး လူပေါင်း ၁၅ သန်းကျော် နေထိုင်တဲ့ တိယန်ကျင်းဟာ မြေမျက်နှာသွင်ပြင် ပြောင်းလဲမှုဒဏ်ကို အဆိုးဆုံး ခံနေရတဲ့ ဧရိယာတစ်ခု ဖြစ်လာပြီး မနှစ်က တစ်နှစ်တည်းမှာတင် လူပေါင်း ၃၀၀၀ လောက်ဟာ ရုတ်တရက် ကျရောက်လာတဲ့ ဘူမိဗေဒဆိုင်ရာ ကပ်ဘေးတွေကြောင့် နေရပ်စွန့်ခွာခဲ့ရကြောင်း သိရပါတယ်။ ပညာရှင်တွေက မြေအောက် အပူဓာတ် စုယူတဲ့ စက်ရုံတွေ တည်ဆောက်တာ၊ မြေအောက်ရေ ခန်းခြောက်လာတာတွေက အဓိက ပြဿနာ အကြောင်းတရားတွေ ဖြစ်တယ်လို့ ပြောပါတယ်။

သုတေသန စာတမ်းက တရုတ်ကို ဗဟိုပြုထားပေမယ့် တကယ်တမ်းကျတော့ အလားတူ အခြေအနေမျိုးက တစ်ကမ္ဘာလုံး အတိုင်းအတာနဲ့ ခြိမ်းခြောက် ခံနေရတာလို့ ဆိုပါတယ်။ ဖေဖော်ဝါရီလတုန်းက ထုတ်ပြန်တဲ့ စစ်တမ်း တစ်ခုအရဆိုရင် ကမ္ဘာအနှံ့မှာရှိတဲ့ မြေပြင် ဧရိယာ စုစုပေါင်း ၆.၃ စတုရန်း ကီလိုမီတာဟာ ဆက်တိုက် နိမ့်ဆင်းနေပြီး ရေကြီးမှု အန္တရာယ်ကို ဖိတ်ခေါ်နေကြောင်း သိရပါတယ်။ ထင်ရှားတဲ့ ဥပမာ တစ်ခုအဖြစ် အင်ဒိုနီးရှားရဲ့ မြို့တော် ဂျကာတာဟာ အခုဆိုရင် ဧရိယာ အများစုက ပင်လယ် ရေမျက်နှာပြင် အမြင့်ထက် နိမ့်ကျနေပါပြီ။

ဂျပန်ရဲ့ မြို့တော် တိုကျိုဟာ ၁၉၇၀ ပြည့်လွန်နှစ်တွေတုန်းက မြေအောက်ရေ တူးဖော်မှုကို မတားမြစ်ခဲ့ချိန်ထိ စုစုပေါင်း ၅ မီတာလောက်ထိ မြေမျက်နှာပြင် နိမ့်ကျသွားမှုနဲ့ ကြုံတွေ့ခဲ့ပါတယ်။ ၂၀၂၂ ခုနှစ်တုန်းက စင်ကာပူ သုတေသန အဖွဲ့အစည်း တစ်ခုရဲ့ လေ့လာထုတ်ပြန်ချက်အရ ကမ္ဘာပေါ်မှာ မြေကျွံနိမ့်ကျမှု အန္တရာယ် ကြီးကြီးမားမား ရင်ဆိုင်နေရတဲ့ အထင်ကရ မြို့ကြီး ၄၄ ခု ရှိတဲ့ထဲမှာ ၃၀ ဟာ အာရှတိုက်မှာ တည်ရှိနေတယ်လို့ သိရပါတယ်။

ကိုးကား: Reuters⁩

ဆက်စပ်သတင်းများ

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

နိုင်ငံတကာ

၂၀၂၂ ခုနှစ်တုန်းကလည်း ပူတင်နဲ့ ရှီတို့ဟာ တရုတ်-ရုရှား ဆက်ဆံရေးဟာ အကန့်အသတ်မရှိ ကျယ်ပြန့်နိုင်တယ်လို့ ထုတ်ပြန်ခဲ့ကြဖူးပါတယ်။

သတင်း

ဂျာမန်ကုမ္ပဏီ Traton SE၏ လက်အောက်ခံကုမ္ပဏီ MAN SEသည် Sinotruk ကုမ္ပဏီ၏ လက်အောက်ခံကုမ္ပဏီ Sinotruk (Hongkong)တွင် ရှယ်ယာ ၂၅ ရာခိုင်နှုန်းပိုင်ဆိုင်ထားသည်။

နိုင်ငံတကာ

ပြည်နယ် အစိုးရဟာ အခင်းဖြစ်တဲ့ နေရာမှာ ကယ်ဆယ်ရေးနဲ့ အကူအညီပေးရေးတွေ ဆောင်ရွက်ဖို့ အင်အား ၅၀၀ လောက်ကို ချက်ချင်း စေလွှတ်ပေးခဲ့ပါတယ်။