ဟန်နွေ/People’s Spring
ကချင်ပြည်နယ်၊ ဗန်းမော်မြို့တွင်ဖေဖော်ဝါရီ ၃ ရက်နေ့၌ တိုက်ပွဲဆက်လက်ပြင်းထန်ခဲ့ကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောသည်။
ဖေဖော်ဝါရီ ၃ ရက်နေ့က ဗန်းမော် အမှတ်(၂၁) စစ်ဆင်ရေးကွပ်ကဲမှုဌာနချုပ်(စကခ-၂၁)အနီးရှိ အမြောက်တပ်(၃၆၆) တပ်ရင်း အား KIA ပူးပေါင်းတပ်က သိမ်းပိုက်ရရှိမှု အခြေအနေ မေးမြန်းခဲ့ရာ ဗိုလ်မှူးကြီးနော်ဘူက အမြောက်တပ် သိမ်းရကြောင်း အတည်ပြုသည်။ ဖေဖော်ဝါရီ ၃ ရက်နေ့တွင်လည်း တိုက်ပွဲ ဆက်လက်ဖြစ်ပွားနေကြောင်း အသိပေးသည်။
“ဗန်းမော်ဘက်က အမတ (၃၆၆) အမြောက်တပ်ကိုတော့ မနေ့က ညနေပိုင်း ၄နာရီ မိနစ် ၄၀အချိန်မှာ သိမ်းတာရှိပါတယ်။ဒါပေမဲ့ အဲဒီဘက်မှာ ဒီနေ့ကတော့ ပိုပြီးမှ တိုက်ပွဲက ဆက်ဖြစ်ပါတယ်။ စကခ (၂၁) ဘက်ကနေမြေပြင်ထိုးစစ်ဆင်မှုရှိပါတယ်။ ဒါကြောင့် အဲဒီအမတ(၃၆၆)နေရာ ပတ်
Public Service Announcement
ဝန်းကျင်နဲ့ ခလရ(၂၃၆) ပတ်ဝန်းကျင်မှာ ဒီနေ့ တိုက်ပွဲပြင်းထန်ပါတယ်။ လေကြောင်းကလည်း အဆက်မပြတ် ဗုံးကြဲတဲ့ တိုက်ပွဲတွေရှိပါတယ်။” ဟုဗိုလ်မှူးကြီးနော်ဘူက ပြောသည်။
ကချင်စစ်ရေး လေ့လာသူ ဦးဇော်ဆန်ကလည်း ဗန်းမော်တိုက်ပွဲ ဆက်လက်ပြင်းထန်နေပြီး စစ်ကောင်စီက ဒရုန်းများ အသုံးပြုခုခံလျက်ရှိကြောင်း ပြောသည်။
“မြေပြင်မှာလည်း စစ်ကောင်စီကတော့ စကခ(၂၁)နဲ့ ခလရ(၄၇) အဲဒီ သူတို့ တပ်တွင်းကနေဒရုန်းတွေ တောက်လျှောက်လွှတ်ပြီးမှ ဒရုန်းစစ်ဆင်ရေး တောက်လျှောက်လုပ်နေတော့ ဒီဘက်က တော်လှန်ရေးတပ်ဖွဲ့တွေလည်း မဟာဗျူဟာ၊ဗျူဟာသစ်တွေနဲ့ ထပ်ပြီးတော့ ထိုးစစ်ဆင်နေတယ်လို့ သတင်းရရှိထားပါတယ်။ “ ဟု ဦးဇော်ဆန်က ပြောသည်။
KIA ဦးတောင်သည့်ပူးပေါင်းတပ်သည် ဗန်းမော်ကိုကို ဒီဇင်ဘာ ၄ရက်မှစ၍ မြို့သိမ်းစစ်ဆင်ရေး ဆင်နွှဲခဲ့ရာ တိုက်ပွဲ ၂လ ကြာမြင့်နေပြီဖြစ်သည်။ ဗန်းမော်မြို့ ဧရိယာအများစုကို ရှင်းလင်းထားနိုင်သကဲ့သို့ သံချပ်ကာတပ်ရင်း၊ စရဖတပ်၊အ
မြောက်တပ်၊လေယာဉ်ကွင်း ၊ လျှပ်စစ် နှင့် စက်မှု အင်ဂျင်နီယာတပ် စသည်တို့ကို သိမ်းပိုက်ထားသည်။
