စစ်ကိုင်းတိုင်းဒေသကြီး ၊ကသာခရိုင် ၊မိုးတားလေးကျေးရွာမှာ စစ်တပ်ရဲ့လက်နက်ကြီး ဒဏ်ကြောင့် ဒေသခံတွေ ဘေးလွတ်ရာကိုတိမ်းရှောင်နေရတယ်လို့သိရပါတယ်။
မိုးတားလေးကျေးရွာထဲကို မနေ့က နိုဝင်ဘာလ ၈ ရက်မှာ စစ်တပ်က လက်နက်ကြီးနဲ့ထုပြီးနောက် နေအိမ်တွေ မီးလောင်မှုဖြစ်ပွားခဲ့ပါတယ်။
နေအိမ် ၁၁ လုံးမီးလောင်သွားသလို ကလေးငယ်တစ်ဦးလည်း ဒဏ်ရာရခဲ့တယ်လို့မိုးတားလေးကျေးရွာတွင် နေထိုင်သူတစ်ဦးကပြောပါတယ်။
“မီးကတော့ မနေ့ညကတည်းက ငြိမ်းသွားပြီ၊ ရွာက အိမ်တွေမှာ လူသိပ်မကျန်ခဲ့ဘူး၊ ကလေးတွေ အမျိုးသမီးတွေကော မြစ်တစ်ဘက်ကမ်းကိုတိမ်းရှောင်နေကြတယ်၊စစ်တပ်ကတော့ အခုထိရွာထဲမှာရှိနေတုန်းပဲ”လို့ ရွာသားတစ်ဦးကဆိုပါတယ်။
Public Service Announcement
မိုးတားလေးကျေးရွာမှာ အိမ်ခြေ တစ်ထောင်ကျော်ရှိပြီး အများစုဟာ ဘေးလွတ်ရာ ဘုန်းတော်ကြီးကျောင်းတွေ ၊ မြစ်တစ်ဖက်ကမ်းရှိ ကျေးရွာတွေကို တိမ်းရှောင်နေရပါတယ်။
ကသာမြို့နယ်အတွင်းမှာ စစ်ကောင်စီတပ်က အင်အားသုံး ထိုးစစ်ဆင်လာတာကြောင့် ဒေသခံပြည်သူ့ကာကွယ်ရေးတပ်ဖွဲ့ (PDF) တွေနဲ့တိုက်ပွဲတွေဖြစ်နေတာပါ။
