Connect with us

Hi, what are you looking for?

LuduNwayOo

နိုင်ငံတကာ

၁၀ ဦးထက်မနည်း သေဆုံးခဲ့တဲ့ ဓားထိုးမှု တရားခံ ၂ ယောက်ကို ကနေဒါ ရဲတပ်ဖွဲ့ လိုက်ရှာနေ

ဓားထိုးမှုတွေ ကျူးလွန်ရတဲ့ အကြောင်းရင်းကိုတော့ တိတိကျကျ မသိရသေးပါဘူး။ မနက်ပိုင်းမှာ ပထမဆုံး ဓားထိုးမှု ဖြစ်ခဲ့တဲ့နောက် မြို့အနှံ့မှာ စုစုပေါင်း အလားတူ တိုက်ခိုက်မှု ၁၃ ခုအတွက် တိုင်ကြားမှုတွေ လက်ခံ ရရှိလာတယ်လို့ ရဲတွေက ဆိုပါတယ်။

၁၀ ဦးထက်မနည်း သေဆုံးခဲ့တဲ့ ဓားထိုးမှု တရားခံ ၂ ယောက်ကို ကနေဒါ ရဲတပ်ဖွဲ့ လိုက်ရှာနေ
၁၀ ဦးထက်မနည်း သေဆုံးခဲ့တဲ့ ဓားထိုးမှု တရားခံ ၂ ယောက်ကို ကနေဒါ ရဲတပ်ဖွဲ့ လိုက်ရှာနေ

လူ ၁၀ ယောက်ထက် မနည်းကို ဓားနဲ့ထိုးသတ်ပြီး ထွက်ပြေး တိမ်းရှောင်နေတဲ့ တရားခံ ၂ ဦးကို အပူတပြင်း ရှာဖွေနေကြောင်း ကနေဒါ ရဲတပ်ဖွဲ့က ထုတ်ပြန်ပါတယ်။

စက်တင်ဘာ ၄ ရက်က ကနေဒါနိုင်ငံ အလယ်ပိုင်း ဆက်စ်ကက်ချီဝမ်မြို့မှာ ဓားနဲ့ ရမ်းကား တိုက်ခိုက်ခဲ့တဲ့ မှုခင်းတွေ ဖြစ်ပွားပြီး အနည်းဆုံး ၁၀ ဦးသေ၊ ၁၅ ဦး ဒဏ်ရာရခဲ့ကြောင်း အာဏာပိုင်တွေက ပြောပါတယ်။ ရဲတွေက သံသယ တရားခံတွေအဖြစ် ဒေမီယန် ဆန်ဒါဆန်နဲ့ မိုင်းလ်စ် ဆန်ဒါဆန်ဆိုသူ နှစ်ဦးရဲ့ ဓာတ်ပုံတွေကို ထုတ်ပြန် ကြေညာထားပါတယ်။

နှစ်ယောက်စလုံးဟာ လက်နက် ကိုင်ဆောင်ထားပြီး အရမ်း အန္တရာယ်များတယ်လို့ ယုံကြည်ရကြောင်း၊ သူတို့ကိုတွေ့ရင် ခပ်ဝေးဝေးကနေ တိမ်းရှောင်ပြီး ရဲတပ်ဖွဲ့ဆီ ဆက်သွယ်စေလိုကြောင်းလည်း ထုတ်ပြန်ထားပါတယ်။ သံသယ တရားခံ နှစ်ဦးဟာ အနက်ရောင် Nissan Rogue ကားတစ်စီးနဲ့ လှည့်လည် သွားလာနေတယ်လို့လည်း ယုံကြည်ရပါတယ်။

ကနေဒါ တော်ဝင် မြင်းစီး ရဲတပ်ဖွဲ့ရဲ့ ဆက်စ်ကက်ချီဝမ်၊ အယ်လ်ဘာတာနဲ့ မန်နီတိုဘာ မြို့ခံ ရဲဌာနအားလုံး ပူးပေါင်းပြီး သံသယရှိသူတွေကို လိုက်ရှာနေတယ်လို့ ဆိုပါတယ်။

