သိန္နီတွင်စစ်​ကောင်စီတိုက်​လေယာဥ်တစ်စင်းကို အ​မြောက်ဖြင့်ပစ်ချဆိုသောသတင်း ​ဒေသခံများမသိ

–သတင်းအမှားတင်မိသည့်အတွက်​တောင်းပန်​ကြောင်းTNPDF ထပ်မံ​ဖော်ပြ

—People’s Spring

စစ်ကောင်စီ၏ တိုက်လေယာဉ်ကို သိန္နီ PDF က အ​မြောက်ဖြင့်ပစ်ချလိုက်သည်ဆိုသောသတင်း လူမှုကွန်ရက်တွင် ပျံ့နှံ့နေသော်လည်း မြေပြင်တွင်း ယင်းဖြစ်ရပ်ကိုမသိရသေးကြောင်း ဒေသခံများကပြောသည်။

သိန္ဒီ ပြည်သူကာကွယ်ရေးအဖွဲ့လူမှုကွန်ရက်စာမျက်နှာဖြစ်သည်ဆို​သော TNPDFကမူ ၎င်းတို့၏ ​ပြောက်ကြားအဖွဲ့ ၈ အ​မြောက်ပစ်သမား၏ ​လေးချက်​မြောက်တွင်စစ်ကောင်စီ၏ တိုက်လေယာဥ်တစ်စီး ပျက်ကျသွားသည်ဟုမြေပြင်သတင်းအချက်လက်​​ထောက်လှမ်းရေး မှပေးပို့သည်ဟုဆိုကာဓါတ်ပုံအချို့နှင့် ယ​နေ့ ည​ဦးပိုင်းတွင် သတင်းထုတ်ပြန်ထားသည်။

Public Service Announcement

သိန္ဒိမြို့ခံများအား ဆက်သွယ်မေးမြန်းရာ ယင်းဖြစ်စဥ် ဖြစ်ပွားသည်ဟု မကြားမိကြောင်း ပြောသည်။

” တကယ်ဆို ကျွန်တော်တို့ သိရမှာ။ အခုထိ ဘာမှ မကြားဘူး။ လိုင်းပေါ်မှာပဲ သတင်းတွေ့တာ။ မြေပြင်မှာက မထူးဘူး”ဟု သိန္ဒီမြို့ခံတစ်ဦးကပြောသည်။

အွန်လိုင်းသတင်းဌာနတစ်ခုက” စစ်ကောင်စီ၏ တိုက်လေယာဉ်ကို သိန္နီ PDF က ပစ်ချလိုက်ကြောင်း နိုဝင်ဘာလ ၉ရက် ည ၆နာရီခန့်က ထုတ်ပြန်ထားသည်။ ပစ်ချလိုက်သည့်နေရာနှင့် ဖြစ်စဉ်ကို အတည်ပြုနိုင်ရန်ကြိုးစားနေဆဲဖြစ်သည်” ဟု ဆိုကာထပ်မံ​ဖော်ပြထားသဖြင့်ဖေ့ဘွတ်စ်သုံးစွဲသူများကြား၌ ယင်းသတင်း ပျံ့နှံ့နေသည်။

သို့​သော်သိန္ဒီနှင့် ဒေသချင်းဆက်စပ်နေသော ကွတ်ခိုင်မြို့ခံများကလည်း စစ်တပ်ရဟတ်ယာဥ် ပစ်ချခံရသည့်သတင်း မကြားမိကြောင်းပြောသည်။

စစ်​ရေး​သတင်းများ​ရေး​လေ့ရှိ​သောသတင်း​ထောက်အချို့ကတိုက်​လေယာဥ်ကို အ​မြောက်ဖြင့်ပစ်ချသည်ဆိုသည်မှာ မဖြစ်နိုင်​ကြောင်းလည်းသုံးသပ်​နေကြသည်။

အဆိုပါ သတင်းမှာသတင်းအမှားဖြစ်​ကြောင်း ၊မှားယွင်းတင်ခဲ့မိသည့်အတွက်​တောင်းပန်​ကြောင်း TNPDF က ယ​နေ့ည ၉ နာရီ​ကျော်တွင်ပြန်လည်​ရေးသား​ဖော်ပြခဲ့သည်။

“ကျွန်ုပ်တို့သတင်းတင်တာ စောသွားတဲ့ အမှားကြီး မှားပါတယ် ခင်ဗျာ ပြည်သူကိုလှည့်စားသလိူဖြစ်သွားတဲ့တွက်တော်လှန်ရေးကို ပုံရိပ်ကို ညှိစွန်းစေပါတယ် ခင်ဗျာ လေယာဥ်ပျက်ကျတာ မဟုတ်ပါဘူး လေယာဥ်က ဗုံးကြဲလိုက်တဲ့အတွက် ကျ​နော် တို့ဖက်မှ ပုံရိုက်ကူးရေးသမားမှ ရိုက်လိုက်တဲ့ပုံဖြစ်ပြီး တပ်ပြန်ဆုပ်လာတာပါခင်ဗျာ သတင်းရယူမူ အမှားဖြစ်သွားတဲ့ ပြည်သူကို ဝန်ချတောင်းပန်အပ်ပါတယ် ခင်ဗျာ” ဟု​ဖော်ပြထားသည်။