မြန်မာနိုင်ငံကို လာမယ့် ခရီးသည်တွေ ကွာရင်းတင်း ၇ ရက် ဝင်ရမယ်လို့စစ်ကောင်စီကြေညာ

မြန်မာနိုင်ငံကိုပြည်ပကနေလာရောက်မယ့်သူတွေအနေနဲ့ ကွာရင်တင်း ၇ ရက်ဝင်ရမယ်လို့ စစ်ကောင်စီကကြေညာလိုက်ပါတယ်။

ပြည်တွင်းကိုလာရောက်မယ့်သူတွေဟာ စစ်ကောင်စီရဲ့ကျန်းမာရေးဝန်ကြီးဌာနက အသိ အမှတ်ပြုထားတဲ့ ကိုဗစ်ကာကွယ်ဆေး ၇ မျိုးထဲက ၁ မျိုး ကို အပြည့်အဝ ထိုးပြီးသူဖြစ်ရမယ်လို့ ဖော်ပြထားပါတယ်။

အဲဒီကာကွယ်ဆေးတွေကတော့ Sinovac ၊ AstraZeneca or Covishield ၊Pfizer ၊ Janssen or Johnson &Johnson၊ Moderna ၊ Sinopharm ၊ Sputnik V တို့ဖြစ်ပါတယ်။

ဒါအပြင် နိုင်ငံခြားသားတွေအနေနဲ့ မြန်မာနိုင်ငံကိုမလာမီ လွန်ခဲ့တဲ့ ၇၂ နာရီအတွင်း ကိုဗစ်ကင်းကြောင်းစစ်ခဲ့တဲ့ လက်မှတ် ကိုပြသရမှာဖြစ်တယ်လို့သိရပါတယ်။

Public Service Announcement

အဲဒီနောက် ပြည်တွင်းမှာ ကွာရင်တင်း ၇ ရက်ဝင်ရမှာဖြစ်ကာ ကွာရင်းတင်းကာလအတွင်းကိုဗစ် ထပ်စစ်မှာဖြစ်ပြီး ကုန်ကျစရိတ်ကိုကာယကံရှင်က ကျခံရမှာဖြစ်ပါတယ်။