ကနေဒါ ဝန်ကြီးချုပ် ဂျက်စတင် ထရူဒူက လူတွေ အစုလိုက် အပြုံလိုက် ဓားထိုးခံရပြီး သေဆုံးခဲ့ရတဲ့ မှုခင်းကြောင့် စိတ်နှလုံး တုန်လှုပ် ကြေကွဲမိကြောင်း Twitterမှာ ရေးသားထားပါတယ်။ မှုခင်းဖြစ်ပွားရာ ဒေသတဝိုက်မှာ နေထိုင်တဲ့ ပြည်သူတွေ အနေနဲ့လည်း သက်ဆိုင်ရာ တာဝန်ရှိသူတွေ ညွှန်ကြားထားတဲ့ အကြံပြုချက်တွေအတိုင်း အတိအကျ လိုက်နာကြဖို့ ဝန်ကြီးချုပ်က တိုက်တွန်းခဲ့ပါတယ်။

ဓားထိုးမှုတွေ ကျူးလွန်ရတဲ့ အကြောင်းရင်းကိုတော့ တိတိကျကျ မသိရသေးပါဘူး။ မနက်ပိုင်းမှာ ပထမဆုံး ဓားထိုးမှု ဖြစ်ခဲ့တဲ့နောက် မြို့အနှံ့မှာ စုစုပေါင်း အလားတူ တိုက်ခိုက်မှု ၁၃ ခုအတွက် တိုင်ကြားမှုတွေ လက်ခံ ရရှိလာတယ်လို့ ရဲတွေက ဆိုပါတယ်။

လောလောဆယ်မှာတော့ ကွင်းဆင်း ကျန်းမာရေး စောင့်ရှောက်မှု ဌာနနှစ်ခုကို အရေးပေါ် ဖွင့်လှစ်ပြီး မှုခင်းတွေကြောင့် စိတ်ပိုင်း၊ ရုပ်ပိုင်း ထိခိုက် ခံစားခဲ့ရတဲ့ ဒေသခံတွေကို ကူညီပေးနေပါတယ်။ မြို့ထဲမှာ လုံခြုံရေး တိုးမြှင့်ချထားပြီး နေရာအနှံ့ ရဲကားတွေ ပတ္တရောင်လှည့်ပြီး စစ်ဆေးနေတယ်လို့လည်း သိရပါတယ်။

You May Also Like

သတင်း

သေနတ်သုံးလက် သိမ်းဆည်းနိုင်ခဲ့ မန္တလေးတိုင်း၊ ညောင်ဦးမြို့နယ်၊ စဉ့်ကူနယ်မြေရဲစခန်းမှ ရဲငါးဦး ဘီယာဆိုင်ထိုင်နေစဥ် ဝင်ရောက် တိုက်ခိုက်ခဲ့ရာ စခန်းမှူးအပါအဝင် ငါးဦးလုံးသေဆုံးပြီး သေနတ်သုံးလက်သိမ်းဆည်းနိုင်ခဲ့ကြောင်း ပခုက္ကူမြို့ပြပြောက်ကျားတပ်ဖွဲ့(တပ်ဖွဲ့-၂)က ထုတ်ပြန်သည်။ ယမန်နေ့ (ဒီဇင်ဘာ၁ ရက်)မွန်းလွဲ ၁နာရီခန့်ကညောင်ဦး​မြို့နယ်၊ စဥ့်ကူရဲစခန်း၏ စခန်းမှူးအပါအဝင် ရဲငါးဦးသည် တက်မမှော်အတွင်းရှိ ဘီယာဆိုင်တစ်ဆိုင်တွင် ထိုင်နေချိန်...

သတင်း

ထိတွေ့ရင်ဆိုင်တိုက်ပွဲများအတွင်း ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၅)ဘက်က စစ်သည်တော် ၉ဦးကျဆုံးခဲ့ပြီး ၂၆ဦး ဒဏ်ရာရခဲ့ကြောင်း အသိပေးထားသည်။

သတင်း

နိုဝင်ဘာ ၂၀ရက်ကတည်းကစစ်ကတပ်ကလေကြောင်း ပစ်ကူပေးတိုက်ခိုက်ခဲ့ရာ ၂၂ရက်နေ့အထိသုံးရက်ဆက်လေကြောင်းတိုက်ခိုက်ခဲ့သည်ဟုသိရသည်။

သတင်း

နိုဝင်ဘာလ ၃၀ ရက်က ရွှေဘိုမြို့နယ်အနောက်ပိုင်းရှိ မြင်းဇီးကျေးရွာသို့ ရောက်ရှိနေသော အင်အား ၆ဝ ကျော်ပါ စစ်ကောင်စီတပ်နှင့် ပျူများသည် နံနက် ၇ နာရီခွဲခန့်တွင် ဆင်အင်းကျေးရွာဘက်သို့ ဦးတည်စစ်​ကြောင်းထိုးလာသည်။