Connect with us

Hi, what are you looking for?

LuduNwayOo

နိုင်ငံတကာ

အင်ဒိုနီးရှား မီးတောင် ပေါက်ကွဲမှုကြောင့် လေဆိပ်တွေ ပိတ်ထားရ၊ ချော်ပြာတွေက မလေးရှား ပိုင်နက်ထဲထိ ရောက်ရှိ

အင်ဒိုနီးရှားဟာ ပစိဖိတ် မီးကွင်းလို့ ခေါ်ဆိုတဲ့ ရေအောက် မီးတောင် ရပ်ဝန်းနဲ့ ဆက်စပ်တည်ရှိနေပြီး ကမ္ဘာပေါ်မှာ အသက်ဝင်နေဆဲ မီးတောင် အများဆုံး ပိုင်ဆိုင်ထားတဲ့ နိုင်ငံတစ်ခုလည်း ဖြစ်ပါတယ်။

အင်ဒိုနီးရှား မီးတောင် ပေါက်ကွဲမှုကြောင့် လေဆိပ်တွေ ပိတ်ထားရ၊ ချော်ပြာတွေက မလေးရှား ပိုင်နက်ထဲထိ ရောက်ရှိ
အင်ဒိုနီးရှား မီးတောင် ပေါက်ကွဲမှုကြောင့် လေဆိပ်တွေ ပိတ်ထားရ၊ ချော်ပြာတွေက မလေးရှား ပိုင်နက်ထဲထိ ရောက်ရှိ

အင်ဒိုနီးရှားက မီးတောင်တစ်ခု ပေါက်ကွဲမှုကြောင့် ဒေသတွင်း လေကြောင်း ပို့ဆောင်ရေး ကဏ္ဍမှာ အကြီးအကျယ် အနှောင့်အယှက်တွေ ကြုံနေရုံသာ မကဘဲ ချော်ပြာတွေဟာ အိမ်နီးချင်း မလေးရှား နိုင်ငံအထိ ပျံ့နှံ့ ရောက်ရှိလာနေတယ်လို့ သိရပါတယ်။

လူနေကျဲပါးရာ နေရာတခုမှာ တည်ရှိတဲ့ ရူအန်းမီးတောင်ဟာ ဧပြီ ၃၀ ရက်နေ့မှာ တစ်နေ့တည်း သုံးကြိမ်ဆင့်ပြီး ပေါက်ကွဲခဲ့သလို မီးခိုးလုံးတွေနဲ့ ချော်ပြာတွေကိုပါ အရှိန်နဲ့ မှုတ်ထုတ်ခဲ့ပါတယ်။ ချော်ပြာတွေဟာ ကောင်းကင်အထက် ၅ ကီလိုမီတာ အမြင့်လောက်ထိ ရောက်ရှိပြီး လေထုထဲ ပျံ့နှံ့ မှုန်မိုင်းသွားစေတာကြောင့် ပတ်ဝန်းကျင်မှာရှိတဲ့ လေယာဉ်ကွင်း ၃ ခုရဲ့ လုပ်ငန်း လည်ပတ်မှုတွေကို ပိတ်ထားလိုက်ရပါတယ်။

ဒါ့အပြင် မီးတောင် ပေါက်ကွဲပြီး ချော်တုံးချော်ခဲတွေ၊ မီးတောင် အစိတ်အပိုင်းတွေ ပင်လယ်ထဲ ပြုတ်ကျတဲ့အခါ ဆူနာမီ ရေလှိုင်းတွေ ဖြစ်ပေါ်လာနိုင်တဲ့ ခြိမ်းခြောက်မှုကြောင့် အာဏာပိုင်တွေက အနီးမှာရှိတဲ့ တက်ဂ်လွန်ဒန်နဲ့ ဆိုင်အူကျွန်းတွေမှာ နေထိုင်သူ ၁၂၀၀၀ ကျော်လောက်ကို အရေးပေါ် ရွှေ့ပြောင်းပေးခဲ့ရပါတယ်။

ဒါပေမဲ့ မေလ ၁ ရက်နေ့ မနက်ပိုင်း အထိတော့ မီးတောင်ပေါက်ကွဲမှုနဲ့ ဆက်စပ်တဲ့ ဆူနာမီ ရေလှိုင်းတွေ ဖြစ်ပေါ်လာတာ မရှိခဲ့ပါဘူး။

Public Service Announcement

Public Service Announcement

အင်ဒိုနီးရှား မိုးလေဝသ အေဂျင်စီက မေလ ၁ ရက်နေ့၊ ဂြိုဟ်တုကနေ စောင့်ကြည့်တဲ့ စနစ်တွေအရ မီးတောင် ချော်ပြာတွေဟာ ဘော်နီယို ကျွန်းစုရဲ့ မလေးရှား ပိုင်နက်ထဲထိ ရောက်ရှိခဲ့တာကို တွေ့ရကြောင်း ထုတ်ပြန်ပါတယ်။ အဲဒီကျွန်းစုကို မလေးရှား၊ အင်ဒိုနီးရှားနဲ့ ဘရူနိုင်း နိုင်ငံတို့က မျှဝေ ထိန်းချုပ်ထားပါတယ်။

