Connect with us

Hi, what are you looking for?

LuduNwayOo

နိုင်ငံတကာ

စက်ဘီးပေါ်က ပြုတ်ကျခဲ့တဲ့ ဘိုင်ဒန်

သမ္မတဟာ စက်ဘီးပေါ်က အဆင်းမှာ ခြေနင်းနဲ့ ခြေထောက် ငြိမိရာက လဲကျသွားခဲ့တာလို့ အိမ်ဖြူတော်က ထုတ်ပြန်ခဲ့ပါတယ်။ ဘိုင်ဒန် အနေနဲ့ နည်းနည်းပါးပါး နာသွားတာကလွဲလို့ ထိခိုက်မှု မရှိခဲ့ဘူးလို့လည်း ဆိုပါတယ်။

စက်ဘီးပေါ်က ပြုတ်ကျခဲ့တဲ့ ဘိုင်ဒန်
စက်ဘီးပေါ်က ပြုတ်ကျခဲ့တဲ့ ဘိုင်ဒန်

အမေရိကန် သမ္မတ ဂျိုးဘိုင်ဒန်ဟာ လူအများရှေ့မှာ စက်ဘီးထွက်စီးရာက ပြုတ်ကျပြီး နည်းနည်း အနာတရ ဖြစ်ခဲ့ပါတယ်။

ဇွန်လ ၁၈ ရက်က ဒယ်လာဝဲလ်မှာရှိတဲ့ ရီဟိုဘို့သ် ကမ်းခြေတဝိုက်မှာ မနက်ပိုင်း စက်ဘီးစီးရင်း မတော်တဆ ဖြစ်ခဲ့တာပါ။ သူဟာ သမ္မတကတော် ဂျီလ်ဘိုင်ဒန်နဲ့အတူ စက်ဘီးစီးလာရာက ရပ်တန့်လိုက်ပြီး စက်ဘီးပေါ်က အဆင်းမှာ ဟန်ချက်ပျက် လဲကျသွားတာပါ။

သမ္မတဟာ စက်ဘီးပေါ်က အဆင်းမှာ ခြေနင်းနဲ့ ခြေထောက် ငြိမိရာက လဲကျသွားခဲ့တာလို့ အိမ်ဖြူတော်က ထုတ်ပြန်ခဲ့ပါတယ်။ ဘိုင်ဒန် အနေနဲ့ နည်းနည်းပါးပါး နာသွားတာကလွဲလို့ ထိခိုက်မှု မရှိခဲ့ဘူးလို့လည်း ဆိုပါတယ်။

အမေရိကန် သမ္မတက ရုတ်တရက် လဲကျသွားတော့ အနားတဝိုက်မှာ ရှိနေတဲ့ အထူး လုံခြုံရေး အေးဂျင့်တွေ ပြာယာခတ်ကုန်တာကိုလည်း ဗီဒီယို မှတ်တမ်းတွေမှာ တွေ့ရပါတယ်။ ညနေပိုင်းမှာတော့ ဘိုင်ဒန်ဟာ ဒယ်လာဝဲလ်က ဘုရားကျောင်း တစ်ခုကို သွားရောက်ခဲ့သလို ဒေသခံ တချို့နဲ့လည်း ရင်းရင်းနှီးနှီး တွေ့ဆုံ နှုတ်ဆက်ခဲ့ပါတယ်။

မနက်က စက်ဘီးမှောက်ထားတာ အခြေအနေ ဘယ်လိုလဲလို့ သတင်းထောက် တစ်ယောက်က လှမ်းမေးတော့ ဘိုင်ဒန်က ခုန်ပြပြီး အခြေအနေ ကောင်းပါတယ်လို့ တုံ့ပြန်သွားပါတယ်။ ကလေး တစ်ယောက်ကလည်း နိုင်ငံကို အုပ်ချုပ်ရတဲ့ ခံစားချက်ကို မေးကြည့်တဲ့အခါ ဘိုင်ဒန်က တခြား အလုပ်တွေလိုပဲ ဖြစ်ကြောင်း၊ တချို့ အပိုင်းတွေကတော့ နည်းနည်းခက်ကြောင်း ရယ်ရယ်မောမော ဖြေကြားသွားခဲ့ပါတယ်။

You May Also Like

သတင်း

ကုလသမဂ္ဂ အထွေထွေ ညီလာခံကို စက်တင်ဘာ ၂၀ ရက်နေ့က စတင်ကျင်းပခဲ့ပြီး မနေ့က အစီအစဉ်တွေမှာတော့ ဘိုင်ဒန်အပြင် ရုရှားနဲ့ စစ်မက် ဖြစ်ပွားနေတဲ့ ယူကရိန်း နိုင်ငံက သမ္မတ ဗိုလိုဒီမာ ဇီလန်စကီးကလည်း ရုပ်မြင်သံကြားကနေတဆင့် မိန့်ခွန်းပြောသွားတာ တွေ့ရပါတယ်။

နိုင်ငံတကာ

ပြိုင်ဘက် ရီပတ်ဘလစ်ကန် ပါတီမှာတော့ ပြီးခဲ့တဲ့ ရွေးကောက်ပွဲမှာ ဘိုင်ဒန်ကို အရေးနိမ့်ပြီး သမ္မတရာထူး စွန့်လွှတ်ခဲ့ရတဲ့ ဒေါ်နယ်လ်ထရမ့်က ၂၀၂၄ ရွေးကောက်ပွဲမှာ ရလဒ် ပြန်ကောင်းဖို့ ပီပီပြင်ပြင် အားထုတ် ကြိုးစားမှုတွေ စတင်နေပြီ ဖြစ်ပါတယ်။

News

သမ္မတ ဂျိုးဘိုင်ဒန် ရောက်ရှိလာချိန်မတိုင်မီ တိုကျိုမြို့ အမေရိကန် သံရုံးအနီးတဝိုက်၌ ဂျပန်ရောက် ဒီမိုကရေစီအရေးလိုလားသူ မြန်မာများစုပေါင်း၍ ဆန္ဒထုတ်ဖော်ခဲ့ကြခြင်း ဖြစ်သည်။

News

အကြမ်းဖက်စစ်ကောင်စီကမူ အမေရိကန်-အာဆီယံထိပ်သီးညီလာခံအပြီး ပူးတွဲထုတ်ပြန် ကြေညာချက်ပါ မြန်မာ့အရေးဖော်ပြချက်ကို ပယ်ချကြောင်းနှင့် NUG ကိုယ်စားလှယ်အဖွဲ့ကို လက်ခံ တွေ့ဆုံသည့် အမေရိကန်အစိုးရ တာဝန်ရှိသူများကိုလည်း ကန့်ကွက်ကြောင်း ယနေ့သတင်း ထုတ်ပြန်သည်။