Connect with us

Hi, what are you looking for?

LuduNwayOo

နိုင်ငံတကာ

ပလော့စီရဲ့ ထိုင်ဝမ် ခရီးစဉ်ကို ကန့်ကွက်ကြောင်း တရုတ် နိုင်ငံခြားရေး ဝန်ကြီးဌာန ထုတ်ပြန်

အမေရိကန် နိုင်ငံခြားရေး ဝန်ကြီး အန်တိုနီ ဘလင်ကန်ကတော့ ထိုင်ဝမ်ကို သွားရောက်ချင်တဲ့ ကိစ္စဟာ အောက်လွှတ်တော် ဥက္ကဋ္ဌ တစ်ဦးတည်းရဲ့ ဆန္ဒသာဖြစ်ပြီး အမေရိကန် အစိုးရရဲ့ တိုက်ရိုက် သဘောထားတော့ မဟုတ်ဘူးလို့ ဩဂုတ် ၁ ရက်နေ့တုန်းက ပြောကြားထားပါတယ်။

ပလော့စီရဲ့ ထိုင်ဝမ် ခရီးစဉ်ကို ကန့်ကွက်ကြောင်း တရုတ် နိုင်ငံခြားရေး ဝန်ကြီးဌာန ထုတ်ပြန်
ပလော့စီရဲ့ ထိုင်ဝမ် ခရီးစဉ်ကို ကန့်ကွက်ကြောင်း တရုတ် နိုင်ငံခြားရေး ဝန်ကြီးဌာန ထုတ်ပြန်

ထိုင်ဝမ်ကို ရောက်ရှိလာတဲ့ အမေရိကန် အောက်လွှတ်တော် ဥက္ကဋ္ဌ နန်စီပလော့စီရဲ့ ခရီးစဉ်ကို တရုတ် နိုင်ငံခြားရေး ဝန်ကြီးဌာနက ပြင်းပြင်းထန်ထန် ကန့်ကွက်လိုက်ပါတယ်။

ထိုင်ဝမ်ကို ပလော့စီ သွားရောက်ခဲ့တာဟာ တရုတ်-အမေရိကန် နိုင်ငံရေး အခြေခံ အုတ်မြစ်တွေကို အကြီးအကျယ် ထိခိုက်စေပြီး တရုတ် နိုင်ငံရဲ့ အချုပ်အခြာ အာဏာကို အပြင်းအထန် ချိုးဖောက်ရာ ရောက်နေတယ်လို့ တရုတ် နိုင်ငံခြားရေး ဝန်ကြီးဌာန ထုတ်ပြန်ချက်မှာ ဖော်ပြထားပါတယ်။ ထိုင်ဝမ်ဟာ သီးခြား လွတ်လပ်တဲ့ နိုင်ငံတစ်ခုအဖြစ် ရပ်တည်လိုပေမယ့် တရုတ်ကတော့ ရေလက်ကြား တစ်ခုသာခြားတဲ့ ကျွန်းနိုင်ငံကို လက်အောက်ခံ နယ်မြေတစ်ခု အနေနဲ့ သတ်မှတ်ထားပါတယ်။

ပလော့စီရဲ့ ခရီးစဉ်ဟာ ထိုင်ဝမ် ရေလက်ကြားတလျှောက် ငြိမ်းချမ်းရေးနဲ့ နယ်မြေတည်ငြိမ်ရေး ကဏ္ဍတွေကို အကြီးအကျယ် ဆုတ်ယုတ် ထိခိုက်စေပြီး ထိုင်ဝမ် လွတ်လပ်ရေးဆိုတဲ့ ခွဲထွက်ရေး အင်အားစုတွေရဲ့ မျှော်လင့်ချက် အမှားတွေအတွက် ရှေ့ဆောင်လမ်းပြသဘော ဖြစ်နေစေကြောင်း တရုတ် နိုင်ငံခြားရေး ဝန်ကြီးဌာနက ဆိုပါတယ်။

တရုတ် အစိုးရ အနေနဲ့ ပလော့စီရဲ့ ခရီးစဉ်ကို ခိုင်ခိုင်မာမာ ဆန့်ကျင်ပြီး အပြင်းအထန် ရှုတ်ချကြောင်း၊ ဒီကိစ္စနဲ့ ပတ်သက်လို့ အမေရိကန် အစိုးရဆီကိုလည်း ကန့်ကွက် ဆန္ဒပြသွားမှာဖြစ်ကြောင်း တရုတ်ဖက်က ထုတ်ပြန်ချက်မှာ ပါရှိနေပါတယ်။

Public Service Announcement

Public Service Announcement

အမေရိကန် နိုင်ငံခြားရေး ဝန်ကြီး အန်တိုနီ ဘလင်ကန်ကတော့ ထိုင်ဝမ်ကို သွားရောက်ချင်တဲ့ ကိစ္စဟာ အောက်လွှတ်တော် ဥက္ကဋ္ဌ တစ်ဦးတည်းရဲ့ ဆန္ဒသာဖြစ်ပြီး အမေရိကန် အစိုးရရဲ့ တိုက်ရိုက် သဘောထားတော့ မဟုတ်ဘူးလို့ ဩဂုတ် ၁ ရက်နေ့တုန်းက ပြောကြားထားပါတယ်။

