ထိုင်းမီးဖြတ်​​​သော်လည်း မီးစက်များဖြင့် မီးလင်းနေ​သော KK Park

People’s Spring

ထိုင်းအစိုးရက မြဝတီမြို့နယ်သို့ ပေးပို့နေသည့် လျှပ်စစ်မီးဖြတ်တောက်လိုက်သော်လည်း အင်းကြင်းမြိုင်ဒေသရှိ KK Parkတွင် မီးစက်များထွန်း၍ မီးထွန်းအသုံးပြုနေသည်ကို ယနေ့(​ဖေ​ဖော်ဝါရီ ၅ရက်) ညဦးပိုင်း၌ မြင်တွေ့ရသည်။

ယနေ့နံနက် ၈နာရီခွဲကစ၍ ထိုင်းအစိုးရက မြဝတီမြို့၌ နှစ်နေရာ၊ မွန်ပြည်နယ်၌ တစ်နေရာနှင့် ရှမ်းပြည်နယ်အရှေ့ပိုင်း တာချီလိတ်မြို့၌ နေရာနှစ်ခုတို့ဆီ ပို့ပေးနေသည့် လျှပ်စစ်မီးပေးပို့မှုဖြတ်တောက်ခဲ့ခြင်း ဖြစ်သည်။

မြန်မာဘက်ခြမ်းမှ ကျားဖြန့်လုပ်ငန်းများကို ထိန်းချုပ်ရန်အတွက် နိုင်ငံတော်လုံခြုံရေးကောင်စီ၏ အရေးပေါ်အစည်းအဝေးကို ထိုင်းအစိုးရက ယမန်နေ့က လျှပ်စစ်မီးအပြင် အင်တာနက်လိုင်းနှင့် စက်သုံးဆီပေးပို့ခြင်းများအား ဖြတ်တောက်မည်ဟု ဆုံးဖြတ်ခဲ့သည်။

Public Service Announcement

ထိုင်းနိုင်ငံက မြဝတီဒေသသို့ ပေးပို့နေသည့် လျှပ်စစ်မီးဖြတ်တောက်လိုက်သဖြင့် မြို့ရှိ ပြည်သူ့ဆေးရုံနှင့် အောက်ဆီဂျင်စက်ရုံလည်ပတ်မှုရပ်ဆိုင်းပြီး လုပ်ငန်းလည်ပတ်မှု စတင်ထိခိုက်နေသည်ဟု အဆိုပါမြို့ဒေသခံများက လူထုနွေဦးသို့ ပြောသည်။

လျှပ်စစ်မီး စတင်ဖြတ်တောက်လိုက်ပြီးနောက် မြဝတီမြို့ဒေသခံများသည် စက်သုံးဆီကြိုတင်ဝယ်ယူစုဆောင်းများ လုပ်ဆောင်နေကြသည်။