Connect with us

Hi, what are you looking for?

LuduNwayOo

နိုင်ငံတကာ

ဟွန်ဆန်းရဲ့ မွေးနေ့ကို သက်ဆင်နဲ့ ယင်လက်ခ်တို့မောင်နှမတွေ တက်ရောက်

မူလက သက်ဆင်ဟာ ထိုင်းကို ဩဂုတ် ၁၀ ရက်မှာ ပြန်လာဖို့ စီစဉ်ထားခဲ့ပေမယ့် ပြီးခဲ့တဲ့ သီတင်းပတ်ကုန်မှာတော့ ကျန်းမာရေး စစ်ဆေးစရာတွေ ကျန်သေးတယ်လို့ အကြောင်းပြပြီး အဲဒီကိစ္စကို သက်ဆင်က အနည်းဆုံး သီတင်းနှစ်ပတ်လောက် ရွှေ့ဆိုင်းထားမယ်လို့ ပြောင်းလဲ ကြေညာခဲ့ပါတယ်။

ဟွန်ဆန်းရဲ့ မွေးနေ့ကို သက်ဆင်နဲ့ ယင်လက်ခ်တို့မောင်နှမတွေ တက်ရောက်
ဟွန်ဆန်းရဲ့ မွေးနေ့ကို သက်ဆင်နဲ့ ယင်လက်ခ်တို့မောင်နှမတွေ တက်ရောက်

ပြည်ပကို တိမ်းရှောင်နေတဲ့ ထိုင်းဝန်ကြီးချုပ်ဟောင်း မောင်နှမဖြစ်တဲ့ သက်ဆင် ရှီနာဝပ်ထရာနဲ့ ယင်လက်ခ် ရှီနာဝပ်ထရာတို့ နှစ်ဦးဟာ ကမ္ဘောဒီးယား ဝန်ကြီးချုပ် ဟွန်ဆန်းရဲ့ မွေးနေ့ကို တက်ရောက်ခဲ့ကြောင်း သိရပါတယ်။

ဩဂုတ် ၅ ရက်က ထိုင်းဝန်ကြီးချုပ်ဟောင်း နှစ်ဦးဟာ ကမ္ဘောဒီးယားနိုင်ငံ၊ တာခမောင်းမြို့ဆီ ရောက်ရှိပြီး ဟွန်ဆန်းရဲ့ မွေးနေ့ကို တက်ရောက် ချီးမြှင့်ခဲ့တယ်လို့ ဖနွမ်ပင်ပို့စ် သတင်းဌာနက ဖော်ပြသွားပါတယ်။ ဟွန်ဆန်းဟာ အသက် ၇၁ နှစ်ပြည့် မွေးနေ့ကို တာခမောင်းမှာ ကျင်းပခဲ့တာ ဖြစ်ပါတယ်။

အရှေ့တောင်အာရှ ဒေသတွင်းမှာ သက်တမ်းအရှည်ဆုံး နိုင်ငံခေါင်းဆောင်အဖြစ် ရပ်တည်ခဲ့တဲ့နောက် ဟွန်ဆန်းဟာ ဩဂုတ် ၁၀ ရက်မှာ ဝန်ကြီးချုပ် ရာထူးကို သားဖြစ်သူ ဟွန်မာနတ်ဆီ လွှဲအပ်ပေးတော့မယ်လို့ အတည်ပြု ထုတ်ပြန်ထားပါတယ်။

သက်ဆင်နဲ့ ယင်လက်ခ်တို့ဟာ ကမ္ဘောဒီးယား နိုင်ငံမှာ တစ်ညတာ နေထိုင်ခဲ့ကြတယ်လို့လည်း ဒေသခံ မီဒီယာတွေက ဆိုပါတယ်။ သူတို့ မောင်နှမဟာ ထိုင်းနိုင်ငံရဲ့ ဝန်ကြီးချုပ်တွေ ဖြစ်ခဲ့ဖူးပေမယ့် တူညီတဲ့ ကံကြမ္မာကြောင့် ပြည်ပကို တိမ်းရှောင်နေရတာပါ။ သက်ဆင်ဟာ ၂၀၀၆ ခုနှစ်မှာ ထိုင်းစစ်တပ် အာဏာသိမ်းတာ ခံခဲ့ရပြီး ယင်လက်ခ်ကတော့ ၂၀၁၄ မှာ အာဏာသိမ်း ခံခဲ့ရတာ ဖြစ်ပါတယ်။

