မေ ၁၊၂၀၂၅/ရောင်နီ/People’s Spring
ရန်ကုန်မြို့၊ စမ်းချောင်းမြို့နယ်၌ နေအိမ်တိုက်ခန်းအတွင်း မီးစက်နှိုး၍ အဲကွန်းဖြင့်အိပ်ရာမှ အောက်ဆီဂျင်ပြတ်၍ မိသားစုဝင်လေးဦး သေဆုံးခဲ့ကြောင်း ဒေသခံများက ပြောသည်။
“သူတို့အမေက လွန်ခဲ့တဲ့ နှစ်ရက်လောက်ကတည်း က ဖုန်းဆက်တာ မကိုင်လို့ ။ ဒီနေ့ရောက်လာချိန်မှာမှသေဆုံးတာကို သိရတာ”ဟု စမ်းချောင်းမြို့ခံတစ်ဦးက ပြောသည်။
သေဆုံးသူများမှာ အသက် ၃၀ အရွယ် အမျိုးသားတစ်ဦး ၊ အသက် ၂၅ နှစ် နှင့် ၁၆ နှစ်အရွယ်အမျိုးသမီး နှစ်ဦး နှင့် အသက် ၈ နှစ်အရွယ် ကလေးတစ်ဦးဖြစ်ပြီး မေလ ၁ ရက်တွင် နေအိမ်အတွင်း၌ သေဆုံးလျက် တွေ့ရှိခဲ့ခြင်းဖြစ်သည်။
Public Service Announcement
https://www.facebook.com/LuduNwayOo/videos/574946365107497
“သေဆုံးတာတော့ လေး ၊ ငါးရက်လောက်ရှိနေပြီ။အနံ့တွေတော်တော်ထွက်နေပြီ။ အလောင်းတွေကိုတော့ ရန်ကုန်ဆေးရုံကြီးကို ပို့ဆောင်ပေးခဲ့ပါတယ်”ဟု စမ်းချောင်းမြို့နယ် အရန်မီးသတ်တပ်ဖွဲ့မှ တာဝန်ရှိသူတစ်ဦးက ပြောသည်။
သေဆုံးသူများသည် နေအိမ်တံခါးများကို အလုံပိတ်၍ မီးစက်နှိုးကာ အဲကွန်းဖွင့်အိပ်သောကြောင့် မီးစက်မီးခိုးကို ရှုမိ၍ သေဆုံးခြင်းဖြစ်နိုင်ကြောင်း ဒေသခံတစ်ဦးက မှတ်ချက်ပြုသည်။
“သိတဲ့အချိန်မှာ လှုပ်လို့မရတော့ဘူးထင်ပါတယ်။ ကလေးအပေါ်မှာ အဖေက ထပ်ရက်ကြီး ကုန်းထရင်း သေဆုံးနေရတာပါ”ဟု ယင်းနေရာအနီးတွင်နေထိုင်သူတစ်ဦးက ပြောသည်။
နေအိမ်အတွင်း၌ မီးစက်အသုံးပြုခြင်းသည် အဆိပ်သင့်နိုင်သောကြောင့် မပြုလုပ်သင့်ကြောင်း ဆရာဝန်တစ်ဦးက အကြံပြုထားသည်။
“တံခါးဖွင့်အိပ်တော့လည်းသူခိုးကတက်၊လူမိတော့၄လွှာကခုန်ချလို့သေ၊စမ်းချောင်းမှာ၊အခုမီးစက်အိမ်ထဲထားဖွင့်အိပ်တာမီးစက်ကအခိုးအငွေ့ရှူရင်းသေပြန်ပြီစိတ်မကောင်းစရာတွေကြားနေရတယ်” ဟု စမ်းချောင်းမြို့တွင်နေထိုင်သူတစ်ဦးက ရေးသားထားသည်။
