Connect with us

Hi, what are you looking for?

LuduNwayOo

နိုင်ငံတကာ

အမေရိကန်နဲ့ တောင်ကိုရီးယားကို တင်းတင်းမာမာ သတိပေးလိုက်တဲ့ မြောက်ကိုရီးယား

နှစ်စဉ် ဒီလို လေ့ကျင့်မှုတွေနဲ့ ပတ်သက်ပြီး မြောက်ကိုရီးယားက သူတို့ကို ကျူးကျော်စစ်ပြုဖို့ ပြင်ဆင်မှုတွေအဖြစ် ယူဆလေ့ ရှိပါတယ်။

ရန်စတဲ့ အပြုအမူတွေကို ရှောင်ဖို့ တောင်ကိုရီးယားနဲ့ အမေရိကန် နှစ်နိုင်ငံကို မြောက်ကိုရီးယားက တင်းတင်းမာမာ သတိပေးလိုက်ပါတယ်။

မြောက်ကိုရီးယား အစိုးရ ထိပ်တန်း အရာရှိ တစ်ဦးက မဟာမိတ် နှစ်နိုင်ငံ ပူးပေါင်း စစ်ရေးလေ့ကျင့်မယ့် ကိစ္စကို ရှုတ်ချလိုက်ပြီး ဒါဟာ ဒေသတွင်း လုံခြုံရေး အကျပ်အတည်းတွေ ဖြစ်လာစေမယ့် လုပ်ရပ်မျိုးလို့ ဝေဖန်သွားပါတယ်။ အမေရိကန်နဲ့ တောင်ကိုရီးယား ပူးပေါင်း စစ်ရေးလေ့ကျင့်မှုဟာ အခု သီတင်းပတ်မှာ အစပြုမှာပါ။ နှစ်စဉ် ဒီလို လေ့ကျင့်မှုတွေနဲ့ ပတ်သက်ပြီး မြောက်ကိုရီးယားက သူတို့ကို ကျူးကျော်စစ်ပြုဖို့ ပြင်ဆင်မှုတွေအဖြစ် ယူဆလေ့ ရှိပါတယ်။

မြောက်ကိုရီးယားဖက်က ရန်လိုတဲ့ အပြုအမူလို့ သတ်မှတ်ထားတဲ့ ကိစ္စတွေကို သတ္တိကောင်းကောင်းနဲ့ ဆက်လုပ်ပြနေတာနဲ့ ပတ်သက်ပြီး အမေရိကန်နဲ့ တောင်ကိုရီးယားတို့ဟာ သေချာ ဖြေရှင်းဖို့ လိုကြောင်း၊ ဒါဟာ ကိုရီးယား နှစ်နိုင်ငံ ဆက်ဆံရေး မြှင့်တင်ဖို့ အခွင့်အရေးကောင်းတွေကို လက်လွှတ်လိုက်တဲ့ သဘောလည်းဖြစ်ကြောင်း မြောက်ကိုရီးယား ထောက်လှမ်းရေးဌာန အကြီးအကဲဟောင်းနဲ့ နိုင်ငံခြားရေး ဝန်ကြီးဟောင်း ကင်မ်ယောင်ချိုလ်က KCNA သတင်းဌာနကို ပြောကြားသွားခဲ့ပါတယ်။

တောင်ကိုရီးယားနဲ့ အရေးပေါ် ဖုန်းခေါ်ဆိုမှုတွေ ပြုလုပ်ဖို့ ချိတ်ဆက်ထားတဲ့ Hotlineကို မြောက်ကိုရီးယားက ဖြတ်တောက်ထားလိုက်ပြီး မကြာခင်မှာပဲ ကင်မ်ဆီက အခုလို မှတ်ချက်စကားမျိုး ထွက်ပေါ်လာတာပါ။ ဒီအတောအတွင်း မြောက်ကိုရီးယား ခေါင်းဆောင် ကင်မ်ဂျုံအန်းရဲ့ ညီမဖြစ်ပြီး နိုင်ငံရေး ဩဇာ ကြီးမားတဲ့ ကင်မ်ယိုဂျောင်ကလည်း မြောက်ကိုရီးယားရဲ့ အကြိမ်ကြိမ် အထပ်ထပ် သတိပေးမှုကို မျက်ကွယ်ပြုထားရင် တောင်ကိုရီးယားရော၊ အမေရိကန်ပါ ဆိုးရွားတဲ့ နောက်ဆက်တွဲ လုံခြုံရေး ဆိုးကျိုးတွေနဲ့ ကြုံလာလိမ့်မယ်လို့ ခြိမ်းခြောက်ခဲ့ပါသေးတယ်။