လွှတ်တော်ဟာ အစိုးရ ယန္တရားရဲ့ အမှီအခိုကင်းပြီး ဟန်ချက် ထိန်းညှိပေးတဲ့ အစိတ်အပိုင်း တစ်ခုဖြစ်ကြောင်း၊ ခရီးစဉ်နဲ့ ပတ်သက်လို့ကတော့ အောက်လွှတ်တော် ဥက္ကဋ္ဌ တစ်ဦးတည်းရဲ့ ဆုံးဖြတ်ချက်သာဖြစ်ကြောင်း ဘလင်ကန်က မှတ်ချက် ပေးခဲ့ပါတယ်။ နောက်ပြီး အိမ်ဖြူတော်ကလည်း ပလော့စီရဲ့ ထိုင်ဝမ် ခရီးစဉ်ကို အကြောင်းပြုပြီး ဒေသတွင်း တင်းမာမှုတွေ မြင့်တက်လာစေမယ့် အပြုအမူမျိုးတွေ မလုပ်ဖို့လည်း တရုတ်ကို ရည်ရွယ် သတိပေးထားပါသေးတယ်။

အမေရိကန် သမ္မတ ဂျိုးဘိုင်ဒန်က အမေရိကန် စစ်တပ် အနေနဲ့ လက်ရှိကာလဟာ ပလော့စီတစ်ယောက် ထိုင်ဝမ်ကို သွားရောက်ဖို့ အချိန်အခါကောင်းလို့ မယူဆကြောင်း၊ ဒါပေမဲ့ အောက်လွှတ်တော် ဥက္ကဋ္ဌရဲ့ သဘောဆန္ဒကို တိုက်ရိုက် စွက်ဖက်တာမျိုး မလုပ်ဖို့ ဆုံးဖြတ်ခဲ့ကြောင်း နီးစပ်သူတွေဆီ ပြောကြားခဲ့တယ်လို့ ဆိုပါတယ်။

ပလော့စီရဲ့ ခရီးစဉ်ကို အမေရိကန် သမ္မတက စီစဉ် စေလွှတ်တာမျိုး မဟုတ်ပေမယ့် တရုတ် အစိုးရကတော့ ဒါဟာ အမေရိကန် အစိုးရရဲ့ တရားဝင် ခရီးစဉ် တစ်ခုလို့ သဘောထား တုံ့ပြန်လာဖွယ် ရှိနေကြောင်း အိမ်ဖြူတော် အရာရှိ တချို့က မှတ်ချက် ပေးထားပါတယ်။ နောက်ပြီး ပလော့စီရော၊ ဘိုင်ဒန်ပါ ဒီမိုကရက် ပါတီဝင် နိုင်ငံရေး လုပ်ဖော်ကိုင်ဖက်တွေ ဖြစ်ကြပါတယ်။

ပလော့စီဟာ လွှတ်တော်ထဲမှာတော့ တရုတ်ကို အမြင်မကြည်သူ တစ်ယောက်အဖြစ် ထင်ရှားပြီး တရုတ်နဲ့ ဆက်စပ် နယ်မြေတွေက ဒီမိုကရေစီရေး လှုပ်ရှားမှုတွေကို အားပေးလေ့ ရှိခဲ့ပါတယ်။ မကြာသေးခင် နှစ်ပိုင်းတွေအတွင်း တရုတ် လက်အောက်ခံ ဟောင်ကောင်ဒေသက ဒီမိုကရေစီရေး လှုပ်ရှား ဆန္ဒပြမှုတွေကိုလည်း ပလော့စီက အင်တိုက်အားတိုက် ထောက်ခံခဲ့ကြောင်း သိရပါတယ်။

ဆက်စပ်သတင်းများ

နိုင်ငံတကာ

အနောက်နိုင်ငံတွေရဲ့ တိုက်လေယာဉ်မှူးဟောင်းတွေဟာ တရုတ်ကို ကူညီနေမိမှန်း မသိဘဲ သိမ်းသွင်းခံရတာမျိုးလည်း ရှိတယ်လို့ Five Eyesက ဆိုပါတယ်။

နိုင်ငံတကာ

တရုတ်လိုမျိုး တောင့်တင်းအားကောင်းတဲ့၊ လွတ်လပ်တဲ့၊ ဩဇာကြီးမားတဲ့ နိုင်ငံမျိုးက ပူတင် အလိုကျ အသုံးတော်ခံနေတဲ့ အခြေအနေမျိုး မြင်ရတာကို စိတ်မကောင်းကြောင်း ဇီလန်စကီးက ဆိုပါတယ်။

နိုင်ငံတကာ

တရုတ် ဗုံးကြဲလေယာဉ်တွေဟာ ထိုင်ဝမ် အရှေ့ပိုင်းနဲ့ အနောက်ပိုင်း ကမ်းလွန်က ပစ်မှတ်တု တချို့ကို ရေတပ်နဲ့ ပူးပေါင်းပြီး တိုက်ခိုက်ခဲ့တာလို့ CCTVက ဆိုပါတယ်။

နိုင်ငံတကာ

နိုင်ငံရဲ့ အချုပ်အခြာ အာဏာ ပိုင်ဆိုင်မှုအတွက် စိုးရိမ်သင့်တဲ့ အခြေအနေ ဖြစ်တာကြောင့် ထိုင်ဝမ်ဖက်ကလည်း ရေတပ်၊ လေတပ်၊ ကြည်းတပ်တွေကို မဟာဗျူဟာမြောက် ဖြန့်ကျက်ထားတယ်လို့ ဝန်ကြီးဌာနက ထုတ်ပြန်ပါတယ်။