Public Service Announcement

Public Service Announcement

လောလောဆယ် ထိုင်းနိုင်ငံမှာ သက်ဆင် ချုပ်ကိုင်ထားရာ နိုင်ငံရေး ပါတီဖြစ်တဲ့ ဖျူထိုင်းပါတီ (PTP)က အစိုးရသစ် ဖွဲ့စည်းဖို့ ကြိုးစားနေပြီး အဲဒီနောက်ပိုင်းမှာတော့ အသက် ၇၄ နှစ်အရွယ် သက်ဆင်ဟာ ထိုင်းကို ပြန်လာနိုင်ဖို့ စီစဉ်နေပါတယ်။ သူဟာ ၂၀၀၈ ကစလို့ ပြည်ပမှာ တိမ်းရှောင်နေပြီး မျက်ကွယ်မှာ ချမှတ် ခံထားရတဲ့ ပြစ်ဒဏ် စီရင်ချက်တွေကြောင့် ထိုင်းကို ပြန်ရောက်ရင် အဖမ်းခံရမယ့် အခြေအနေ ရှိနေပါတယ်။

မူလက သက်ဆင်ဟာ ထိုင်းကို ဩဂုတ် ၁၀ ရက်မှာ ပြန်လာဖို့ စီစဉ်ထားခဲ့ပေမယ့် ပြီးခဲ့တဲ့ သီတင်းပတ်ကုန်မှာတော့ ကျန်းမာရေး စစ်ဆေးစရာတွေ ကျန်သေးတယ်လို့ အကြောင်းပြပြီး အဲဒီကိစ္စကို သက်ဆင်က အနည်းဆုံး သီတင်းနှစ်ပတ်လောက် ရွှေ့ဆိုင်းထားမယ်လို့ ပြောင်းလဲ ကြေညာခဲ့ပါတယ်။

ဆက်စပ်သတင်းများ

သတင်း

မြန်မာ့အရေး ကူညီဖြေရှင်းဖို့ ထိုင်းက ပါဝင်ပတ်သက်တဲ့ တွေ့ဆုံဆွေးနွေးမှုတိုင်းကို လျှို့ဝှက်ပြီး ထိန်းသိမ်းထားပေးမယ်လို့လည်း ဆရက်သာက ဆက်လက် ပြောကြားသွားပါတယ်။

သတင်း

အထက်ပါအလွတ်သဘောတွေ့ဆုံမှုများကို ထိုင်းနိုင်ငံတဖက်ကမ်း အရေးပါသည့်နယ်စပ်ကုန်သွယ်ရေးမြို့ဖြစ်သော မြဝတီမြို့ကို တော်လှန်ရေးပူးပေါင်းတပ်များက တိုက်ခိုက်ထိန်းချုပ်ခဲ့ပြီးနောက် ပြုလုပ်ခဲ့ခြင်းဖြစ်သည်။

နိုင်ငံတကာ

ကွန်ဆာဗေးတစ်တွေဟာ သက်ဆင်ကို ခါးသီးပေမယ့်လည်း ပိုမို ဆိုးရွားတဲ့ ရန်သူလို့ သတ်မှတ်ထားတဲ့ ပြုပြင်ပြောင်းလဲရေးဝါဒီ ရှေ့သို့ချီပါတီ (MFP)ရဲ့ အင်အားကောင်းလာမှုကြောင့် PTPနဲ့ လက်တွဲဖို့ ဆုံးဖြတ်ခဲ့တာပါ။

နိုင်ငံတကာ

ထောင်ကလွတ်တဲ့ နေ့မှာတော့ ဘီလီယံနာ သူဌေးကြီး သက်ဆင်ကို အနက်ရောင် မာစီဒီးစ်ကား တစ်စီးက လာရောက် ခေါ်ဆောင်သွားပြီး နောက်ထပ် ၂၅ မိနစ် အကြာမှာတော့ ဘန်ကောက်မြို့မှာရှိတဲ့ မိသားစု နေအိမ်ဆီ ရောက်သွားတာကို မြင်ခဲ့ကြောင်း သတင်းထောက်တွေက ဆိုပါတယ်။