အမေရိကန်က အမျိုးသား နှစ်ဦးဟာ ဒေါ်လာ ၂ သန်း ထီဆုကို ၂ ကြိမ် ပေါက်ခဲ့ကြောင်း သိရပါတယ်။
မေရီလန်းမှာ နေထိုင်တဲ့ အငြိမ်းစား ဝန်ထမ်း တစ်ဦးဟာ နေအိမ်နားမှာရှိတဲ့ Exxon ထီဆိုင်ကနေ ထီလက်မှတ် နှစ်စောင်ကို ဝယ်ယူခဲ့ပါတယ်။ ထီဖွင့်တဲ့ အခါမှာတော့ ပထမ တစ်စောင်ကနေ ဒေါ်လာ ၁၀၀ ထီပေါက်ခဲ့ပါတယ်။ ဒါပေမဲ့ ဒုတိယ ထီလက်မှတ်ကို နံပါတ်တိုက်ကြည့်တဲ့ အခါမှာတော့ သူအရမ်း အံ့ဩသွားပါတယ်။ ဘာကြောင့်လဲဆိုတော့ ဒေါ်လာ ၂ သန်းတန် ပေါက်မဲနံပါတ် ဖြစ်နေလို့ပါပဲ။
မီဒီယာတွေက နာမည်ဖော်မပြတဲ့ အဲဒီ အမျိုးသားဟာ ဒီလို ပျော်ရွှင်မှုမျိုးကို လွန်ခဲ့တဲ့ နှစ်အနည်းငယ်လောက်ကလည်း ခံစား ရရှိဖူးပါတယ်။ သူဟာ အမေရိကန်မှာ ကပ်ရောဂါ ကူးစက်မှုတွေ ဆိုးရွားနေချိန်က ဒုတိယအကြိမ် ထီပေါက်တာ ဖြစ်ပြီး ထီလက်မှတ်ကို ဆုငွေ သွားမထုတ်ဘဲ သိမ်းထားခဲ့ပါတယ်။ နောက်တော့ ဆုငွေ ထုတ်ရမယ့်ရက် ကုန်ခါနီးမှ ရောဂါ ကူးစက်မှုတွေလည်း လျော့ပါးသွားတဲ့အတွက် ငွေသွားထုတ်ခဲ့တာ ဖြစ်ပါတယ်။ ဆုငွေ ထုတ်ရမယ့် နောက်ဆုံးရက်က နိုဝင်ဘာ ၁ ရက်မှာပါ။
ထီလက်မှတ်ကို သေချာ သိမ်းထားပေမယ့် စိတ်ပူနေခဲ့မိကြောင်း၊ မတော်တဆ အိမ်မီးလောင်သွားတာမျိုးတွေ ဖြစ်လို့ ထီလက်မှတ်ပါ ပါသွားမှာကို စိုးရိမ်နေမိကြောင်း အဲဒီ အမျိုးသားက ပြောပါတယ်။
Public Service Announcement
သူဟာ ပထမအကြိမ် ဒေါ်လာ ၂ သန်းထီ ပေါက်တုန်းကတော့ အငြိမ်းစား ယူပြီးရင် မိသားစုနဲ့အတူ အပန်းဖြေ ခရီးထွက်တဲ့အခါ ဒီပိုက်ဆံတွေကို သုံးစွဲမယ်လို့ ပြောခဲ့ဖူးပါတယ်။ ဒါပေမဲ့ သူအငြိမ်းစား ယူပြီးချိန်မှာ ကိုဗစ်ဂယက်ကြောင့် ခရီးသေချာ မထွက်ဖြစ်သေးဘဲ နောက်တစ်ကြိမ် ဒေါ်လာ ၂ သန်းထီ ထပ်ပေါက်ခဲ့တာပါ။
သူ့အနေနဲ့ ဘာကြောင့် ဒီလောက် ကံကောင်းရသလဲ ဆိုတာကိုတော့ မပြောတတ်ဘူးလို့ အဲဒီ အမျိုးသားက ပြောပါတယ်။ ဒါပေမဲ့ ထီထိုးတဲ့အခါ အပျော်သဘောလောက်ပဲ သတ်မှတ်ပြီး ပေါက်တာ၊ မပေါက်တာတွေ သိပ်အလေးမထားရင် ပိုကောင်းတယ်လို့တော့ အကြံပြုသွားခဲ့ပါတယ်။
