Connect with us

Hi, what are you looking for?

LuduNwayOo

နိုင်ငံတကာ

ဩစတြေးလျ တောင်ပိုင်းမှာ ဝေလငါး တစ်ဒါဇင်ကျော် သောင်တင်သေဆုံး

နိုင်ငံတောင်ပိုင်းက တက်စ်မေးနီးယားကျွန်းရဲ့ ကမ်းခြေတစ်ခုမှာ စပမ်း ဝေလငါးတွေ အစုအပြုံလိုက် သောင်တင် သေဆုံးနေတာကို စက်တင်ဘာ ၁၉ ရက်က တွေ့ရှိခဲ့ကြောင်း အာဏာပိုင်တွေက ပြောပါတယ်။ သေဆုံးတဲ့ ဝေလငါး အားလုံးလိုလိုဟာ ခပ်ငယ်ငယ် မြီးကောင်ပေါက် အရွယ်တွေလို့ ယူဆရပါတယ်။

ဩစတြေးလျ တောင်ပိုင်းမှာ ဝေလငါး တစ်ဒါဇင်ကျော် သောင်တင်သေဆုံး
ဩစတြေးလျ တောင်ပိုင်းမှာ ဝေလငါး တစ်ဒါဇင်ကျော် သောင်တင်သေဆုံး

ဩစတြေးလျ နိုင်ငံမှာ ဝေလငါး ၁၄ ကောင် အစုလိုက် အပြုံလိုက် သောင်တင်ပြီး သေဆုံးခဲ့ကြောင်း သိရပါတယ်။

နိုင်ငံတောင်ပိုင်းက တက်စ်မေးနီးယားကျွန်းရဲ့ ကမ်းခြေတစ်ခုမှာ စပမ်း ဝေလငါးတွေ အစုအပြုံလိုက် သောင်တင် သေဆုံးနေတာကို စက်တင်ဘာ ၁၉ ရက်က တွေ့ရှိခဲ့ကြောင်း အာဏာပိုင်တွေက ပြောပါတယ်။ သေဆုံးတဲ့ ဝေလငါး အားလုံးလိုလိုဟာ ခပ်ငယ်ငယ် မြီးကောင်ပေါက် အရွယ်တွေလို့ ယူဆရပါတယ်။

အခုလိုမျိုး ဝေလငါးတွေ အစုအပြုံလိုက် သောင်တင်ပြီး သေဆုံးကုန်ရတဲ့ အကြောင်းရင်းကိုတော့ မသိရသေးပါဘူး။ ဒီဖြစ်စဉ်ကို စုံစမ်းဖို့ အဏ္ဏဝါဇီဝ ပညာရှင်တွေကိုတော့ လောလောဆယ် စေလွှတ်ထားလိုက်ပါပြီ။ ဒါ့အပြင် အနီးတဝိုက် ကမ်းခြေတွေမှာရော နောက်ထပ် ဝေလငါးတွေ သောင်တင်နေတာမျိုး ရှိမရှိကို ဝေဟင်ကနေ လိုက်လံ ထောက်လှမ်း စစ်ဆေးဖို့ စီစဉ်နေပါတယ်။

စပမ်း ဝေလငါးတွေဟာ မျိုးသုဉ်းနိုင်ခြေအတွက် စိုးရိမ်ရတဲ့ သက်ရှိမျိုးစိတ် တစ်ခုပါ။ ဒီဝေလငါးတွေဟာ အရှည် ၁၈ မီတာလောက်ထိ ကြီးထွားနိုင်ပြီး အရွယ်ရောက်ပြီး အကောင်တွေက ၄၅ တန် အလေးချိန်လောက်ထိ ရှိတတ်ပါတယ်။ အခု သောင်တင် သေဆုံးကုန်တာက အရွယ်ရောက်စ အထီးတွေချည်း စုထားတဲ့ ဝေလငါးအုပ်လို့ ပညာရှင်တွေက ပြောပါတယ်။ စပမ်း ဝေလငါးတွေရဲ့ သဘာဝအရ အဲဒီလို သီးခြားအုပ်စုမျိုး ရှိတတ်ကြပါတယ်။

