Connect with us

Hi, what are you looking for?

LuduNwayOo

နိုင်ငံတကာ

ကမ္ဘာပေါ်မှာ ခေတ်အမီဆုံး တိုက်လေယာဉ်တွေ ဝယ်ယူဖို့ ခြေလှမ်းပြင်လာတဲ့ ထိုင်းလေတပ်

Lockheed Martin ကုမ္ပဏီက ထုတ်လုပ်ပြီး Lightning IIလို့လည်း ခေါ်ဝေါ်တဲ့ အဆင့်မြင့် တိုက်လေယာဉ်တွေကို အရှေ့တောင်အာရှ ဒေသတွင်းမှာ စင်ကာပူ လေတပ်က မှာယူထားပြီး ဖြစ်သလို အင်ဒိုနီးရှားကလည်း ဝယ်ယူ အားဖြည့်မယ့် အလားအလာတွေ ရှိနေကြောင်း သိရပါတယ်။

ကမ္ဘာပေါ်မှာ ခေတ်အမီဆုံး ဂျက်တိုက်လေယာဉ်တွေကို ထိုင်းလေတပ်က ဝယ်ယူဖို့ အလားအလာ များနေကြောင်း သိရပါတယ်။

F-35 တိုက်လေယာဉ်တွေကို ထိုင်းလေတပ်က ဝယ်ယူမယ့် အစီအစဉ်ကို ထိုင်းအစိုးရက မူအားဖြင့် သဘောတူလိုက်ပြီ ဖြစ်ပါတယ်။ တကယ်လို့ ဒီကိစ္စ အမှန်တကယ် အထမြောက်လာခဲ့မယ်ဆိုရင် ၂၀၂၃ ခုနှစ်၊ ဘဏ္ဍာရေးနှစ်အတွက် F-35တွေ ဝယ်ယူဖို့ အစိုးရက ဘတ်ငွေ ၁၃.၈ ဘီလီယံ ခွင့်ပြုသွားမှာပါ။ ထိုင်းရဲ့ တော်ဝင်လေတပ်ဟာ F-35 တိုက်လေယာဉ် အုပ်စုတစ်ခု ဖွဲ့စည်းထားနိုင်ဖို့ ဆန္ဒပြင်းပြနေပါတယ်။

F-35တွေဟာ အမေရိကန် ဦးဆောင်ပြီး မဟာမိတ် နိုင်ငံတွေ ပူးပေါင်း တီထွင်ထားတဲ့ ပဉ္စမမျိုးဆက် တိုက်လေယာဉ်တွေ ဖြစ်ပါတယ်။ ရေဒါနဲ့ ထောက်လှမ်းမှုကို ရှောင်ကွင်းနိုင်တဲ့ ကိုယ်ပျောက် နည်းပညာ ပါဝင်တဲ့ F-35တွေဟာ လက်ရှိ ကမ္ဘာပေါ်မှာ နည်းပညာပိုင်း အဆင့်အမြင့်ဆုံး တိုက်လေယာဉ်တွေ အဖြစ်လည်း သတ်မှတ် ခံထားရပါတယ်။

ဇန်နဝါရီ ၁၁ ရက်မှာတော့ လျှို့ဝှက်အဆင့်လို့ ခေါင်းစဉ်တပ်ထားတဲ့ အဆိုပြု ဖိုင်တွေနဲ့ ပတ်သက်လို့ အစိုးရအဖွဲ့ဝင်တွေ ဆွေးနွေးခဲ့ပြီး F-35တွေ ဝယ်ယူရေးကို သဘောတူခဲ့တယ်လို့ နီးစပ်သူတွေက ဆိုပါတယ်။ ထိုင်း တော်ဝင်လေတပ်ဟာ F-35 ၈ စီးပါဝင်တဲ့ တပ်ဖွဲ့ကို လက်ရှိ သုံးစွဲနေတဲ့ F-16တွေ နေရာမှာ အစားထိုးဖို့ ရည်ရွယ်ထားပါတယ်။ ထိုင်းအစိုးရဟာ အခုကိစ္စနဲ့ ပတ်သက်လို့ အသေးစိတ် အချက်အလက်တွေကို မကြာခင် အသိပေး ထုတ်ပြန်လာဖွယ် ရှိနေပါတယ်။

