နိုင်ပကောင်း/People’s Spring
ကျားဖြန့် လူမှောင်ခိုလုပ်ငန်း ပပျောက်ဖို့ နှိမ်နင်းရေးဆိုပြီး စစ်တပ်လက်အောက်ခံ ကရင့်နယ်ခြားစောင့်တပ် (BGF) က အထူးအဖွဲ့ကို ဖေဖော်ဝါရီ ၁၂ ရက် ရက်စွဲ နဲ့ဖွဲ့စည်းလိုက်ပါတယ်။
အဲဒီအဖွဲ့ကို ဖွဲ့စည်းရာမှာ လူကုန်ကူးခံရသူတွေ ကို ပြန်လည်ပို့ဆောင်ပေးဖို့စီမံမယ့်အဖွဲ့ နဲ့ လက်အောက်ခံ အဖွဲ့ငယ် ၃ ဖွဲ့ကို BGF တပ်အရာရှိတွေအပါအဝင် လူ ၂၇ ဦး နဲ့ ဖွဲ့စည်းလိုက်တာပါ။
အဖွဲ့ရဲ့ ခေါင်းဆောင်အဖြစ်တော့ BGF တပ်ရင်း အမှတ်(၁၀၁၇) တပ်ရင်းမှုး ဗိုလ်မှူးကြီး စောဒိဒိက ဦးဆောင်မှာပါ။
Public Service Announcement
ဒုတိယအဖွဲ့ခေါင်းဆောင်အဖြစ် ဒုဗိုလ်မှုး ကြီး စောကျောဖေါ၊ အဖွဲ့ဝင်အဖြစ် BGF ရဲ့ သတင်းပြန်ကြားရေး တာဝန်ခံ ဒုဗိုလ်မှုးကြီး နိုင်မောင်ဇော် တို့အပြင်BGF ခေါင်းဆောင် ဗိုလ်မှုးချုပ် စောချစ်သူ သားငယ် ဒုဗိုလ်မှုးကြီးစောချစ်ချစ်လည်း ပါဝင်တာတွေ့ရပါတယ်။
မြ၀တီမြို့နယ်အတွင်းက ကျားဖြန့် လူမှောင်ခိုလူကုန်ကူးမှုတွေကို နှိမ်နင်းသွားမယ်လို့ BGF က ပြောကြားထားပါတယ်။
ထိုင်း – မြန်မာ နယ်စပ် မြန်မာဘက်ခြမ်း ကရင်ပြည်နယ် မြဝတီမြို့နယ်ထဲက ရွှေကုက္ကိုလ်မြို့သစ်မှာ BGF က ကျားဖြန့်လုပ်ငန်းတွေကို လုပ်ကိုင်ခွင့်ပေးထားတယ်လို့ နာမည်ဆိုးနဲ့ကျော်ကြားနေပါတယ်။
ပြီးခဲ့တဲ့ ဇန်နဝါရီလအတွင်း BGF ထိန်းချုပ်နယ်မြေထဲမှာတရုတ်မင်းသားနဲ့ တရုတ်နိုင်ငံသားအချို့ လူကုန်ကူးခံရပြီးနောက် တရုတ် အစိုးရက ကျားဖြန့်လုပ်ငန်းတွေကိုနှိမ်နင်းဖို့ ထိုင်းကိုရော မြန်မာကိုပါ ဖိအားပေးခဲ့တာပါ။
အဲဒီနောက် ထိုင်းအစိုးရဟာ မြဝတီမြို့အပါအဝင်မြန်မာဘက်ဆီ မီးပေးတဲ့နေရာ ငါးခုကို မီးဖြတ်လိုက်သလို ကျားဖြန့်နဲ့ပတ်သက်ပြီး စောချစ်သူနဲ့ BGF ခေါင်းဆောင်တွေကို ဖမ်းဝရမ်းထုတ်ဖို့ ထိုင်းအထူးစုံစမ်းရေး ဌာန (DSI)က လုံးပမ်းနေပါတယ်။
ပြီးခဲ့တဲ့ ဖေဖော်ဝါရီလ ၆ ရက်ကတော့ BGF ဟာ လူကုန်ကူးခံရသူ ၆၀ ကျော်ကို ထိုင်းဘက်ဆီ ပြန်လည်လွှဲပြောင်းထားပါတယ်။
