မြန်မာနိုင်ငံကို ဘဏ္ဍာရေးဆိုင်ရာ အမည်ပျက်နိုင်ငံ (Black Lists )အဖြစ် ဆက်လက်ထားရှိရန် နိုင်ငံတကာငွေကြေးခဝါချမှု စောင့်ကြည့်အရေးယူရေးအဖွဲ့ (FATF)ကကြေညာချက်ထုတ်ပြန်သည်။
ပြင်သစ်နိုင်ငံပါရီမြို့တွင်ဖေဖော်ဝါရီ ၁၇ ရက်မှ ၂၁ ရက်အထိ ကျင်းပသည့် FATF ၏ အစည်းအဝေး၌ ဆုံးဖြတ်ခဲ့ခြင်းဟု သိရသည်။ လက်ရှိတွင် အမည်ပျက်စာရင်း၌ မြန်မာ၊မြောက်ကိုးရီးယား၊ အီရန်နိုင်ငံတို့ကိုသာ အမည်ပျက်စာရင်းသတ်မှတ်ထားခြင်းဖြစ်သည်။
“မြန်မာနိုင်ငံတွင် ငွေကြေးခဝါချမှု၊ အကြမ်းဖက်ငွေကြေးထောက်ပံ့မှု တိုးပွားလာပြီး တန်ပြန်ရန် သိသာထင်ရှားသော ဗျူဟာချို့ယွင်းချက်များရှိသည်”ဟု FATF ၏ ကြေညာချက်၌ ဖော်ပြသည်။
Public Service Announcement
FATF ၏ အစည်းအဝေးကို စစ်ကောင်စီ၏ ဗဟိုဘဏ်ဥက္ကဌ ဒေါ်သန်းသန်းဆွေ တက်ရောက်ခဲ့ပြီး ၎င်းတို့အနေဖြင့် အကြမ်းဖက်မှုတိုက်ဖျက်ရေးဥပဒေ၊သက် သေခံပစ္စည်းများစီမံခန့်ခွဲရေးဥပဒေတို့ကို ပြင်ဆင်ပြဌာန်းခဲ့ပြီး ငွေကြေးခဝါချမှုဥပဒေကိုလည်း ပြင်ဆင်ရန် ဆောင်ရွက်နေကြောင်း ပြောဆိုခဲ့သည်။
သို့သော် မြန်မာနိုင်ငံအနေဖြင့်လိုက်နာဆောင်ရွက်ရမည့် အချက်များကျန်ရှိသောကြောင့် မူလအတိုင်းအလေးထားစိစစ်ရမည့်နိုင်ငံဒေသ စာရင်းမှာပင်ဆက် လက်ထားရှိရန် FATF က ဆုံးဖြတ်ခဲ့ခြင်းဖြစ်သည်။
စစ်တပ်အာဏာသိမ်းပြီးနောက်ပိုင်း ၂၀၂၂ ခုနှစ်ကစ၍ FATF က မြောက်ကိုရီးယား၊ အီရန်တို့နှင့်တန်းတူ မြန်မာနိုင်ငံကို အမည်ပျက်နိုင်ငံအဖြစ် ကြေညာခဲ့သည်။
ထို့နောက် နိုင်ငံအတွင်းမှ နိုင်ငံခြားရင်းနှီးမြှုပ်နှံမှုများ ထွက်ခွာခြင်း၊ကျပ်ငွေတန်ဖိုးကျဆင်းကာ ငွေကြေး ဖောင်းပွမှုနှင့်အတူ ကုန်ပစ္စည်းစျေးနှုန်းမြင့်တက်မှုဒဏ်သည် လူထုအပေါ် ဖိအားဖြစ်လာစေခဲ့သည်။ ထိုအပြင် စစ်ကောင်စီလက်ထက်တွင် လာဘ်ပေးလာဘ်ယူမှုများပိုမိုဆိုးရွာလာပြီး စစ်ကောင်စီ၏ ရပ်ကွက်ရုံးအဆင့်မှ ဝန်ကြီးဌာနအထိ့ဌာနတိုင်းတွင် ငွေပေးနေရကြောင်းပြည်သူများကပြောသည်။
ထိုကြောင့် နိုင်ငံတကာ လာဘ်စားမှူအခြေအနေများကိုစောင့်ကြည့်၍မှတ်တမ်းတင်ပေးနေသောTransparency International ၏ ၂၀၂၄ ညွှန်းကိန်းတွင် မြန်မာနိုင်ငံသည် နိုင်ငံပေါင်း ၁၈၀ တွင်အဆိုးဆုံးအဖြစ်နောက်ဆုံးမှရေတွက်လျင် အဆင့် ၁၂ ၌ ရပ်တည်နေသည်။
အကျင့်ပျက်လာဘ်စာမှုများပြားခြင်း ၊ပြည်ပရင်းနှီးမြှပ်နှံမှုများထွက်ခွာခြင်း ၊ ငွေကြေးဖောင်းပွပြီးကုန်ဈေးနှုန်းကြီးခြင်း ၊လျှပ်စစ်မီးပျက်ခြင်း၊စစ်မှုမထမ်းမနေရဥပဒေကျင့်သုံးလာခြင်းစသည်တို့ကြောင့် ပုံမှန်စီးပွားရေးလုပ် ငန်းများဆက်တိုက်ပြိုလဲနေပြီး အလုပ်အကိုင်ရှားမှုကြောင့်လူငယ်နှင့်လူလတ်ပိုင်းများသည် ပြည်ပထွက်ခွာနေကြရသည်။
အာဏာသိမ်းစစ်တပ်(စစ်ကောင်စီ)လက်ထက်၂၀၂၄ သြဂုတ်လတွင် တစ်ဒေါ်လာငွေလဲနှုန်း မှာ ပြင်ပဈေးကွက်တွင်ကျပ် ၈၀၀၀ ခန့် ၊ ၁၆ ပဲရည်ရွှေ တစ်ကျပ်သားလျင် ကျပ်သိန်း ၈၀ ခန့် အထိအမြင့်ဆုံးရောက်ခဲ့ဖူးသည်။ စစ်တပ်အာဏာမသိမ်းခင်က ၁ ဒေါ်လာလျင် ကျပ် ၁၃၀၀ ကျော် ၊ရွှေစျေးမှာလည်း အခေါက်ရွှေတစ်ကျပ်သား ၁၃ သိန်းကျော်သာရှိခဲ့သည်။
