Connect with us

Hi, what are you looking for?

နိုင်ငံတကာ

သမ္မတရဲ့ ကျန်းမာရေးကိစ္စ ကောလာဟလ ဖြန့်သူတွေကို တူရကီ ရဲတပ်ဖွဲ့ စုံစမ်းနေ

အခုတစ်ကြိမ် Twitterမှာ ကောလာဟလတွေ ထပ်ပျံ့လာတာဟာ မရိုးသားတဲ့ နိုင်ငံရေး ထိုးနှက်မှု တစ်ခုလို့ အာဏာရ AKP ပါတီက စွပ်စွဲခဲ့ပါတယ်။ အခု သီတင်းပတ်ထဲမှာ အာဒိုဝမ်ဟာ မြို့တော် အင်ကာရာမှာ အခမ်းအနား တချို့ကို တက်ရောက်ခဲ့ပါတယ်။

သမ္မတရဲ့ ကျန်းမာရေးနဲ့ ပတ်သက်လို့ ကောလာဟလတွေ ဖြန့်ဝေသူတွေကို တူရကီ ရဲတပ်ဖွဲ့က လိုက်လံ စုံစမ်းနေကြောင်း သိရပါတယ်။

သမ္မတ ရာဂျစ် တာယစ်ပ် အာဒိုဝမ်ရဲ့ ကျန်းမာရေးနဲ့ ပတ်သက်လို့ အတည်မပြုနိုင်တဲ့ အချက်အလက်တွေကို Twitterပေါ်မှာ ရေးသား မျှဝေခဲ့တဲ့အတွက် လူပေါင်း ၃၀ လောက်ကို ရာဇဝတ်ကြောင်းအရ စုံစမ်း စစ်ဆေးမှုတွေ ရှိနေကြောင်း ရဲတပ်ဖွဲ့က ပြောပါတယ်။

အဲဒီလူတွေက Hashtagတွေကို သုံးပြီး ဒီသတင်းတွေကို အုပ်စုဖွဲ့ ဖြန့်ဝေခဲ့ကြတာလို့ သိရပါတယ်။ နောက်တော့ အာဒိုဝမ်ရဲ့ နိုင်ငံရေး မဟာမိတ်တွေက သမ္မတရဲ့ နိစ္စဓူဝ လုပ်ဆောင်မှုတွေကို ပြန်လည် ဝေမျှပြီး အာဒိုဝမ် ကျန်းမာရေး ကောင်းနေတယ်လို့ တုံ့ပြန်ခဲ့ပါတယ်။

အရင်ကတည်းက ပြိုင်ဘက် နိုင်ငံရေး ပါတီတွေဟာ အသက် ၆၇ နှစ်အရွယ် အာဒိုဝမ်ရဲ့ ကျန်းမာရေးနဲ့ ပတ်သက်လို့ မေးခွန်းထုတ်တာတွေ ရှိခဲ့ကြပါတယ်။ အာဒိုဝမ်ဟာ ၂၀၁၁ တုန်းက အူလမ်းကြောင်း ခွဲစိတ်မှုတစ်ခု ခံယူခဲ့ရဖူးပါတယ်။ အဲဒီနောက်ပိုင်း သမ္မတမှာ ကင်ဆာရောဂါ စွဲကပ်နေတယ်ဆိုတဲ့ သတင်းတွေ မကြာခဏ ထွက်ပေါ်ခဲ့ပြီး အာဒိုဝမ်က အကြိမ်ကြိမ် ငြင်းပယ်ခဲ့ပါတယ်။

Public Service Announcement

Public Service Announcement

အခုတစ်ကြိမ် Twitterမှာ ကောလာဟလတွေ ထပ်ပျံ့လာတာဟာ မရိုးသားတဲ့ နိုင်ငံရေး ထိုးနှက်မှု တစ်ခုလို့ အာဏာရ AKP ပါတီက စွပ်စွဲခဲ့ပါတယ်။ အခု သီတင်းပတ်ထဲမှာ အာဒိုဝမ်ဟာ မြို့တော် အင်ကာရာမှာ အခမ်းအနား တချို့ကို တက်ရောက်ခဲ့ပါတယ်။

တူရကီ မီဒီယာတွေကတော့ ပြီးခဲ့တဲ့ အပတ်က ဗီဒီယို တစ်ခုမှာ သမ္မတရဲ့ လမ်းလျှောက်ပုံ သိပ်မဟန်ရာကနေ အစပြုပြီး ကောလာဟလတွေ ထွက်လာတာ ဖြစ်နိုင်ကြောင်း သုံးသပ်ကြပါတယ်။ ဒါပေမဲ့ နောက်ပိုင်းမှာတော့ သမ္မတရဲ့ ပြန်ကြားရေး တာဝန်ခံက အာဒိုဝမ် ဘတ်စကက်ဘော ကစားနေပုံ ဗီဒီယို ဖြတ်ပိုင်း တစ်ခုကို ပြန်လည် ဝေမျှသွားခဲ့ပါတယ်။

ဆက်စပ်သတင်းများ

သတင်း

မိခင်ဖြစ်သူရဲ့ ကျန်းမာရေး အခြေအနေ ကောင်းမွန်နေပုံ ရပေမယ့် တစ်ဦးတည်း သီးသန့်ခွဲပြီး နေထိုင်နေရပုံ ပေါ်တယ်လို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ သားက ဗြိတိန်အ​ခြေစိုက် The Guardian သတင်းဌာနကို ပြောကြားပါတယ်။

ကျန်းမာရေးဆောင်းပါး

Dementia လို့ ခေါ်တဲ့ မှတ်ဥာဏ် ချိုု့ယွင်းမှုရောဂါဟာ လေထုညစ်ညမ်းမှုနဲ့ ဘယ်လိုဆက်စပ်မှုရှိပါသလဲ။ အသက်ကြီးလာရင် ဒီရောဂါမခံစားရအောင် ရောဂါဖြစ်နိုင်ချေကို လျှော့ချနိုင်ပါတယ်။ ဘာတွေကို သတိထားလို့၊ ဘယ်လိုလျှော့ချနိုင်ပါသလဲ။

သတင်း

တနင်္သာရီတိုင်း လောင်းလုံးမြို့နယ်က သဘာ၀ဘေးသင့် ပြည်သူတွေရဲ့ကျန်းမာရေး စောင့်ရှောက်မှု လုပ်ငန်းတွေကို မြို့နယ် ပြည်သူ့ကာကွယ်ရေးအဖွဲ့(ပကဖ)နဲ့ လောင်းလုံးမြို့နယ် ကျန်းမာရေး အဖွဲ့တို့ ပူးပေါင်းလုပ်ဆောင်ခဲ့ကြောင်း ပကဖက ထုတ်ပြန်ပါတယ်။

အတွေးအမြင်

ဒေါ်အောင်ဆန်းစုကြည် ဦးဆောင်တဲ့ NLD အစိုးရ သက်တမ်းကာလမှာ ရဲတွေဟာ အင်မတန်မှ မလူးသာမလွန့်သာ ရှိခဲ့ရတယ်။ အကြောင်းကတော့ လာဘ်စားဖို့ ယခင်စစ်တပ်အုပ်ချုပ်စဥ်ကာလတွေလောက် အခြေအနေ မကောင်းကြတော့လို့ပါပဲ။

Facebook