မီးတောင် ချော်ပြာတွေကြောင့် ဒေသတွင်းက မြို့ကြီးတွေဖြစ်တဲ့ မာနာဒို၊ ဂိုရွန်တာလိုတို့က အဓိက လေဆိပ်တွေကိုပါ ပိတ်ထားရတယ်လို့ ဆိုပါတယ်။ မေလ ၁ ရက်နေ့ မနက်ပိုင်းထိ အခြေအနေအရ မီးတောင်ပေါက်ကွဲမှု သတိပေးချက်ကို အမြင့်ဆုံးအဆင့်မှာ ဆက်လက် ကြေညာထားဆဲလို့လည်း သိရပါတယ်။ ဆူနာမီ သတိပေးချက်ကလည်း မီးတောင် ပေါက်ကွဲနေတဲ့ အတောအတွင်း ဆက်လက် ထုတ်ပြန်ထားဖွယ် ရှိပါတယ်။

၂၀၁၈ ခုနှစ်တုန်းက ဂျာဗားနဲ့ ဆူမာတြား ကျွန်းတွေကြားက အန်နက်ခ် ခရာကာတိုအာ မီးတောင် ပေါက်ကွဲတဲ့အချိန် ကြီးမားတဲ့ အစိတ်အပိုင်းတွေ ပင်လယ်ထဲ ပြုတ်ကျခဲ့ရာက ဆူနာမီ ရေလှိုင်းတွေ ဖြစ်ပေါ်ပြီး လူပေါင်း ၄၀၀ လောက် သေဆုံးခဲ့ဖူးပါတယ်။

အင်ဒိုနီးရှားဟာ ပစိဖိတ် မီးကွင်းလို့ ခေါ်ဆိုတဲ့ ရေအောက် မီးတောင် ရပ်ဝန်းနဲ့ ဆက်စပ်တည်ရှိနေပြီး ကမ္ဘာပေါ်မှာ အသက်ဝင်နေဆဲ မီးတောင် အများဆုံး ပိုင်ဆိုင်ထားတဲ့ နိုင်ငံတစ်ခုလည်း ဖြစ်ပါတယ်။

ကိုးကား: CNA⁩

ဆက်စပ်သတင်းများ

သတင်း

အရိပ်တပ်သားများ အားလုံးသည် ပြည်သူတိုင်း လုံခြုံရေး၊ လွတ်လပ်စွာ နေထိုင်နိုင်ရေးနှင့် မတရားဖိနှိပ်ချုပ်ချယ်မှုများမှ လွတ်မြောက်ရေးအတွက် တော်လှန်ရေးအောင်မြင်သည်အထိ စစ်ကောင်စီကို ဆက် လက် ချေမှုန်းတိုက်ပွဲဝင်သွားမည်ဟု ထပ် လောင်း အသိပေးထားသည်။

သတင်း

ယနေ့မွန်းလွဲ ၂ နာရီ ၄၀ ခန့်က အုတ်ဖိုမြို့၊ မိုးညိုတန်းရပ်ကွက်၊ ချမ်းမြသာမြေ(၂)လမ်းရှိ စစ်ကောင်စီ စရဖရုံးအတွင်းမှ ပေါက်ကွဲမှုဖြစ်ပွားကာ ယင်းပေါက်ကွဲမှုမှတဆင့် မီးလောင်မှုဖြစ်ပွါးခဲ့ခြင်းဖြစ်ကြောင်း ဒေသခံများက ပြောသည်။

နိုင်ငံတကာ

ဂန်ဂျာရဲ့ အဖွဲ့ကတော့ ရွေးကောက်ပွဲမှာ စနစ်တကျ ကျူးလွန်တဲ့ မဲမသမာမှုတွေ ရှိခဲ့ကြောင်း စွပ်စွဲချက်တွေနဲ့ ပတ်သက်ပြီး စုံစမ်း စစ်ဆေးသွားမယ်လို့ ဆိုပါတယ်။

နိုင်ငံတကာ

ဆူဘီယန်တိုကတော့ အဲဒီ တိုက်လေယာဉ်တွေဟာ နောက်ထပ် ၁၅ နှစ်လောက် စစ်မှုထမ်းနိုင်ဆဲဖြစ်ပြီး အသစ်မှာယူမယ့် မျိုးဆက်သစ် တိုက်လေယာဉ်တွေ ရောက်ရှိမလာခင် ကြားကာလမှာ နိုင်ငံရဲ့ အချုပ်အခြာ လေပိုင်နက်ကို အကောင်းဆုံး ကာကွယ် စောင့်ရှောက်နိုင်မယ်လို့ တုံ့ပြန်ခဲ့ဖူးပါတယ်။