Connect with us

Hi, what are you looking for?

LuduNwayOo

နိုင်ငံတကာ

ကမ္ဘာ့ဖလား ကာလမှာ တစ်ကမ္ဘာလုံး အပစ်အခတ် ရပ်ထားစေချင်တယ်လို့ ဖီဖာဥက္ကဋ္ဌပြော

G20 ညီလာခံမှာ ကမ္ဘာ့ထိပ်တန်း စီးပွားရေး အင်အားစု နိုင်ငံခေါင်းဆောင်တွေနဲ့ နေ့လယ်စာ သုံးဆောင်ချိန်မှာ ဖီဖာ ဥက္ကဋ္ဌ ဂီယန်နီ အင်ဖန်တီနိုက အခုလို ပြောကြားသွားခဲ့တာပါ။

G20 ညီလာခံမှာ ကမ္ဘာ့ထိပ်တန်း စီးပွားရေး အင်အားစု နိုင်ငံခေါင်းဆောင်တွေနဲ့ နေ့လယ်စာ သုံးဆောင်ချိန်မှာ ဖီဖာ ဥက္ကဋ္ဌ ဂီယန်နီ အင်ဖန်တီနိုက အခုလို ပြောကြားသွားခဲ့တာပါ။
G20 ညီလာခံမှာ ကမ္ဘာ့ထိပ်တန်း စီးပွားရေး အင်အားစု နိုင်ငံခေါင်းဆောင်တွေနဲ့ နေ့လယ်စာ သုံးဆောင်ချိန်မှာ ဖီဖာ ဥက္ကဋ္ဌ ဂီယန်နီ အင်ဖန်တီနိုက အခုလို ပြောကြားသွားခဲ့တာပါ။

ကမ္ဘာ့ဖလား ဘောလုံးပြိုင်ပွဲကြီး ကျင်းပနေချိန် တစ်လလောက်ကို တစ်ကမ္ဘာလုံးမှာ အပစ်အခတ် ရပ်စဲထားကြစေလိုကြောင်း ကမ္ဘာ့ဘောလုံးအဖွဲ့ချုပ် (ဖီဖာ)ရဲ့ အကြီးအကဲက တိုက်တွန်း တောင်းဆိုလိုက်ပါတယ်။

G20 ညီလာခံမှာ ကမ္ဘာ့ထိပ်တန်း စီးပွားရေး အင်အားစု နိုင်ငံခေါင်းဆောင်တွေနဲ့ နေ့လယ်စာ သုံးဆောင်ချိန်မှာ ဖီဖာ ဥက္ကဋ္ဌ ဂီယန်နီ အင်ဖန်တီနိုက အခုလို ပြောကြားသွားခဲ့တာပါ။ ကမ္ဘာတလွှားက ပဋိပက္ခတွေ အားလုံးနဲ့ ဆက်နွှယ် ပတ်သက်နေသူတွေဟာ ဆွေးနွေး အဖြေရှာမှုတွေအတွက် တွန်းအား တစ်ရပ်အဖြစ် ကမ္ဘာ့ဖလား ဘောလုံးပြိုင်ပွဲကြီးကို ရှုမြင်ကြစေလိုကြောင်း အင်ဖန်တီနိုက ဆိုပါတယ်။

အင်ဒိုနီးရှားနိုင်ငံ၊ ဘာလီကျွန်းကို ရောက်ရှိနေချိန်မှာ အင်ဖန်တီနိုက ဖြစ်နိုင်မယ်ဆိုရင် အားလုံးဟာ ကမ္ဘာ့ဖလားကာလ တစ်လတာလောက်ပဲဖြစ်ဖြစ် အနည်းဆုံးတော့ အပစ်အခတ် ရပ်စဲထားစေလိုကြောင်း၊ အဲဒီ ကာလတွေအတွင်း လူသားချင်း စာနာမှုဆိုင်ရာ အထောက်အပံ့တွေ ပေးပို့တာ အပါအဝင် ငြိမ်းချမ်းရေး ဆွေးနွေးမှုတွေအတွက် ပထမဆုံး ခြေလှမ်းဖြစ်လာမယ့် ကိစ္စတွေကို ဆောင်ရွက်ကြစေလိုကြောင်း ပြောကြားခဲ့ပါတယ်။

