ဧပြီ-၂၊၂၀၂၅။ခွာညို/People’s Spring
ငလျင်ဘေးသင့်ပြည်သူများအတွက် ကူညီရန် ထောက်ပံ့ရေးပစ္စည်းများတင်ဆောင်လာသော တရုတ်ကြက်ခြေနီယာဉ်တန်းသည် ကြိုတင်အသိမပေးသောကြောင့်သေနတ်မိုးပေါ်ထောင်၍ ပစ်ခတ်ခဲ့ကြောင်း စစ်ကောင်စီက ထုတ်ပြန်လာသည်။
စစ်ကောင်စီသတင်းထုတ်ပြန်ရေးခေါင်းဆောင် ဗိုလ်ချုပ်ဇော်မင်းထွန်းက ဧပြီ ၂ ရက်တွင်ထုတ်ပြန်ခြင်းဖြစ်သည်။
ဧပြီလ ၁ ၇က်နေ့ ညနေ၉နာရီ၂၁နာရီအချိန်တွင်တရုတ်နိုင်ငံကြက်ခြေနီအသင်းမှမြန်မာနိုင်ငံ ငလျင်ဘေးသင့်ပြည်သူများအတွက်ထောက်ပံ့ရေးပစ္စည်းများ သယ်ဆောင်လာသည့်ယာဉ်တန်း(၉)စီးသည် မန္တလေးမြို့သို့ သွားစဥ်နောင်ချိုမြို့နယ် အုမ္မတီးကျေးရွာတွင် စစ်ကောင်စီတပ်က ပစ်ခတ်ခြင်းဟု တအာင်းအမျိုးသားလွတ်မြောက်ရေးတပ်မတော်( TNLA)က ထုတ်ပြန်ထားသည်။
Public Service Announcement
၎င်းယာဉ်တန်းသည် မန္တလေးမြို့သို့ခရီးဆက်သွားမည့်အကြောင်းကို စစ်ကောင်စီထံ သတင်းပေးပို့ခဲ့ပြီးဖြစ်သော်လည်း ပစ်ခတ်ခံခဲ့ရပြီး နောင်ချိုမြို့သို့ ပြည်လှည့်ခဲ့ရသည်ဟု TNLA က ထုတ်ပြန်အသိပေးထားသည်။
စစ်ကောင်စီကမူ မြန်မာနိုင်ငံကိုရော သက်ဆိုင်ရာစစ်သံရုံးကိုပါအကြောင်းကြားကြောင်းမရှိကြောင်းငြင်းဆိုပြီး အဆိုပါကားများကိုပါ စုံစမ်းစစ်ဆေးမည်ဟုခြိမ်းခြောက်ထားသည်။ နိုင်ငံတကာမှအကူအညီ များကို စစ်သံရုံးများမှ တဆင့်အကြောင်းကြားမှသာလက်ခံနေပြီး နိုင်ငံ ၁၅ နိုင်ငံမှ လူ ၁၅၀၀ ကျော်၊ ကယ်ဆယ်ရေး လူနှင့် ပစ္စည်းတင်လေယာဥ် အစီး ၅၀ ကျော်ဆိုက်ကပ်ထားသည်ဟုလည်း ဇော်မင်းထွန်းကပြောသည်။
အဆိုပါပစ်ခတ်မှုတွင် ထိခိုက်သူမရှိခဲ့ပေ။TNLA ကယာဉ်တန်းအား ကာကွယ်စောင့်ရှောက်ပေးထားသည်။
ယခုကဲ့သို့ကယ်ဆယ်ရေးကြက် ခြေနီယာဉ်တန်းအား ခြောက်လှန့်ပစ်ခတ်ခြင်းသည် နိုင်ငံတကာကယ်ဆယ်ရေးအဖွဲ့များကိုပါ လုံခြုံရေးအရခြိမ်းခြောက်ခြင်းဟု လားရှိုးမြို့ခံတဦးကသုံးသပ်သည်။
စစ်ကောင်စီသည် နိုင်ငံတကာသတင်းမီဒီယာများကိုလည်း လုံခြုံရေးအကြောင်းပြ၍ ပြည်တွင်းသို့ဝင်ခွင့်မပေးဘဲ တားမြစ်ထားသည်။သတင်းရယူခွင့်ကို ကန့်သတ်ပြီး လွတ်လပ်သောမီဒီယာများမှ သတင်းဖော်ပြမှုများကိုဇော်မင်းထွန်းက ယုံကြည်ကြရန်ပြောပြီးပြည်သူများကို သတင်းအမှောင်ချရန် ကြိုးစားနေသည်။