အမေရိကန်နဲ့ ပူးတွဲ စစ်ရေးလေ့ကျင့်မှုတွေဟာ တောင်ကိုရီးယားရဲ့ လုံခြုံရေး ကဏ္ဍအတွက် အထူးတလည် အရေးပါတဲ့ မဟာဗျူဟာ အစီအမံတွေအဖြစ် နိုင်ငံတကာ လေ့လာသူတွေက သုံးသပ် ထောက်ပြထားကြပါတယ်။ ဒါပေမဲ့ ကပ်ရောဂါ ကူးစက်မှုတွေကြောင့် ပြီးခဲ့တဲ့ နှစ်ကရော၊ ဒီနှစ်မှာပါ အဲဒီ စစ်ရေးလေ့ကျင့်မှု အစီအစဉ်တွေကို မဖြစ်မနေ အင်အားလျှော့ချ ကန့်သတ်ခဲ့ရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

ဗီဒီယို

အမေရိကန်နဲ့ တောင်ကိုရီးယားတို့ဟာ ဟားရစ်ရဲ့ ခရီးစဉ် မတိုင်ခင် အခုသီတင်းပတ် အစောပိုင်း ကတည်းက ပူးပေါင်း စစ်ရေး လေ့ကျင့်မှု တစ်ခုကို စတင်နေပြီး အဲဒီ အစီအစဉ်ကို အမေရိကန်ရဲ့ လေယာဉ်တင် သင်္ဘောကြီး USS Ronald Reaganက ဦးဆောင်ခဲ့ပါတယ်။

နိုင်ငံတကာ

အမေရိကန်ဟာ မြောက်ကိုရီးယားအပေါ် ရန်လိုမှုတွေကို ပိုပြီး ထင်ထင်ပေါ်ပေါ် ပြသလေလေ၊ အခြေအနေတွေက ပိုပြီး အန္တရာယ် ကြီးလာလာလေလေ ဆိုတာကို အရှိအတိုင်း နားလည်သင့်ကြောင်း သံအမတ်ကြီး ကင်မ်က ပြောပါတယ်။

ဗီဒီယို

လောလောဆယ်မှာတော့ ကိုရီးယားကျွန်းဆွယ် ကမ်းလွန်ရေပြင်မှာ အမေရိကန်နဲ့ တောင်ကိုရီးယား ရေတပ်သင်္ဘော စုစုပေါင်း အစီး ၂၀ လောက် ဖြန့်ကျက်ပြီး စစ်ရေး လေ့ကျင့်မှုတွေ လုပ်ဆောင်နေပါတယ်။

နိုင်ငံတကာ

မြောက်ကိုရီးယားဖက်က ပဲ့ထိန်းဒုံးလို့ ယုံကြည်ရတဲ့အရာ ပျံတက်လာချိန် ကတည်းက လုံခြုံရေးအတွက် အပြည့်အဝ တပ်လှန့် ပြင်ဆင်ထားခဲ့သလို မဟာမိတ် အမေရိကန်နဲ့ အနီးကပ် ပူးပေါင်းပြီး ပျံသန်းမှု လမ်းကြောင်းကို အချိန်ပြည့် စောင့်ကြည့်ခဲ့တယ်လို့ တောင်ကိုရီးယား စစ်တပ်က ပြောပါတယ်။