စပမ်းဝေလငါးတွေဟာ များသောအားဖြင့် ကမ်းဝေးပင်လယ်ထဲမှာသာ နေတတ်ကြပြီး ကမ်းခြေတွေကို ချဉ်းကပ်လေ့ မရှိပါဘူး။ ဒါပေမဲ့ ရှေ့ဆောင် ဝေလငါးက လမ်းကြောင်းမှားတာကြောင့်ဖြစ်စေ၊ ရေစီးကြောင်း အပြောင်းအလဲကြောင့်ဖြစ်စေ အကြောင်းတစ်ခုခုကြောင့် အခုလို ဒုက္ခရောက်သွားတာ ဖြစ်နိုင်တယ်လို့ သားရိုင်း တိရစ္ဆာန်ဆိုင်ရာ ကျွမ်းကျင်ပညာရှင် ဒေါက်တာ ဗင်နစ်ဆာ ပီရော့တာက ပြောပါတယ်။

တက်စ်မေးနီးယားကျွန်းဟာ ဝေလငါးတွေ အစုလိုက် ကမ်းတင် သေဆုံးမှုတွေနဲ့ သိပ်ပြီး မစိမ်းလှတဲ့ နေရာတစ်ခုပါ။ ၂၀၂၀ ပြည့်နှစ် စက်တင်ဘာလကဆိုရင် လမ်းပြ ဝေလငါး ၃၈၀ ကျော်လောက် တက်စ်မေးနီးယား ကမ်းခြေတစ်ခုမှာ အစုလိုက် သေဆုံးခဲ့ဖူးပါတယ်။ ဒီဖြစ်ရပ်ဟာ နိုင်ငံသမိုင်းမှာ ဝေလငါးတွေ အဆိုးရွားဆုံး သောင်တင်မှုအဖြစ်လည်း မှတ်တမ်းဝင်ခဲ့ပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

စက်တင်ဘာ ၂၇ရက်ကလည်း ဖာပွန်ခရိုင် လူသောမြို့နယ်အတွင်းရှိ စစ်ကောင်စီတပ်များကို နှစ်ကြိမ် တိုက်ခိုက်ခဲ့ရာ စစ်ကောင်စီတပ်မှ တစ်ဦးသေဆုံးခဲ့သည်ဟု ဆိုသည်။

သတင်း

စက်တင်ဘာ ၂၃ရက် ညပိုင်းတွင် စစ်ကောင်စီတပ်က တိုက်လေယာဉ် ၃စီးဖြင့် နာရီဝက်ကြာ ဗုံးကြဲတိုက်ခိုက်လာရာ မောင်တောမြို့နယ် လက်ပံတောင်ကြောပေါ်ရှိ အကျဉ်းထောင် ၂ခုအားထိမှန် ကာ အကျဉ်းထောင်ရှိ စစ်ကောင်စီတပ်သား၊ နယ်ခြားစောင့်တပ်ဖွဲဝင်နှင့်အခြားသောအကျဉ်း သားအချို့ သေဆုံး၊ ဒဏ်ရာရရှိမှုများ ရှိခဲ့ကြောင်း ထုတ်ပြန်သည်။

သတင်း

ထို့အပြင် လက်နက်ကြီးကျည်ကျ၍ သေ့ဘော့ဘိုးကျေးရွာ ဘုန်းကြီးကျောင်းအား ထိမှန်ပျက်စီးမှုများရှိခဲ့ပြီး ဘလက်တို ကျေးရွာရှိ ဒေသခံ ပြည်သူများ၏ နေအိမ်များ ၊ အဆောက်အဦးများ ပျက်စီးခဲ့ရကြောင်း အသိပေးထုတ်ပြန်ထား သည်။

သတင်း

ထို့ကြောင့် မတူပီ CDFနှင့် စစ်ကောင်စီတပ် တိုက်ပွဲ သုံးကြိမ်အတွင်း CDFက ရဲဘော် တစ်ဦးကျဆုံး တစ်ဦး ဒဏ်ရာရခဲ့ပြီး စစ်ကောင်စီတပ်က ၁၁ဦး သေဆုံးကာ ဒဏ်ရာရသူ ၁၄ဦးထက်မနည်းရှိခဲ့သည်။