ဇွန်-၃၀၊၂၀၂၅။ သုည/People’s Spring
စစ်ကိုင်းတိုင်းအတွင်း သပိတ်အဖွဲ့တွေ၊ ဒေသခံပြည်သူတွေက ဒီကနေ့ (ဇွန်လ ၃၀)မှာ စစ်ကောင်စီရဲ့ လေကြောင်းသုံးတိုက်ခိုက်မှုအလိုမရှိကြောင်းနဲ့ စစ်အာဏာရှင်ကိုဆန့်ကျင်ကြောင်း ဆန္ဒပြတဲ့ သပိတ် လှုပ်ရှားမှုတွေ အသီးသီး ပြုလုပ်ခဲ့ကြပါတယ်။
စစ်ကိုင်းတိုင်း၊ယင်းမာပင်မြို့နယ်မှာပြည်သူ့အားမာန်သပိတ်မှ “လေကြောင်းသုံးတိုက်ခိုက်မှုအလိုမရှိ” ၊ “မတရားတဲ့စစ်မှုထမ်းဥပဒေကိုဆန့်ကျင်ကြ” ၊ “FreedomFromFear ကြောက်ရွံ့ခြင်းမှလွတ်မြောက်ခြင်း”၊ “ဖက်ဆစ်တပ်ကိုစွန့်ခွာကြပြည်သူ့ရင်ခွင်ခိုလှုံကြ” ကြွေးကြော်သံတွေနဲ့ ချီတက်ဆန္ဒပြခဲ့ပါတယ်။
ယင်းမာပင်မြို့နယ်မြောက်ခြမ်းမှာလည်း အောင်လံလွှင့်မည် ရွှေရေကြည်သပိတ် စစ်ကြောင်းက အကြမ်းဖက်စစ်အာဏာရှင်စနစ်ကို ဆန့်ကျင်ကြဖို့နဲ့ စစ်အာဏာရှင်စနစ်ကို တော်လှန်ကြဖို့ လှုံ့ဆော်ဆန္ဒပြခဲ့ပါတယ်။
Public Service Announcement
အလားတူယင်းမာပင်မြို့နယ်မြောက်ခြမ်း ကျေးရွာတစ်ရွာမှာလည်း ကျေးရွာများသပိတ်ကော်မတီက ဒေသခံပြည်သူတွေနဲ့ ပူးပေါင်းပြီး စစ်အာဏာရှင်စနစ်ကို ဆန့်ကျင်ကြောင်း ဆန္ဒထုတ်ဖော်ပြသခဲ့ပါတယ်။
စစ်ကိုင်းတိုင်းမှာ တော်လှန်ပြည်သူတွေက နယ်မြေမငြိမ်သက်မှုကြားထဲကနေစစ်အာဏာရှင်ဆန့်ကျင်ရေးဆန္ဒပြသပိတ်တွေကိုနေ့စဉ်ပြုလုပ်နေကြတာဖြစ်ပါတယ်။
(ဓာတ်ပုံ – စစ်ကိုင်းဒေသသပိတ်အင်အားစု၊ ရွာပေါင်းစုံသပိတ် )