G20 ညီလာခံကို ရောက်ရှိလာတဲ့ နိုင်ငံခေါင်းဆောင် အသီးသီးဟာ ကမ္ဘာ့ခေါင်းဆောင်တွေလို့လည်း ဆိုနိုင်ကြောင်း၊ အားလုံးက လူ့သမိုင်းကြောင်းအပေါ် လွှမ်းမိုးသက်ရောက်နိုင်တဲ့ အစွမ်းအစ အသီးသီး ရှိကြကြောင်း၊ ဘောလုံး အားကစားနဲ့ ကမ္ဘာ့ဖလားက လူသားတွေရဲ့ စည်းလုံးမှုနဲ့ ငြိမ်းချမ်းရေးကို ဖော်ဆောင်ဖို့ အခွင့်အရေးတစ်ခု ဖန်တီးပေးနေပြီး ဒါကို အမိအရ ဆုပ်ကိုင်ကြစေလိုကြောင်း အင်ဖန်တီနိုက ဆိုပါတယ်။

ကမ္ဘာ့ဖလား ဘောလုံးပြိုင်ပွဲကို နိုဝင်ဘာ ၂၀ ကနေ ဒီဇင်ဘာ ၁၈ ရက်ထိ ကာတာနိုင်ငံမှာ ကျင်းပသွားမှာပါ။ ရုရှားဟာ ပြီးခဲ့တဲ့နှစ် ပြိုင်ပွဲမှာ ကွာတားဖိုင်နယ်ထိ တက်ရောက်ခဲ့ပေမယ့် ယူကရိန်း ကျူးကျော်စစ်ကြောင့် အခုနှစ် ပြိုင်ပွဲမှာ ပါဝင် ယှဉ်ပြိုင်ခွင့် တားမြစ် ခံခဲ့ရပါတယ်။ ယူကရိန်းကတော့ ကမ္ဘာ့ဖလားရဲ့ နောက်ဆုံးအဆင့် ခြေစစ်ပွဲစဉ်တွေမှာ ဝေးလ်စ်ကို အရေးနိမ့်ပြီး ပြိုင်ပွဲနဲ့ လွဲချော်ခဲ့ပါတယ်။

You May Also Like

နိုင်ငံတကာ

အဲဒီပွဲစဉ်မှာတော့ နာမည်ကြီး ဂျာမနီဟာ ဂျပန်ကို ၂-၁ နဲ့ အရေးနိမ့်ခဲ့ပြီး အုပ်စုအဆင့်က လွတ်မြောက်ရေးအတွက် ရုန်းကန်ရမယ့် အခြေအနေတွေ ကြုံလာခဲ့ပါတယ်။

နိုင်ငံတကာ

တကယ်လို့ OneLove လက်ပတ်တွေ ဝတ်ဆင်ခဲ့မယ်ဆိုရင် အဝါကတ်ပြ သတိပေး အရေးယူမှုတွေ ရှိလာမယ်လို့ ဖီဖာက အကြောင်းကြားခဲ့တဲ့နောက် အသင်းခေါင်းဆောင်တွေက အစီအစဉ်ကို ဖျက်သိမ်းခဲ့ရကြောင်း အဲဒီ ကြေညာချက်မှာ ဖော်ပြထားပါတယ်။

နိုင်ငံတကာ

ပြိုင်ပွဲမတိုင်ခင် ကာတာကို ရောက်ရှိနေတဲ့ ပရိသတ် တချို့ကတော့ အရက်စျေးတွေကလည်း မတရားကြီးတယ်လို့ ညည်းညူနေပါတယ်။ အရက်သွားသောက်ရင် ဒေါ်လာ ၂၀၀ နဲ့ ၃၀၀ ကြားလောက်ထိ ကျသင့်မယ့် အခြေအနေကြောင့် ဝေဖန်သံတွေလည်း အတော်လေး ဆူညံနေပါတယ်။

ဆောင်းပါး

၂၂ ကြိမ်မြောက် ကမ္ဘာ့ဖလား ဘောလုံးပြိုင်ပွဲကြီးကို ကာတာနိုင်ငံမှာ နိုဝင်ဘာ ၂၀ ကနေ ဒီဇင်ဘာ ၁၈ ရက်ထိ တစ်လကြာ ကျင်းပသွားမှာ ဖြစ်ပါတယ်။