Public Service Announcement

Public Service Announcement

ထိုင်းလေတပ် အကြီးအကဲ နာပါဒက်ဂျ် ဒူပက်တီမီယာက အမေရိကန်လုပ် F-35တွေ ဝယ်ယူရေးကို အလေးအနက် စိတ်ဝင်စားကြောင်း ဝန်ခံခဲ့ဖူးပေမယ့် ဘယ်မျိုးကွဲက ထိုင်းအတွက် ကိုက်ညီမလဲ ဆိုတာကို ရွေးချယ်ဖို့ ခက်နေဆဲလို့ ပြောခဲ့ပါတယ်။ F-35တွေမှာ မျိုးကွဲ ၃ ခုရှိပြီး မြေပြင် အခြေစိုက်၊ လေယာဉ်တင်သင်္ဘော အခြေစိုက်နဲ့ ပြေးလမ်း မလိုဘဲ ဒေါင်လိုက် အတက်အဆင်း ပြုလုပ်နိုင်တဲ့ အမျိုးအစားတွေ ဖြစ်ပါတယ်။

ထိုင်းဟာ F-35တွေကို နှစ်သုတ်ခွဲပြီး ၄ စီးစီ ဝယ်ယူသွားဖွယ် ရှိနေပါတယ်။ တစ်ဖက်မှာလည်း ကပ်ရောဂါ ဂယက်ကြောင့် နိုင်ငံစီးပွားရေး ထိခိုက် ကျဆင်းမှုတွေက ထိုင်းအစိုးရအတွက် ကာကွယ်ရေး အသုံးစရိတ် သတ်မှတ်ရာမှာ အကန့်အသတ်တွေ ကြုံနေရပြန်ပါတယ်။ ထိုင်း တော်ဝင်လေတပ်ဟာ သက်တမ်း ၃၅ နှစ်လောက် ကြာမြင့်နေပြီဖြစ်တဲ့ F-16တွေကို အဓိက မှီခိုနေရပြီး အခုတော့ နည်းပညာပိုင်း အကြီးအကျယ် အဆင့်မြှင့်တင်ဖို့ စီစဉ်နေတာပါ။

Lockheed Martin ကုမ္ပဏီက ထုတ်လုပ်ပြီး Lightning IIလို့လည်း ခေါ်ဝေါ်တဲ့ အဆင့်မြင့် တိုက်လေယာဉ်တွေကို အရှေ့တောင်အာရှ ဒေသတွင်းမှာ စင်ကာပူ လေတပ်က မှာယူထားပြီး ဖြစ်သလို အင်ဒိုနီးရှားကလည်း ဝယ်ယူ အားဖြည့်မယ့် အလားအလာတွေ ရှိနေကြောင်း သိရပါတယ်။

ဆက်စပ်သတင်းများ

နိုင်ငံတကာ

အနောက်နိုင်ငံတွေရဲ့ တိုက်လေယာဉ်မှူးဟောင်းတွေဟာ တရုတ်ကို ကူညီနေမိမှန်း မသိဘဲ သိမ်းသွင်းခံရတာမျိုးလည်း ရှိတယ်လို့ Five Eyesက ဆိုပါတယ်။

ဆောင်းပါး

မြဝတီမြို့ပြင်တိုက်ပွဲများကြောင့် မြို့ခံအချို့မှာ လုံခြုံရေးအခြေအနေစိုးရိမ်၍ ယခုရက်ပိုင်းအတွင်း ထိုင်းနိုင်ငံ၊​ မဲဆောက်မြို့သို့ ပြောင်းရွှေ့နေထိုင်မှုများလည်း ရှိနေသည်။

နိုင်ငံတကာ

အမေရိကန် လေတပ်ဟာ CCAလို့ နာမည်ပေးထားတဲ့ ပရောဂျက်ကို အကောင်အထည်ဖော် စမ်းသပ်နေတာ နှစ်နဲ့ချီ ကြာမြင့်ခဲ့ပြီ ဖြစ်ပြီး ရှိရင်းစွဲ တိုက်လေယာဉ်တွေကို လေယာဉ်မှူးတွေအစား AIက ဆုံးဖြတ် ပျံသန်းတာမျိုး ခိုင်းစေနေတာ ဖြစ်ပါတယ်။

နိုင်ငံတကာ

ရုရှားဖက်ကတော့ လေတပ်စခန်း တိုက်ခိုက်ခံရတယ် ဆိုတာကို ငြင်းဆိုပြီး ရော့စတော့ဗ်အပြင် အနီးတဝိုက် ဒေသတွေကို ကျူးကျော်လာတဲ့ ရန်သူဒရုန်း ၄၀ ကျော်ကို အကုန်အစင် ကြားဖြတ် ပစ်ချနိုင်ခဲ့တယ်လို့ ထုတ်ပြန်ထားပါတယ်။